پرەزيدەنت • 13 ماۋسىم، 2019

ءادىل احمەتوۆ: جارقىن كەلەشەك كىلتى – جاسامپازدىق

182 رەتكورسەتىلدى

ەلىمىزدەگى ورىن الىپ جاتقان ءارتۇرلى ساياسي وقيعا مەن رەفورمانىڭ باسىندا – 9 ماۋسىمدا وتكەن قازاقستان رەسپۋبليكاسىنىڭ جاڭا پرەزيدەنتىن سايلاۋى تۇرعانى انىق. بۇل – تاۋەلسىز قازاقستاننىڭ جاڭا تاريحي داۋىرگە ءوتۋ جولىنداعى جاۋاپتى ءسات، قايىرلى قادام. ەلىمىز ەگەمەندىك العانعا دەيىن دە، قاسيەتتى تاۋەلسىزدىگىمىز تۇعىرىن نىقتاعاننان كەيىنگى 30 جىلعا تارتا ۋاقىتتا دا ءتۇرلى ساياسي جاعدايلاردى، قيىندىقتاردى باسىنان كەشىردى. سونداي سىندارلى ساتتە قازاققا قازاقتىعىن ساقتاپ، بۇگىنگى الەمدىك ارەناداعى ابىرويلى ورنىن بەلگىلەۋدە، مىزعىماس ىنتىماعىمىزدى ساقتاپ قالۋدا بىزگە قاشاندا اۋىزبىرشىلىك، سالقىن اقىل مەن سابىر سەرىك بولعانى انىق. ۇلتىمىزدىڭ مىنەزىنە ءتان وسى ءبىر قالىبىمىزدى قازىر دە جوعالتپاي، كەرىسىنشە بارلىعىمىز ءبىر جاعادان باس، ءبىر جەڭنەن قول شىعارۋعا ۇمتىلۋىمىز كەرەك. سەبەبى قازىر زامان الماعايىپ، تەز قۇبىلعىش. ءبىز سونداي تۇراقسىزداۋ ساياسي احۋالداردىڭ ورتاسىندا ءومىر ءسۇرىپ جاتىرمىز. جان-جاعىمىزدان قاۋمالاپ، ءسال عانا اياعىمىزدى شالىس باسىپ، ءمۇلت كەتۋىمىزدى اڭدىپ وتىرعاندار اينالامىزدا وتە كوپ. سونداي ساتتە قىزبالىققا سالىنۋدىڭ قاجەتى جوق. تۇتاس ۇلت دەڭگەيىندەگى وزگەرىس ءبىر ساتتە ورنامايدى. اسىعىس قادامنىڭ سوڭى كەيىن ورنى تولماس وكىنىشكە الىپ كەلۋى مۇمكىن. بۇل تۇرعىدان بىزگە قاي كەزدە دە تاريحتىڭ تاۋقىمەتتى بەتتەرى ساباق بولىپ، ۇنەمى تاۋبەگە ءتۇسىرىپ وتىرۋى كەرەك دەپ ەسەپتەيمىن. بىزگە الاۋىزدىق ەمەس، بىرلىك كەرەك. جاستار بىلىمگە ۇمتىلعاندا عانا ەلىمىزدىڭ كەلەشەگىن كەمەل ەتە الادى. شۇكىر، قازىر تاۋەلسىزدىك تاربيەلەگەن ەركىن ويلى، زيالى ازاماتتار ءوسىپ كەلە جاتىر. ۋاقىتى كەلگەندە ەلدىڭ ەرتەڭىن، جارقىن كەلەشەگىن ءسوزسىز ءبىز جاسايتىن بولامىز. سول ءۇشىن دە بۇگىنگى بەيبىت ومىرىمىزگە تاۋبە دەپ، ءاربىر قازاق ۇلتتىڭ بولاشاعىن باياندى ەتۋگە ۇمتىلۋى كەرەك. ال جەڭىستىڭ كىلتى – بىرلىكتە، بىلىمدە. تاۋەلسىزدىك –  اتا-بابالارىمىزدىڭ بىزگە قالدىرعان قاسيەتتى اماناتى. وسىنى ۇمىتپاساق ەكەن دەيمىن.

ءادىل احمەتوۆ، 

مەملەكەتتىك سىيلىقتىڭ لاۋرەاتى، تەاتر جانە كينو اكتەرى

سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار