جاس تۇلەكتەردى وبلىس اكىمى قۇتتىقتاپ,«جاس تۇلەك» فەستيۆالىنىڭ باعدارلاماسى بويىنشا حالىقارالىق وليمپيادالار مەن ءتۇرلى بايقاۋلاردا جەڭىمپاز اتانعان ۇزدىك 16 تۇلەكتى ماراپاتتادى. ولاردىڭ ىشىندە اتا-اناسىنىڭ قامقورلىعىنسىز قالعان ەكى التىن بەلگى يەگەرىنە 500 مىڭ تەڭگەدەن,سونداي-اق, ءۇش "ۇزدىك اتتەستات"يەگەرىنە 300 مىڭ تەڭگەنىڭ سەرتيفيكاتىن تابىس ەتتى.
"حالقىمىزدا مەكتەپ-كەمە, ءبىلىم تەڭىز دەگەن جاقسى ءسوز بار. ءبىلىم ايدىنىندا ەسكەگى مىقتى جان عانا ءوز دەگەنىنە جەتپەك.بولاشاقتا ماڭگىلىك ەلدىڭ ءبىر كىرپىشى بولىپ قالانۋلارىڭىزعا شىن جۇرەكتەن تىلەكتەسپىن"-دەدى ايماق باسشىسى.
بيىلعى جىلى ءاربىر «التىن بەلگى» يەگەرىنە وبلىس اكىمىنىڭ اتىنان قۇتتىقتاۋ حات پەن ارنايى سىيلىق - قولساعات تابىستالدى. اقتوبە وبلىسىنىڭ «100 جاڭا ەسىم» جوباسىنا ەنگەن ارداگەرلەر, تانىمال تۇلعالار قالعان «التىن بەلگى» يەگەرلەرىن ماراپاتتاۋ ءراسىمىن جالعاستىردى.سالتاناتتى شارا سوڭىندا جاس تۇلەكتەردىڭ قۇرمەتىنە ارنايى شاقىرىلعان جاس ءانشى ءابدىجاپپار القوجا اننەن شاشۋ شاشىپ, كوپشىلىككە مەرەكەلىك كوڭىل-كۇي سىيلادى.
