شاراينا
سەنبى, 2 ناۋرىز 2013 8:19
ريم پاپاسى قاسيەتتى تاعىمەن قوشتاستى
ريم پاپاسى بەنەديكت ءحVى قاسيەتتى تاعىنان كەتتى. ەندى ول ءومىرىنىڭ سوڭىنا دەيىن «قۇرمەتتى پونتيفيك» دەگەن لاۋازىممەن جۇرەدى.
سەنبى, 2 ناۋرىز 2013 8:19
ريم پاپاسى قاسيەتتى تاعىمەن قوشتاستى
ريم پاپاسى بەنەديكت ءحVى قاسيەتتى تاعىنان كەتتى. ەندى ول ءومىرىنىڭ سوڭىنا دەيىن «قۇرمەتتى پونتيفيك» دەگەن لاۋازىممەن جۇرەدى.
«رەيتەر» اقپارات اگەنتتىگىنىڭ حابارلاۋىنشا, جەرگىلىكتى ۋاقىت بويىنشا ساعات 20.00-دە ريم قالاسىنىڭ جانىنداعى كاستەل گاندولفو اتالاتىن پاپا سارايىنىڭ الدىندا تۇراتىن شۆەيتساريالىق ۇلاندار (گۆارديا) قاراۋىلى رەزيدەنتسيانى قالدىرىپ, ۆاتيكانعا ورالعان. بۇل پونتيفيك وكىلەتتىگىنىڭ اياقتالعانىن بىلدىرەدى. وسىعان بايلانىستى بىرنەشە رەسمي ءراسىم جاسالدى. 28 اقپاندا ەرتەڭگىلىك بەنەديكت ءحVى پاپا رەتىندە سوڭعى رەت ۆاتيكاندا 100-دەن استام كاردينالدارمەن كەزدەستى. ودان كەيىن ول ۇشاقپەن كاستەل گاندولفو سارايىنا كەلدى. پونتيفيك ەندى وسىندا تۇراتىن بولادى.
دۇرىسى قايسى, بۇرىسى قايسى؟
ۆەنەسۋەلانىڭ ۆيتسە-پرەزيدەنتى نيكولاس مادۋرو پرەزيدەنت ۋگو چاۆەس ءوز دەنساۋلىعىن ەل حالقىنىڭ ءال-اۋقاتىن جاقسارتۋ جولىندا ۇزدىكسىز جۇمىس ىستەگەنىنە بايلانىستى اۋىرلاتتى دەپ مالىمدەدى. بۇل جونىندە «فرانس-پرەسس» اگەنتتىگى حابارلادى.
مادۋرونىڭ مالىمدەمەسىنە قاراعاندا, ۋ.چاۆەس ۇزاق ۋاقىت بويى ءوزىنىڭ دەنساۋلىعىن ويلاماعان, «ول ءوزىنىڭ دەنەسى مەن جانىن ەلدى دامىتۋعا ارنادى». نيكولاس مادۋرو, سونداي-اق, چاۆەستىڭ قازىرگى كەزدەگى جاعدايىن دا اتاپ وتكەن. ونىڭ ايتۋىنشا, پرەزيدەنت ءوزىنىڭ ومىرىمەن كۇرەسۋ ۇستىندە, وعان كومەك كورسەتىلىپ جاتىر. ونىڭ بۇل مالىمدەمەسى پاناما ەلشىسى گ.كوچەستىڭ مالىمدەمەسىنە قاتىستى جاسالسا كەرەك. ويتكەنى, 27 اقپاندا ەلشى ۋگو چاۆەس حال ۇستىندە جاتىر دەپ مالىمدەگەن بولاتىن.
قالقىمالى مەيرامحانا سۋعا باتىپ كەتتى
«فرانس-پرەسس» اگەنتتىگىنىڭ تاراتقان اقپاراتتارىنا قاراعاندا, كەشە تۇندە باعداد قالاسىنىڭ ورتالىعىندا تيگر وزەنىندەگى قالقىمالى مەيرامحانا سۋعا باتىپ كەتكەن.
باعداد اكىمشىلىگىنىڭ مالىمەتتەرى بويىنشا, مەيرامحانا بورتىندا 150-دەي ادام بولعان. ولاردىڭ كوپشىلىگى يراك ازاماتتارى كورىنەدى. وقيعا كەزىندە بەس ادام قازا بولدى دەگەن دەرەك بار. ال كۋۆەيتتىك KUNA اقپارات اگەنتتىگى 15 ادام قازا تاپتى دەگەن مالىمەت كەلتىرەدى. مەيرامحانانىڭ نە سەبەپتەن سۋعا باتىپ كەتكەنى قازىرگە بەلگىسىز. جەرگىلىكتى بيلىك ونىڭ ديۆەرسيالىق ارەكەت ەكەنىن جوققا شىعارىپ وتىر.
قىسقا قايىرىپ ايتقاندا:
يۋليا تيموششەنكونىڭ قورعاۋشىسى, «باتكيۆششينا» پارتياسىنان ۋكراينانىڭ جوعارعى راداسىنا سايلانعان سەرگەي ۆلاسەنكونى دەپۋتاتتىق مانداتتان ايىردى.
كەشە جاپونيا سوتى امەريكالىق ەكى تەڭىزشىنىڭ ءبىرىن 10 جىلعا, ەكىنشىسىن 9 جىلعا تۇرمەگە وتىرۋ جازاسىنا كەستى. ولار وكيناۆا ارالىنىڭ 27 جاستاعى تۇرعىنىن تونادى جانە زورلادى دەپ ايىپتالعان بولاتىن.
يتاليانىڭ بۇرىنعى پرەمەر-ءمينيسترى س.بەرلۋسكونيگە سىبايلاس جەمقورلىق كۇدىگى بويىنشا قىلمىستىق ءىس قوزعالدى. ول سەناتور سەردجو دە گرەگوريونى 3 ميلليون ەۆرو تولەپ, «ساتىپ العان» كورىنەدى.
مەملەكەتتىك حاتشى د.كەرري اقش سيريانىڭ كوتەرىلىسشىلەرىنە 60 ميلليون دوللار كولەمىندە كومەك بەرەتىنىن مالىمدەدى.
كولىكتەن دە, كۇزەتتەن دە باس تارتتى
گرۋزيا پرەزيدەنتى ميحايل سااكاشۆيلي پرەزيدەنتكە ارنالعان بروندى ءاۆتوموبيلدى پايدالانۋدان باس تارتتى. وسىعان قاتىستى مەملەكەت باسشىسىنىڭ اكىمشىلىگى مالىمدەمە جاساعان.
«نوۆوستي گرۋزيا» اگەنتتىگىنىڭ حابارلاۋىنشا, پرەزيدەنت بروندى اۆتوموبيلدەن دە, كۇزەت قىزمەتىنەن دە باس تارتىپ وتىر. ەندى ول ءوزىنىڭ جەكە اۆتوكولىگىمەن جۇرەتىن بولادى. مالىمدەمەدە سونداي-اق «پرەزيدەنت اكىمشىلىگىنىڭ گاراجىنان بروندالعان ماشينالاردى الىپ كەتۋلەرىنە بولاتىنى» دا ايتىلعان. سااكاشۆيليدىڭ مەملەكەتتىك كۇزەت قىزمەتىنەن باس تارتقانى جونىندەگى اقپارات بۇدان ءۇش-ءتورت كۇن بۇرىن شىققان بولاتىن. كۇزەت قىزمەتىنىڭ شتاتىندا 350 ادام بار ەكەن, ال ونىڭ بيۋدجەتى 4,2 ميلليون دوللار كورىنەدى.
جاڭا زاڭ جوباسىن ۇسىندى
كەشە رەسەي پرەزيدەنتى ۆلاديمير پۋتين مەملەكەتتىك دۋماعا پارلامەنتتىڭ تومەنگى پالاتاسىنا ارالاس سايلاۋ جۇيەسىن ەنگىزۋگە قاتىستى زاڭ جوباسىن ۇسىندى. بۇل جونىندە كرەملدىڭ سايتى حابارلادى.
زاڭ جوباسىنا سايكەس 225 دەپۋتات پارتيالىق ءتىزىم بويىنشا, ال تاعى 225 دەپۋتات ءبىر مانداتتى وكرۋگتەر بويىنشا سايلاناتىن بولادى. كانديداتتىققا ساياسي پارتيالارمەن قاتار, ءوزىن ءوزى ۇسىنۋ جاعى دا قاراستىرىلعان. فەدەرالدىق تىزىمگە ءبىر مانداتتى وكرۋگتەر بويىنشا پارتيالار ۇسىنعان كانديداتتار دا ەنگىزىلۋى مۇمكىن. ءوزىن ءوزى ۇسىناتىندار جالپى سايلاۋشىلاردىڭ كەم دەگەندە 0,5 پايىز قولىن جيناۋى قاجەت. ەگەر وكرۋگتە 100 مىڭنان كەم ەمەس سايلاۋشى تۇراتىن بولسا, جينالعان قول سانى 500-دەن كەم بولماۋى ءتيىس. رەسەيدە مۇنداي سايلاۋ جۇيەسى بۇرىن دا بولعان.
گەرمانيا دا اسكەر جىبەرەتىن بولدى
گەرمانيا پارلامەنتى 350 اسكەري قىزمەتشىنى ماليگە جىبەرۋ جونىندەگى جوسپاردى ماقۇلدادى. ونىڭ 180-ءى ەۋرووداقتىڭ جەدەل توپتارىمەن بىرگە مالي ارمياسىنىڭ اسكەرلەرىن ۇيرەتۋگە قاتىسادى. تاعى 150 اسكەري قىزمەتشى اۋە تاسىمالى جانە جانارماي قۇيۋ جۇمىستارىن اتقارادى.
نەمىس اسكەريلەرى سوعىس قيمىلدارىنا قاتىسپايدى. قاڭتار ايىنىڭ ورتاسىندا ماليگە ەكى اسكەري-كولىك ۇشاعىن جىبەرگەن ەدى. بۇدان بولەك گۋمانيتارلىق كومەك رەتىندە افريكالىق وسى ەلگە 1 ميلليونداي ەۆرو بولگەن بولاتىن. گەرمانيا بۇگىنگە دەيىن ماليگە اسكەري قيمىلدارعا قاتىساتىن اسكەرلەر جىبەرۋدەن باس تارتىپ كەلگەن-ءدى.
ينتەرنەت ماتەريالدارى نەگىزىندە ازىرلەندى.
