ءراسىم بارىسىندا سولتۇستىك قازاقستان وبلىسىنىڭ اكىمى قۇمار اقساقالوۆ پەن «YDA Holding» كومپانياسىنىڭ باسقارما توراعاسى ارسلان حۋسەين پەتروپاۆلدا كوپسالالى اۋرۋحانا سالۋ جونىندەگى مەموراندۋمعا قول قويدى. شەتەلدىك ارىپتەستەردى قازاقستانداعى ينۆەستيتسيالىق احۋالدىڭ قولايلىعى تولىق قاناعاتتاندىرىپ وتىر.
«ينۆەستور ءوز قارجىسىنا بيىل زاماناۋي كوپسالالى اۋرۋحانانىڭ قۇرىلىسىن باستايدى. ءبىز وسى جوبانى جۇزەگە اسىرۋ ءۇشىن ءبىر جىل بويى كەلىسسوزدەر جۇرگىزدىك. تۇرعىندار ءۇشىن ماڭىزدى الەۋمەتتىك جوبا سانالادى. اۋرۋحانانىڭ اشىلۋى ساپالى مەديتسينالىق قىزمەتتەردى كورسەتىپ, ۇزدىك تەحنولوگيالاردى ەنگىزۋگە مۇمكىندىك بەرمەك. مۇندا تاجىريبەلى دارىگەرلەر زاماناۋي مەديتسينالىق قوندىرعىلاردا جۇمىس جاسايتىن بولادى. وعان قوسا اۋرۋحانا كەشەنى ەلىمىزدىڭ وڭىرلەرى مەن كورشىلەس رەسەي وبلىستارىنىڭ تۇرعىندارى ءۇشىن دە قىزمەت كورسەتەتىن بولادى. وسىلايشا ءبىز مەديتسينالىق ءتۋريزمدى دەدامىتامىز», دەيدى قۇمار ىرگەباي ۇلى.
تۇرىك ينۆەستورى اۋرۋحانانى تۇرعىزىپ, باسقاراتىن بولادى. «YDA Holding» بۇل باعىتتا باي تاجىريبەگە يە, مەنەدجمەنتتىڭ زاماناۋي ستاندارتتارىن تەرەڭ يگەرگەن. سونداي-اق ءوڭىر دارىگەرلەرىن وقىتىپ, تاجىريبە الماسۋ ءۇشىن شەتەلدىك مامانداردى تارتپاق.
كوپسالالى اۋرۋحانا «شىعىس» شاعىن اۋدانىندا سالىنادى. كەشەننىڭ اۋماعىندا دارىگەرلەرگە ارنالعان باسپانا تۇرعىزىلادى.
سولتۇستىك قازاقستان وبلىسى
