مەموراندۋمعا سايكەس تاراپتار الدىڭعى قاتارلى ادىستەمەلەر مەن «نوۋ-حاۋ» الماسۋدى قوسا العاندا, كومىرسۋتەكتەردى بارلاۋ جانە ءوندىرۋ سالاسىنداعى تەحنولوگيالىق ىنتىماقتاستىق, بارلاۋ جانە ءوندىرۋ سالاسىنداعى بىرلەسكەن جوبالاردى دامىتۋ ءۇشىن مۇمكىندىكتەردى زەرتتەۋ, قمگ كومپانيالار توبىنىڭ قىزمەتكەرلەرى ءۇشىن وقىتۋ باعدارلامالارىن ىسكە اسىرۋ باعىتتارى بويىنشا سەرىكتەستىك ورناتۋ جونىندە كەلىستى.
«قمگ» مەن ەني ۇڭعىمالاردى بۇرعىلاۋ جانە ايداۋ, قاباتتاردى كەشەندى مودەلدەۋ, كەننىڭ قالعان الەۋەتىن زەرتتەۋ, ءوندىرۋدى ارتتىرۋ ادىستەرى جانە ت.ب. قاتىستى ماسەلەلەر بويىنشا ءبىلىم مەن تاجىريبە الماسۋعا باعىتتالعان تۇراقتى كەڭەستەر وتكىزۋدى جوسپارلاپ وتىر.
- ءبىز قوس كومپانيانىڭ اراسىنداعى ۇزاق مەرزىمدى ارىپتەستىكتى نىعايتۋدى جالعاستىرۋدامىز. بۇگىنگى مەموراندۋم سونىڭ تاعى ءبىر دالەلى بولىپ تابىلادى. كومپانيالاردىڭ تابىستى ءوزارا ىنتىماقتاستىعى وندىرىسپەن قاتار ءبىلىم بەرۋ سالاسىن دا قامتيتىن بولادى, دەپ اتاپ ءوتتى قمگ باسقارما توراعاسى اليك ايدارباەۆ.
- بۇگىنگى كەزدەسۋدە «قازمۇنايگاز» بەن ەني-ءدىڭ ورتاق جوبالارى, ارىپتەستىگىمىزدىڭ كەلەشەگى تالقىلاندى. قوس كومپانيا بىرلەسكەن قىزمەتتى ءوزارا ىنتىماقتاستىقتىڭ جاڭا ساپالى دەڭگەيىنە شىعارۋعا نيەت ءبىلدىردى, دەدى «ەني سپا» كومپانياسىنىڭ بارلاۋ جانە ءوندىرۋ جونىندەگى باس ديرەكتورى انتونيو ۆەللا.
ماڭعىستاۋ وبلىسى
