پروديۋسەر قانات تورەبايدىڭ ايتۋىنشا, وقيعا جەلىسى شىندىققا نەگىزدەلگەن. «شىراقشى دەگەن ۇعىم قازاق تانىمىندا ورنى بار تۇلعا, ياعني كيەلى ورىننىڭ ساقتاۋشىسى. ەرمەكتىڭ كينولارى قاشاندا استارلى ويىمەن قۇندى كەلەدى. قانداي كورەرمەن بولسا دا وزىنە كەرەك دۇنيەنى پايىمداي الادى», دەيدى ول.
ءفيلمنىڭ العاشقى ەپيزودتارى ۆەنگريانىڭ بۋداپەشت قالاسىندا, سونداي-اق قازاقستاننىڭ جەكەلەگەن اۋداندارىندا تۇسىرىلگەن. ءرولدەردى مۇرات مۇقاجانوۆ, قۋات تىلەۋباەۆ, نينا ۋساتوۆا, ءالىبەك داناباي سىندى تالانتتى اكتەرلەر قاتارى الىپ شىقسا, مۋزىكالىق سۇيەمەلدەۋىن كومپوزيتور قۋات ءشىلدەباەۆ اتقارعان. ستسەناري اۆتورى جانە قويۋشى رەجيسسەرى ەرمەك تۇرسىنوۆ بولسا, قويۋشى-وپەراتورى مارتين سەچانوۆ, قويۋشى-سۋرەتشىسى قۋات تىلەۋباەۆ سىندى ماماندارعا جۇكتەلگەن.
