– ستۋدەنتتەر اراسىنداعى ايتۋلى جارىس بيىل 19 مارتە ۇيىمداستىرىلىپ وتىر. ونىڭ دەڭگەيى جىلدان جىلعا ارتىپ كەلەدى. بۇل كۇندەرى ەل ماقتانىشىنا اينالعان ساڭلاقتارىمىزدىڭ تالايى كەزىندە ءدال وسى تۋرنيردە كۇش سىناسىپ, ۇلكەن تاجىريبە مەكتەبىنەن ءوتتى. سولاردىڭ قاتارىندا باقتيار ارتاەۆ, باقىت سارسەكباەۆ, جانىبەك ءالىمحان ۇلى, ءابىلحان امانقۇل جانە تاعى باسقا مىقتىلار بار. قازىر دە ءبىراز تانىمال بوكسشىلار الماتى رينگىندە كۇش سىناسۋعا بەل بۋىپ وتىر. ولارعا دا ءبىز جوعارىدا ەسىمدەرى اتالعان الدىڭعى بۋىن اعالارىنىڭ جولىن بەرسىن دەپ تىلەيمىز, – دەيدى قازاقتىڭ سپورت جانە تۋريزم اكادەمياسىنداعى بوكس جانە اۋىر اتلەتيكا كافەدراسىنىڭ مەڭگەرۋىشىسى تايىرجان ىسقاقوۆ.
جارىستىڭ اشىلۋ سالتاناتىنا وليمپيادا چەمپيونى ەرماحان ىبىرايىموۆ, بوكس ارداگەرلەرى – بولات ساعىندىقوۆ, سەرىك ابدەناليەۆ, بوريس تسحۆيراشۆيلي, ەدۋارد گابدۋلوۆ, حاميت باراەۆ, داستان سادۋاقاسوۆ قاتىسىپ, قاتىسۋشىلارعا اق جول تىلەدى.
