مەديتسينا • 15 ماۋسىم، 2019

تۇركىستاندا ينسۋلت ورتالىعى اشىلدى

315 رەتكورسەتىلدى

تۇركىستان قالالىق ورتالىق اۋرۋحاناسىندا «ينسۋلت ورتالىعى» مەن «ترياج» جۇيەسىمەن جابدىقتالعان جاڭا قابىلداۋ ءبولىمى اشىلدى.

اۋرۋحاناعا جاتىپ ەمدەلۋگە نەمەسە تەكسەرىلۋگە كەلگەن ناۋقاستار ءوز كەزەگىن ءبىلىپ وتىرادى. اقپاراتتىق كيوسك – ناۋقاستاردىڭ تۋىستارى جوسپارلى جانە جەدەل تۇردە وزدەرى نەمەسە جەدەل جاردەم بريگاداسىمەن كەلگەن ناۋقاستاردىڭ قاي بولىمشەدە قاشان جاتقانىن بىلۋگە مۇمكىندىك جاسالعان. «ترياج» جۇيەسى بويىنشا مەديتسينالىق ىرىكتەۋ ۇزدىكسىز جانە ساباقتاستىقپەن جۇرگىزىلەدى. ءبىر پاتسيەنتتىڭ جاعدايىن باعالاۋ پروتسەسى 60 سەكۋندتان اسپايدى. باعالاۋ اياقتالعاننان كەيىن پاتسيەنتتەر ارنايى ءتۇرلى-ءتۇستى لەنتا تۇرىندەگى ىرىكتەۋ ساناتىنىڭ ءبىر تۇسىمەن بەلگىلەنەدى. جەدەل جاردەم بريگاداسى الىپ كەلە جاتقان ناۋقاس تۋرالى تولىق اقپارات اۋرۋحانانىڭ قابىلداۋ بولىمىندە كورىنىپ تۇرادى.  اۋرۋحانانىڭ قابىلداۋ بولىمىندەگى «SOS» باعدارلاماسى باتىرماسىن باسۋ ارقىلى دارىگەرلەردى جانە زەرتحانا مامانىن شۇعىل كومەككە شاقىرۋعا مۇمكىندىك بەرەدى. مەديتسينا سالاسىنىڭ قىزمەتكەرلەرى كەشەندى مەديتسينالىق اقپاراتتىق جۇيەسىمەن جۇمىس ىستەيدى. قازىردىڭ وزىندە ناۋقاستاردىڭ بارلىق قۇجاتتارى ەلەكتروندىق تۇردە جۇرگىزىلۋدە.

اۋرۋحانانىڭ جۇمىسىمەن تانىسۋعا كەلگەن تۇركىستان وبلىسى اكىمىنىڭ ورىنباسارى جولدىمۇرات امانباەۆ پەن وبلىستىق دەنساۋلىق ساقتاۋ باسقارماسىنىڭ باسشىسى مۇقان ەگىزباەۆ جوعارى ساپالى CANON تەحنولوگياسى نەگىزىندە ازىرلەنگەن «Aquilion Prime SP-160» كومپيۋتەرلىك توموگرافى تۋرالى كەڭىرەك اقپارات الدى. جابدىقتىقتىڭ ەرەكشەلىكتەرى -  Aquilion Prime SP كومپيۋتەرلىك رەنتگەندىك سكانەر 78 سم كەڭەيتىلگەن اپەرتۋراعا يە. ەكسپوزيتسيالىق باقىلاۋ جانە يتەراتيۆتى رەكونسترۋكتسيا ساۋلەلەنۋدىڭ دۇرىس دەڭگەيىمەن جاقسى ساپاداعى ايقىن كەسكىندەردى الۋعا مۇمكىندىك بەرەدى. تۇركىستان ءوڭىرىنىڭ تۇرعىندارىنا ەندى  وبلىس ورتالىعىندا زاماناۋي جابدىقتىڭ كومەگىمەن ساپالى قىزمەت كورسەتىلەتىن بولادى.

تۇركىستان وبلىسى

سوڭعى جاڭالىقتار

جاس ونەرپاز الماتىعا ءان ارنادى

ايماقتار • بۇگىن، 10:10

كۇلكى كەرۋەنى № 20

رۋحانيات • 06 جەلتوقسان، 2019

ورالدا جاستار باستامالارىن قولداۋ جاقسى

ايماقتار • 06 جەلتوقسان، 2019

ۇقساس جاڭالىقتار