س.گروموۆ قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنداعى ءۇيلەسىمدى جۇمىسى ءۇشىن تمد پاا-نىڭ حالىقارالىق بايقاۋشىلارىنا العىسىن جەتكىزدى جانە «اشىق ءجانە ءادىل سايلاۋ ءوتكىزۋ ءبىزدىڭ نەگىزگى ۇستانىمىمىز بولدى» دەپ اتاپ ءوتتى.
ي.ۋماحانوۆ بايقاۋشىلاردىڭ جۇمىسىنا جاقسى جاعداي جاساعانى ءۇشىن ريزاشىلىعىن ءبىلدىردى. سايلاۋ ناتيجەلەرى تۋرالى ايتا كەلىپ, ول قازاقستان پرەزيدەنتىنىڭ كەزەكتەن تىس سايلاۋىنا وراي «قازاقستان حالقى جەڭىمپاز اتاندى. قازاقستاننىڭ تۇڭعىش پرەزيدەنتى – ەلباسى ن.ءا.نازارباەۆ بولاشاققا سەنىممەن قاراۋعا مۇمكىندىك بەرەتىن پارمەندى تەتىك جاسادى», دەدى.
تاراپتار سونداي-اق ءتيىمدى ىنتىماقتاستىقتاعى پارلامەنتارالىق ۇنقاتىسۋدىڭ ماڭىزدى ءرولىن اتاپ ءوتىپ, ەكىجاقتى قارىم-قاتىناستاردى تەرەڭدەتۋ ماسەلەلەرىن تالقىلادى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
باۋىرجان مۇقان,
«Egemen Qazaqstan»
