– قازاقستانداعى كەزەكتەن تىس پرەزيدەنت سايلاۋى دەموكراتيالى تۇردە, ءادىل ءوتتى دەپ تولىق سەنىممەن ايتا الامىن. بۇل جەتىستىگىمەن باۋىرلاس مەملەكەتتى قۇتتىقتايمىن.
سايلاۋ – مەملەكەتتىڭ تاۋەلسىزدىگى سەكىلدى اسا ماڭىزدى شارا. قازاقستان رەسپۋبليكاسىنىڭ تاعى ءبىر جاڭا پاراعى اشىلدى. شيرەك عاسىردا ادام بالاسىنىڭ ءوزى جەتە بەرمەيتىن ساياسات, ەكونوميكا تۇرعىسىنان ۇلكەن جەتىستىكتەردى باعىندىردى, ەكونوميكالىق الەۋەتى ايتارلىقتاي جاقساردى. مۇنىڭ بارلىعى اسا قۇرمەتتى نۇرسۇلتان نازارباەۆتىڭ ارقاسىندا دەپ ويلايمىن. تۇڭعىش پرەزيدەنت مەملەكەت باسشىسى لاۋازىمىنان كەتسە دە مەملەكەت قۇرۋشى كوشباسشى رەتىندە قالا بەرمەك.
جاڭا سايلانعان پرەزيدەنت قاسىم-جومارت توقاەۆتى سايلاۋداعى جەڭىسىمەن قۇتتىقتايمىن. بارلىعىمىز ونى تاجىريبەلى ساياساتكەر, مەملەكەت ادامى رەتىندە تانيمىز. قازاقستاننىڭ ودان ءارى ءوسىپ-وركەندەگەن دامىعان مەملەكەت بولاتىنىنا سەنەمىن.
تاۋەلسىز بايقاۋشى رەتىندە ايتارىم, قازاقستانداعى سايلاۋ مادەنيەتى مەن شارانىڭ وتكىزىلۋى باسقا مەملەكەتتەر ءۇشىن ۇلگى بولا الادى. ارينە, تۇركيانىڭ دەموكراتيالىق تاريحى قازاقستانعا قاراعاندا وتە ەرتە زاماندا باستالعان. بۇعان قاراماستان, قازاقستاننان دا ۇيرەنەرىمىز كوپ. بىرنەشە سايلاۋ ۋچاسكەسىندە بولدىق, داۋىستاردى ساناۋعا قاتىستىق. ءار ۋچاسكەدە 1-2 ساعاتتان بولدىق. ول جەردە پارتيا اتىنان كەلگەن بايقاۋشىلاردى دا كەزدەستىردىك. بارلىعى زاڭ اياسىندا بولدى, قۇقىق بۇزۋشىلىق ورىن العان جوق.
حاسان كانبولات,
انكارا ساياسات ورتالىعىنىڭ ديرەكتورى
