«12 ماۋسىمدا ساعات 8. 09- دا الماتىنىڭ تجد «101» تەتىگىنە, مونشا كەشەنىنەن ءورت شىققانى تۋرالى حابار كەلىپ ءتۇستى. ءورت سوندىرۋشىلەر وقيعا ورنىنا دەر كەزىندە جەتتى», - دەيدى تجد ءباسپاسوز حاتشىسى ساندۋعاش بايمۇحامبەتوۆا.
توتەنشەلىكتەر قىزىل جالىندى ساعات 09. 33-تە قۇرىقتاعان. وقيعانىڭ نەدەن بولعانى انىقتالىپ جاتىر. ءتىلسىز جاۋ 150 شارشى مەتر اۋماقتى شارپىعان. ءورت سالدارىنان جاپا شەككەندەر جوق. ماماندار كۇن كۇرت جىلىعان جاز ايلارىندا ءورت قاۋپى كۇشەيەتىنىن, سوندىقتان تەحنيكالىق قاۋىپسىزدىك ماسەلەسىن قاتاڭ ساقتاۋدى ەسكەرتەدى.
