ۇلكەن ۇمىت ۇستىندەمىز

بۇل – ەرەكشە تاريحي كۇن. قا­زاق­ستان تاريحىنداعى ەكىنشى پرەزيدەنت سايلانىپ، ۇلىقتاۋ ءرا­سى­مى ءوتتى. ءاربىر پرەزيدەنت سايلاۋىنا، سايلانعان پرەزيدەنتكە حا­لىقتىڭ ۇلكەن ۇمىتپەن قا­رايتى­نى – زاڭدىلىق. جاڭا پرەزيدەنت قاسىم-جومارت توقاەۆ ءوزىنىڭ سوزىندە ەلىمىزدىڭ ءارى قارايعى دامۋىنىڭ ون باعىتىن بەلگىلەپ، ناقتى جوس­پارلارىمەن ءبولىستى.

بىز كورنەكتى ديپلومات، مەم­لە­­كەتشىل قايراتكەر رەتىندە تا­نىل­عان ق.توقاەۆقا سەنىم ءبىل­دى­رىپ، پرەزيدەنتىمىزدىڭ باستامالا­رىن قولداۋعا ءار كەز دايىنبىز. بارلىعىمىز دا قازاقستاننىڭ بولاشاعى جارقىن بولىپ، الەم­دىك ارەناداعى بەدەلىنىڭ وسە تۇسۋىنە مۇددەلىمىز. ەندى جاڭادان سايلانعان پرەزيدەنتىمىز الداعى ۋا­­قىتتا ەلباسى نۇرسۇلتان نازار­باەۆتىڭ ساياساتىن، باعى­تىن جال­عاستىرا وتىرىپ، ەلىمىز­دىڭ گۇل­دەنۋىنە، حالىقتىڭ ءال-اۋقا­تىنىڭ ارتۋى ءۇشىن بار تاجىري­بە­سىن، كۇش-جىگەرىن ايامايدى دەپ سەنەمىز.

ورالباي ابدىكارىموۆ،

مەملەكەت جانە قوعام قايراتكەرى

 ؛

ەلدىك ماسەلەنى ەكشەدى

جاڭا پرەزيدەنتىمىز حالىق الدىندا اتا زاڭىمىزعا قولىن قويىپ، انت بەردى. سايلانعان پرەزيدەنت رەتىندە قىزمەتىنە كىرىستى. مەملەكەت باسشىسى سالتاناتتى راسىمدە سويلەگەن سوزىندە ەكونوميكالىق ءوسىمنىڭ ەلدەگى ءبىرقاتار الەۋمەتتىك ماسەلەلەردى شەشەتىنىن ايتتى. مەنىڭشە، بۇل – دۇرىس باستاما. «ازاماتتارىمىز ءوز ەلىندە ءالاڭسىز ومىر ءسۇرىپ، ەڭبەك ەتىپ، ۇرپاعىن تاربيەلەپ، حالقىمىزدىڭ جەتىستىكتەرىنە بىرگە قۋانىپ، ماقتان تۇتۋ ءۇشىن ەكونوميكالىق ءوسىم بولۋى ءتيىس» دەدى ول بايانداماسىندا. بۇل باعىتتا لايىقتى ناتيجەگە قول جەتكىزۋ ءۇشىن كاسىپكەرلىكتى دامىتۋ كەرەك.

ەكىنشىدەن، قوعامنىڭ ءبىر مۇشەسى، وسى ەلدىڭ ازاماتى رەتىندە ماعان ۇناعانى – قوعام­مەن ديالوگ قۇرۋدى قالايتىنى. بۇل وركەنيەتكە بەت العان ءبىز سەكىلدى دەموكراتيالىق مەم­لە­كەتتىڭ دامۋىنا جول اشادى. سوندىقتان ونىڭ ۇلتتىق قوعام­دىق سەنىم كەڭەسىن قۇرۋ تۋرالى شەشىمى – حالىقپەن ەتەنە بولۋعا جاردەمدەسەتىن جول. پرەزيدەنت قوعامدىق وي-پىكىردى، حالىقتىڭ قاي جولمەن دامۋدى قالايتىنىن بىلگىسى كەلەدى.

