ساياسي دودادا توپ جارعان بۇگىنگى پرەزيدەنتىمىز قاسىم-جومارت توقاەۆ قازاقستاندى جاڭا بەلەسكە كوتەرەتىنىنە سەنىم ارتا ءبىلۋىمىز كەرەك. قازاق ەجەلدەن سوزگە توقتاي ءبىلگەن, ءدام-تۇزدى اقتاي بىلگەن حالىق ەمەس پە ەدىك. قاسىم-جومارت كەمەل ۇلىنىڭ كەشەگى ۇلىقتاۋ راسىمىندە ايتقانىنداي, وعان دەيىن دە كوتەرىپ كەلە جاتقان ماسەلەلەرىن تىڭداعان بولساق, ادىلەت جولىندا ەل باسقارۋدىڭ جاڭا داۋىرىنە وتەمىز دەپ وتىر. بۇل ءسوز ويلاۋ جۇيەسى جاڭا دەموكرات تۇلعانىڭ ءسوزى.
جۇيەگە كۇيە جاعا سالۋ ءبارىمىزدىڭ قولىمىزدان كەلەدى. ءبىراق, جۇيەنى ءجوندەۋگە ەشكىمنىڭ سابىرى جەتەر ەمەس. باۋكەڭ ايتپاقشى, زاڭعا باعىنساق ەشكىمنىڭ ق ۇلى بولمايمىز. ءبىز بىرەۋلەردى ۇلگى تۇتپاۋىمىز كەرەك, قايتا بىزدەن ۇلگى السىن وزگەلەر. بيلىك جاستاردىڭ تالاپ-تىلەكتەرىن تىڭداپ جانە سونى ورىنداۋعا شاما-شارقىنشا كونىپ وتىر. تەك سول ارەكەتتەردى جۇزەگە اسىرۋعا ءمۇمكىندىك بەرۋىمىز كەرەك. الداعى بەس جىلدا ۇلكەن بەلەسكە شىعاتىنىمىزعا سەنگەنىمىز ءجون. بەلەسكە بەيبىت كۇندە عانا كوتەرىلە الامىز.
سەرىك اقسۇڭقار ۇلى,
اقىن, قازاقستاننىڭ ەڭبەك سىڭىرگەن قايراتكەرى
