قول قويىلعان قۇجاتقا سايكەس, ەكى كومپانيا ىنتىماقتاستىقتىڭ نەگىزگى شارتتارىن كەلىستى جانە كاسپي تەڭىزىنىڭ قازاقستاندىق بولىگىندە ورنالاسقان «I-P-2» جوباسىن بىرلەسىپ ىسكە اسىرۋعا دايىن ەكەندەرىن ءبىلدىردى.
قازاقستان رەسپۋبليكاسىنىڭ زاڭناماسىنا سايكەس, تاراپتار «I-P-2» تەڭىز ۋچاسكەسىندە جەر قويناۋىن پايدالانۋ قۇقىعىن الۋ ماقساتىندا قازاقستان رەسپۋبليكاسىنىڭ ەنەرگەتيكا مينيسترلىگىمەن كەلىسسوزدەردىڭ كەلەسى كەزەڭىن وتكىزۋدى جوسپارلاپ وتىر. كەلەسى كەزەڭ كومىرسۋتەك شيكىزاتىن بارلاۋ مەن وندىرۋگە كەلىسىمشارت جاساۋ جانە ۋچاسكەدە جۇمىس ىستەۋ ءۇشىن بىرلەسكەن كاسىپورىن قۇرۋ بولادى دەپ جوسپارلانۋدا.
«I-P-2» ليتسەنزيالىق بلوگى كاسپي تەڭىزىنىڭ قازاقستاندىق بولىگىندە ورنالاسقان. بلوك ماڭىنداعى سۋدىڭ تەرەڭدەگى 300-دەن 400 مەترگە دەيىن, جاعاعا دەيىنگى قاشىقتىق – 130 شاقىرىم. بلوك ماڭىندا ءار جىلدارى 2D سەيسميكالىق جۇمىستار جۇرگىزىلگەن ەدى.
- سەرىكتەستەرىمىز – «لۋكويل» كومپانياسىنىڭ كاسپي تەڭىزىنىڭ قازاقستاندىق بولىگىن يگەرۋدە «قازمۇنايگاز» ۇك اق-مەن ىنتىماقتاستىقتى كەڭەيتۋ تۋرالى باستاماسىن قۇپ كورەمىز. I-P-2 جوباسى بويىنشا قاعيداتتار تۋرالى كەلىسىمگە قول قويىلۋى ءبىزدىڭ ەكىجاقتى سەرىكتەستىك قارىم-قاتىناسىمىزدىڭ ودان ءارى دامۋىنا سەرپىن بەرەتىنىنە سەنىمدىمىن, دەدى «قازمۇنايگاز» ۇك اق باسقارما توراعاسى ا.ايدارباەۆ.
«قازمۇنايگاز» ۇك اق مەن «لۋكويل» جاق ىنتىماقتاستىعى ستراتەگيالىق بولىپ تابىلادى. كومپانيالار قاراشىعاناق, تەڭىز, قۇمكول ءىرى جوبالارى, سونداي-اق كاسپي قۇبىر كونسورتسيۋمى مۇناي تاسىمالداۋ جوباسى بويىنشا سەرىكتەستىك ورناتقان. 2019 جىلعى 1 ساۋىردە قازاقستان رەسپۋبليكاسىنىڭ ەنەرگەتيكا مينيسترلىگى, «قازمۇنايگاز» ۇك اق جانە «لۋكويل» جاق اراسىندا «جەڭىس» تەڭىز ۋچاسكەسىندە كومىرسۋتەكتەردى بارلاۋ مەن وندىرۋگە كەلىسىمشارت جاسالدى.
ماڭعىستاۋ وبلىسى
