قاسىم-جومارت توقاەۆ ەلباسى نۇرسۇلتان نازارباەۆتىڭ ينكليۋزيۆتى دامۋدىڭ جاھاندىق ارحيتەكتۋراسىن قالىپتاستىرۋ جونىندەگى «ءۇش ديالوگ» تۋرالى باستاماسىنىڭ وزەكتىلىگىن اتاپ ءوتتى. مەملەكەت باسشىسى بۇل يدەيانىڭ قۇرامداس بولىگى ەۋرازيا اۋقىمىنداعى ءوزارا ءىس-قيمىلداردىڭ جوسپارىن جاساۋ ءۇشىن ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ جانە ەۋروپاداعى قاۋىپسىزدىك جانە ىنتىماقتاستىق ۇيىمىنىڭ, سودان كەيىن ازيا مەن ەۋروپاداعى باسقا دا وڭىرلىك ءارى كوپجاقتى ينستيتۋتتاردىڭ الەۋەتتەرىنىڭ سينەرگياسىن قامتاماسىز ەتۋ بولىپ سانالاتىنىن ايتتى.
– داۋلى پروبلەمالار مەن قاراما-قايشىلىقتاردى باستالعان ساتىندە شەشۋ ءۇشىن كونسترۋكتيۆتى كەلىسسوزدەردى قامتاماسىز ەتۋ – كۇن تارتىبىندەگى باستى ماسەلەلەردىڭ ءبىرى. سوندىقتان, جاقىن ارادا ازياداعى ءوزارا ءىس-قيمىل جانە سەنىم شارالارى جونىندەگى كەڭەس اياسىندا حالىقارالىق مەدياتسيانى جۇزەگە اسىراتىن تولىققاندى ۇجىمدىق قاۋىپسىزدىك جۇيەسى قۇرىلۋى ابدەن مۇمكىن, – دەدى قازاقستان پرەزيدەنتى.
ايتا كەتەيىك, بۇگىن دۋشانبەدە ازياداعى ءوزارا ءىس-قيمىل جانە سەنىم شارالارى كەڭەستىڭ بەسىنشى ءسامميتى ءوتىپ جاتىر. وعان مەملەكەت باسشىسى قاسىم-جومارت توقاەۆ قاتىسۋدا.
سونداي-اق بۇل اۋقىمدى شاراعا وننان استام ەلدىڭ پرەزيدەنتى مەن ۇكىمەت باسشىلارى كەلدى. اوسشك قۇرامىندا 27 مۇشە-مەملەكەت: اۋعانستان, ازەربايجان, بانگلادەش, باحرەين, ءباا, ۆەتنام, يزرايل, يوردانيا, يراك, يران, قازاقستان, كامبودجا, كاتار, قىرعىزستان, قىتاي, مىسىر, موڭعوليا, پالەستينا, پاكىستان, كورەيا رەسپۋبليكاسى, رەسەي, تاجىكستان, تايلاند, تۇركيا, وزبەكستان, ءۇندىستان, شري-لانكا بار. سونداي-اق اوسشك-ءنى شاقىرۋ تۋرالى يدەيا بىرقاتار مەملەكەتتەردەن جانە بۇۇ, ەقىۇ, امل (اراب مەملەكەتتەرى ليگاسى), تۇركپا, حالىقارالىق كوشى-قون ۇيىمى سياقتى حالىقارالىق ۇيىمداردان قولداۋ تاپتى.
