ايماقتار • 11 ماۋسىم، 2019

اۋداندار جارمەڭكەگە نەگە ءسۇت اكەلمەيدى؟

502 رەت كورسەتىلدى

وبلىس ورتالىعىندا اپتا سايىن «كۆازار» ساۋدا ءۇيىنىڭ جانىندا اۋىلشارۋاشىلىق جارمەڭكەسى وتەدى. قالا تۇرعىندارى اراسىندا قۇس ەتىنە، جۇمىرتقاعا، سارىمايعا، سۇتكە دەگەن سۇرانىس جوعارى.

ءار اپتا سايىن جارمەڭكەگە وبلىس ورتالىعىنا جاقىن ورنالاسقان وڭىردەگى اققۋلى، ۋسپەن، شارباقتى، تەرەڭكول اۋداندارى مەن پاۆلودار قالاسى اۋماعىنا قاراستى اۋىل اۋماقتارىنىڭ  اۋىل شارۋاشىلىعى ونىمدەرىن وندىرۋشىلەر قاتىسادى.

وبلىس ورتالىعىنىڭ تۇرعىندارى اۋىل شارۋاشىلىعى ونىمدەرىنىڭ جارمەڭكەسىن اسىعا كۇتەدى. كارتوپ، كوكونىس ونىمدەرىنىڭ كەلىسى 50-60 تەڭگە ارالىعىندا. جارمەڭكەدە بارلىق ءونىم بار، جەتكىلىكتى. تەك ءسۇت جوق، ءسۇت اۋدانداردان جەتكىزىلمەيدى.

اپتا سايىن كەلەتىن جالعىز ۋسپەن اۋدانى، «گاليتسكوە» جشس-ءنىڭ ءسۇتىن ساتىپ الۋ ءۇشىن قالا تۇرعىندارى ۇزىن-سونار كەزەكتە تۇرادى. سۇتكە سۇرانىس كوپ بولعاندىقتان، ءبىر ەمەس، بىرنەشە جەردەن ساتىلۋى كەرەك دەيدى تۇرعىندار.

وبلىس اكىمى بولات باقاۋوۆ مامىر ايىندا جارمەڭكەنى ارالاعان كەزدە وبلىستىق اۋىل شارۋاشىلىعى باسقارماسىنا سۇتكە سۇرانىس جوعارى بولعاندىقتان، بىرنەشە جەردەن ساتۋعا تاپسىرما بەرگەن ەدى. وسى اپتادا وتكەن، 8 ماۋسىم كۇنگى جارمەڭكەدە تۇرعىندار «گاليتسكوەنىڭ» ءسۇتىن ساتىپ الۋ ءۇشىن تاعى دا كەزەككە تۇرۋعا ءماجبۇر بولدى. سەرىكتەستىك ءسۇتتىڭ 1 ءليترىن 130 تەڭگەدەن ساۋدالايدى. 

ال تەرەڭكول اۋدانىنان كەلگەن «كەدر» اۋىلشارۋاشىلىق وندىرىستىك كووپەراتيۆى جەكە مەنشىك قوسالقى شارۋاشىلىقتاردان ءسۇتتىڭ ءليترىن 70 تەڭگەدەن ساتىپ الادى. جينالعان ءونىمدى ماي وڭدەۋ زاۋىتىنا تاپسىرادى.

- ال جارمەڭكەدە 130 تەڭگەدەن ساۋدالايدى. سۇتكە سۇرانىس كوپ، - دەيدى كاسىپكەرلەر.


پاۆلودار وبلىسى

سۋرەتتى تۇسىرگەن ۆالەري بۋگاەۆ

سوڭعى جاڭالىقتار

دوللار باعامى قايتا ءوستى

قارجى • بۇگىن، 15:53

الماتى ماڭىندا جەر سىلكىندى

ايماقتار • بۇگىن، 10:02

جاس تەننيسشىلەرمەن كەزدەسۋ

تەننيس • بۇگىن، 07:47

ۇقساس جاڭالىقتار