ال قورشاعان ورتانى قورعاۋ سالاسىندا ەڭبەك ەتىپ جۇرگەن مەن ءۇشىن مەملەكەت باسشىسىنىڭ ەكولوگيا تۋرالى ويى ەرەكشە بولدى. ويتكەنى كوپ ادام ەكولوگيا ماسەلەسىن ەكىنشى، ءتىپتى ءۇشىنشى قاتارعا قويىپ جاتادى. ءبىراق بۇل – اسا ماڭىزدى ماسەلە. سەبەبى ەكولوگيا – ۇلتتىڭ دەنساۋلىعى. ءبىز ءوزىمىزدى قورشاعان ورتادا ءومىر سۇرەمىز. پرەزيدەنت ايتقانداي، قورشاعان ورتانىڭ قازىرگى مۇشكىل ءحالى – كوپشىلىكتىڭ كوكەيىندەگى ماسەلە. سوندىقتان وسى تۇيتكىلدىڭ ءتۇيىنىن تارقاتۋدا جۇيەلى جۇمىستار اتقارىلۋى ءتيىس.

ايگۇل سولوۆەۆا،

قازاقستان ەكولوگيالىق ۇيىمدار قاۋىمداستىعىنىڭ

باسقارما ءتورايىمى

 ؛

بەرەرى مول بەدەلدى تۇلعا

مىنە، تاريحي وقيعاعا كۋا بولدىق. قازاق­ستان­نىڭ تاۋەلسىز تاريحىندا ەكىنشى پرەزيدەنت سايلاندى. ەلباسى ورنىن وزىنەن كەيىنگىلەرگە بەرىپ، كورەگەندىك تانىتتى. بۇل دا قازاقتاي پاراساتتى حالىقتىڭ قولىنان كەلەتىن ءىس. قاسىم-جومارت كەمەلۇلى – ءبىرتۋار ازامات. ەڭبەك جولىن ەلگە قىزمەت ەتۋگە ارناپ، قازاقستاننىڭ وزگە ەلدەرمەن تەڭ دارەجەدە بولىپ، حالىقارالىق بەدەلىن ارتتىرۋعا جۇمىس ىستەدى. مەن ق.توقاەۆتىڭ شتابىندا بولدىم، وڭىرلەرگە بارىپ، ۇگىت-ناسيحات جۇرگىزدىك. ەلىمىزدە وسىنداي الەمدىك دەڭگەيدە بەدەلدى تۇلعانىڭ بارىنا قۋاندىم.

پرەزيدەنت ۇلىقتاۋ راسىمىندەگى بايانداما­سىن­دا الداعى جۇمىس-جوسپارىمەن ءبولىستى. سونىڭ ىشىندە ماعان حالىقتىڭ تابىسىن ارت­تىرۋدى قولعا الاتىنىن ايتقان ءبىرىنشى با­عى­تى ەرەكشە ۇنادى. تاياۋ ارادا ۇكىمەتتىڭ كەڭەي­تىل­گەن وتىرىسىندا ەلىمىزدىڭ الەۋمەتتىك-ەكونوميكالىق دامۋىنا ارنالعان ناقتى مىندەت­تەر­دى ايقىندايتىنىن ءاتاپ وتتى. ەلدىڭ تابىسى، كۇنكورىسى جاقسى بولسا، جەمقورلىق تا جويىلادى. ەڭ ماڭىزدىسى – پرەزيدەنت ايتقانداي، ورتا تاپ قالىپتاسادى.

قازاقتا «بالاسى اتقا قونسا، شەشەسى تاقى­مىن قىسادى»، دەگەن ءسوز بار، اتقا قونعان ءۇلىن بارىمىز حالىق بولىپ قولداپ، كوتەرۋىمىز كەرەك. سوندا عانا ناتيجە بولادى. شەتەلدىڭ ءبارى بىزگە سىن كوزىن سالىپ وتىر. سول ءۇشىن ءبىز سەكىلدى الدىڭعى تولقىن اعالار وزىنەن كەيىنگىلەرگە ۇلگى بولىپ، جاستار اماناتقا لايىق بولاتىنداي تاربيەلەۋىمىز قاجەت.

جاقسىلىق ۇشكەمپىروۆ،

وليمپيادا چەمپيونى

 ؛

ومىر ساپاسى وزگەرەدى

كەزەكتەن تىس پرەزيدەنت سايلاۋىنىڭ قورىتىندىسى بو­يىنشا قاسىم-جومارت توقاەۆ ايقىن باسىمدىقپەن جەڭىسكە جەتتى. ءبىز ەلىمىزدىڭ الداعى دامۋ باعدارىن ايقىندايتىن جاڭا پرەزيدەنتتى تاڭدادىق. ياعني، قازاقستاننىڭ بولاشاعى ءۇشىن داۋىس بەردىك.

قا­زاقستاندىقتاردىڭ تاڭ­­دا­ۋى، ءار داۋسى وتە ما­ڭىز­­دى. ەل ازا­مات­تارى بۇل سايلاۋدا بەلسەندىلىك تانىتىپ، مەملەكەتتىڭ الەۋەتىن ارت­تىرۋ ءۇشىن، گۇلدەنىپ، بولا­شا­عى­نىڭ جارقىن بولۋى ءۇشىن قىزمەت ەتەتىن كانديداتقا قول­داۋ كورسەتتى. ءبىزدىڭ بۇگىنگى تاڭ­داۋى­مىز ەل ەرتەڭىنە زور اسەرىن تيگىزەدى.

ەندى ءبىزدى الدا ۇلكەن جۇ­مىس­تار كۇتىپ تۇر. قازاق­ستان­دىقتاردىڭ ارتقان زور سەنى­مىن، كۇتكەن ءۇمىتىن اقتاۋ كەرەك. قاسىم-جومارت توقاەۆ وسى ۇدەدەن شىعىپ، ەلباسىنىڭ ستراتەگيالىق جولىنىڭ بۇدان ءارى دە جالعاسا بەرەتىنىنە كەپىل بولادى. سونداي-اق پرەزيدەنت ەل ازاماتتارىنىڭ ءال-اۋقاتىن ارتتىرىپ، ءومىر ءسۇرۋ ساپاسىن جاقسارتۋ ءۇشىن بار كۇش-جىگەرىن سالادى دەپ سەنەمىز.

قازاقستاننىڭ ىسكەر ايەلدەر قاۋىمداستىعى

باعالى باستاما

قاسىم-جومارت توقاەۆتىڭ قازاقستان رەسپۋبليكاسىنىڭ پرەزيدەنتى قىزمەتىنە رەسمي كىرىسۋ ءراسىمى ەرەكشە وتتى. ادەتتە ۇلىقتاۋ ءراسىمى سايلاۋ قورىتىندىسى شىققاننان كەيىن اراعا ءبىراز كۇن سالىپ بارىپ بولاتىن ەدى. وسى جولى ەرتەرەك وتكەنىن جاڭا پرەزيدەنتتىڭ الداعى جۇمىس جوسپارىن ناقتىلاپ، جەدەلدەتىپ باستاۋعا ۇمتىلعانى دەپ ويلايمىن. بۇل رەتتە مەملەكەت باسشىسى ۇسىنعان باستامالارىنا باسا ءمان بەرگەنىمىز ابزال. قازىردىڭ وزىندە حالىق اراسىندا قاسىم-جومارت توقاەۆتىڭ ون يدەياسى دەپ تاراپ جاتقان باعىت-باعدارلار بار. سونىڭ ىشىندە قوعام بەلسەندىلەرىنىڭ كوڭىلىنەن شىققان ۇلتتىق قوعامدىق سەنىم كەڭەسىن قۇرۋ تۋرالى باستاماسىن ايتار ەدىم.

كەزەكتەن تىس پرەزيدەنت سايلاۋىنىڭ ناتيجەلەرىنە تاعى ءبىر كوز جۇگىرتسەك، ءاربىر كانديداتتىڭ جيناعان پايىزدىق داۋىستارىنىڭ ارتىندا حالىقتىڭ ءۇنى، ءارتۇرلى سيپاتتاعى ماسەلەلەرى تۇر. ەندى وسىنداي تالاپ-تىلەكتەر بويىنشا ەل ازاماتتارىمەن ديالوگ قۇرۋ، كوممۋنيكاسيا ورناتۋ جاڭا ايتقان ۇلتتىق قوعامدىق سەنىم كەڭەسى ارقىلى جۇزەگە اسىرىلادى. بۇل كەڭەس مەملەكەت باسشىسىنىڭ جارلىعىمەن ءبىر ايدىڭ ىشىندە جۇمىسىن باس­تايدى. قاسىم-جومارت توقاەۆتى حالىقارالىق دارەجەدە قىزمەت ەتكەن تاجىريبەلى ديپلومات رەتىندە حالىق پەن بيلىك اراسىندا كوپىر بولاتىن كەڭەستى قالىپتاستىرادى دەپ سەنەمىن.

مۇحتار مانكەەۆ،

«قازاقستان-2050» جالپىۇلتتىق قوزعالىسى كەڭەسىنىڭ ءتوراعاسى

 ؛

ۇلى مۇراتتارعا ۇمتىلىس

قازاقستان ەلەۋلى وزگە­رىس­­تەر­^­دىڭ الدىندا تۇر. مىنە، جاڭادان سايلانعان پرەزيدەنت قاسىم-جومارت توقاەۆ ەل الدىندا انت قابىلداپ، مىندەتىن اتقارۋعا كىرىستى. سالتا­نات­تى ۇلىقتاۋ راسىمىندە ءوزىنىڭ الداعى ىستەيتىن جۇ­مىس­تار­ى­نىڭ جوس­پارىن باياندادى. سول سوزىنە مۇقيات تىڭدادىم، ويتكەنى ونىڭ سەنىم ارتقان ادامىنان يگى ءىس، نىق قادام كۇتكەن حالىق ءۇشىن ماڭىزى زور. جۇمىس-جوسپارىنا زەر سالىپ، ونەر ادامى رەتىندە ءوز كاسىبىمە كەرەك قانداي دۇنيە بار ەكەنىنە باسا كوڭىل اۋداردىم. پرەزيدەنت بولا­شاق­تاعى جوسپارىندا رۋحان­يات سالاسىن دا نازاردان تىس قالدىرماعان. ول ءوز سوزىندە «رۋحاني جاڭعىرۋ» قۇن­دىلىقتارى ءبىزدىڭ باس­تى رۋحاني باعدارىمىز بولىپ قالا بەرەتىنىن، تاريحقا قۇرمەتپەن قاراۋ، وتانعا ادال بولۋ، عىلىم-بىلىمگە ۇمتىلىس سەكىلدى حالقىمىزدىڭ بويىن­دا­عى اسىل قاسيەتتەرگە ەرەكشە توقتالدى. شىنىندا دا، وسى اتالعان قاسيەتتەر ەلىمىزدى دامۋعا باستايدى.

مەن – ۇستازدىق جو­لىن­دا­عى اداممىن. سوندىقتان مەملەكەت باسشىسىنىڭ ايت­قان سوزىندەگى ەڭ ماڭىزدىسى مەن ءۇشىن «ۇستاز مارتەبەسى» تۋرالى مالىمدەۋى بولدى. ول: ء«بىز مۇعالىمدەردىڭ مارتەبەسىن كوتەرەتىن جاڭا زاڭدار قابىل­داي­مىز. ولاردىڭ قۇقىعىن قورعاپ، ماتەريالدىق جاع­دا­يىن جاقسارتۋ ءۇشىن ءتيىستى جاعداي جاسايمىز»، دەدى. وسى سوزگە مۇعالىمدەردىڭ جالا­قى­سى، قوعام الدىنداعى بە­دە­لى، ولارعا بەرىلەتىن باسپانا، مىندەتىنە جاتپايتىن جۇ­مىستارعا جەگىپ تاستاۋ ؛ ماسە­لە­سى كىرەدى دەپ سەنەمىن.

ۇلىقتاۋ راسىمىندە بولدىم، ەگەر پرەزيدەنت الدىنا قويعان ماقساتتارعا جەتىپ، جوعارىداعى جۇمىس-جوسپارى لايىقتى ىسكە اسسا، ەلىمىز وركەندەيدى.

جانعالي ءجۇزباي،

قازاق ۇلتتىق ونەر ۋنيۆەرسيتەتىنىڭ پروفەسسورى

 ؛

دامۋدىڭ جاڭا داڭعىلى

كەشە نۇر-سۇلتان قالاسىندا قا­زاق­ستان رەسپۋبليكاسىنىڭ پرە­زي­­دەنتى قىزمەتىنە رەسمي تۇردە كى­رى­سۋىن زاڭدى تۇردە بەكىتۋگە ارنال­عان سالتانات­تى ۇلىقتاۋ راسىمىندە قازاقستان رەسپۋبليكاسى كون­ستي­تۋ­سيا­سىنىڭ 42-بابىنا سايكەس جاڭا سايلانعان كازاقستان رەس­پۋب­لي­كاسىنىڭ پرەزيدەنتى ق. توقاەۆ قازاقستان حالقىنىڭ الدىندا انت بەرگەن ەرەكشە تاريحي ءساتتىڭ كۋاسى بولدىق.

وزىنىڭ سايلاۋالدى باعدار­لا­ماسىندا بەيبىتشىلىك پەن كەلىسىمدى، ورتاق يگىلىك، قازاق­ستان­نىڭ وركەندەۋى مەن گۇلدەنۋى جولىندا ايانباي ەڭبەك ەتۋدى ءوزىنىڭ باستى ماقساتى ەتىپ العان ق.توقاەۆتىڭ سايلاۋداعى جەڭىسى زاڭدى قۇبىلىس دەۋگە بولادى. قوعامىمىزدا تۇراق­تى­لىقتى، بىرلىكتى، ەكونو­مي­­كالىق وركەندەۋدى الداعى قىز­مەتىنە تەمىرقازىق ەتىپ العان ەلباسىمىزدىڭ باستى ون باعىت بويىنشا بەلگىلەگەن باعدارلارى قۋاتتى، گۇلدەنگەن قازاقستاندى قالىپتاستىرادى، ەلى­مىزدىڭ وركەندەۋىنە، حال­قى­مىزدىڭ ؛ الەۋمەتتىك جاع­دايى­نىڭ جاقسارۋىنا، ؛ كونستي­تۋ­سيامىزبەن بەكىتىلگەن مەملە­كە­تىمىزدىڭ ەڭ قىمبات قازىناسى – ازاماتتارىمىزدىڭ زاڭدى قۇقىلارى مەن مۇددەلەرىن، قۇقىقتارى مەن بوستاندىقتارىن بارلىق مەملەكەتتىك جانە قۇقىق قورعاۋ ورگاندارى، لاۋازىمدى تۇلعالار تاراپىنان ادىلەتتى قورعاۋعا جول اشادى دەپ ەسەپتەيمىن.

«ەلىمىزدىڭ ءار ادامىنىڭ مۇددەسىن قورعاۋ – مەنىڭ باستى ماقساتىم»، دەپ ءوز انت بەرۋ راسىمىندە اتاپ كور­سە­تۋىنىڭ ءوزى ؛ ناعىز حالىق­تىق دەموكراتيانىڭ، قارا­پايىم­دى­لىقتىڭ جانە ءوز حالقىنا جاقىن­دىقتىڭ ۇلگىسى دەر ەدىم.  ؛ ؛ ؛ ؛ ؛ ؛ ؛ ؛ ؛ ؛ ؛ ؛

تاۋەلسىزدىگىمىزدى ودان ءارى نى­عايتىپ، ەلىمىزدى دامۋ­دىڭ جاڭا ور­كەنيەتتى ساتىسىنا كوتە­رە­­تىن قازاقستان رەسپۋبليكاسى پرە­زي­­دەنتىنىڭ قىزمەتىنە جاڭا كى­رىسكەن قاسىم-جومارت كەمەل­ۇلى توقاەۆتاي ءىرى مەملەكەت قايراتكەرىنە اللامىز مىقتى دەنساۋلىق، جاسى­ماس جىگەر، قاجىرلى قايرات بەرىپ، ەلىمىزدىڭ نۇرلى، بەرەكەلى، بەيبىت بولاشاعى ءۇشىن جاسايتىن ءاربىر ءىسى ساتتىلىككە تولى بولسىن دەمەكپىن!

بەكمۇحامەت سەرىكباەۆ،

قازاقستاننىڭ زاڭگەرلەر جانە جۋرناليستەر وداقتارىنىڭ

مۇشەسى، بەلگىلى زاڭگەر