شاراينا
سەيسەنبى, 26 اقپان 2013 7:37
راۋل كاسترو قايتا سايلاندى
كۋبا مەملەكەتتىك كەڭەسىنىڭ ءىس باسىنداعى توراعاسى (پرەزيدەنت) راۋل كاسترو جاڭا 5 جىلدىق مەرزىمگە قايتا سايلاندى. 81 جاستاعى توراعانىڭ كۋبانىڭ ۇلتتىق كوسەمى فيدەل كاسترونىڭ ءىنىسى ەكەنى بەلگىلى. فيدەل سىرقاتتانعان سوڭ راۋل ونىڭ ورنىن باسقانى تاعى ءمالىم.
سەيسەنبى, 26 اقپان 2013 7:37
راۋل كاسترو قايتا سايلاندى
كۋبا مەملەكەتتىك كەