كينو • 13 ماۋسىم، 2019

«شىراقشى» – شانحاي فەستيۆالىندە

182 رەت كورسەتىلدى

15-24 ماۋسىم ارالىعىندا وتەتىن شانحاي حالىقارالىق كينوفەستيۆالى اياسىندا رەجيسسەر ەرمەك تۇرسىنوۆتىڭ «شىراقشى/حرانيتەل» كوركەم ءفيلمىنىڭ الەمدىك تۇساۋكەسەرى وتپەك. قازاق كينو تاريحىندا اتالعان فەستيۆالدىڭ نەگىزگى كونكۋرسىنا قازاقستاندىق فيلم العاش رەت قاتىسىپ وتىر.

فيلم سيۋجەتى سوعىستان قايت­قان ساربازدىڭ كەيىنگى ءومىر جولىن باياندايدى. قان مايداندا نەمىستىڭ شالىن قۇتقارىپ قال­عانى ءۇشىن ەسكى فيلمدەر تاس­پا­لان­عان كينوپروەكتوردى سىيعا العان ساتتە مايدانگەردىڭ ومىرلىك مۇ­راتى جاڭا ارناعا بۇرىلعان ەدى. ول ءومىرىنىڭ سوڭىنا دەيىن كينوپروەكتوردى كوزىنىڭ قاراشىعىنداي ساقتاپ، كەلەشەككە جەتكىزۋدى مۇ­رات ەتەدى. كوركەم تۋىندى «زاما­نا كوشى وزعانمەن، ونەر عانا ماڭگىلىك» دەگەن ويدى بەلگىلى ءبىر ارنا­عا توعىستىرا وتىرىپ، تارتىستى وقيعامەن وربىتەدى.

پروديۋسەر قانات تورە­باي­­دىڭ ايتۋىنشا، وقيعا جە­لى­­­سى شىندىققا نەگىزدەلگەن. «شى­راق­شى دەگەن ۇعىم قازاق تانىمىندا ورنى بار تۇلعا، ياعني كيەلى ورىننىڭ ساقتاۋشىسى. ەرمەكتىڭ كينولارى قاشاندا استار­لى ويىمەن قۇندى كەلەدى. قان­داي كورەرمەن بولسا دا وزىنە كەرەك دۇنيەنى پايىمداي الادى»، دەي­دى ول. 

ءفيلمنىڭ العاشقى ەپيزود­تا­رى ۆەنگريانىڭ بۋدا­پە­شت قالاسىندا، سونداي-اق قا­زاق­ستان­نىڭ جەكەلەگەن اۋدان­دارىندا تۇسىرىلگەن. ءرول­دەر­دى مۇرات مۇ­قاجانوۆ، قۋات تىلەۋباەۆ، نينا ۋساتوۆا، ءالى­بەك داناباي سىندى تالانتتى اكتەرلەر قاتا­رى الىپ شىقسا، مۋزىكالىق سۇيە­­مەلدەۋىن كومپوزيتور قۋات ءشىل­دەباەۆ اتقارعان. ستسەناري اۆتورى جانە قويۋشى رەجيسسەرى ەرمەك تۇرسىنوۆ بولسا، قويۋشى-وپەراتورى مارتين سەچانوۆ، قويۋشى-سۋرەتشىسى قۋات تىلەۋباەۆ سىندى ماماندارعا جۇكتەلگەن. 

سوڭعى جاڭالىقتار

شىرقاۋ شىڭى شوقاننىڭ

رۋحانيات • كەشە

ۇقساس جاڭالىقتار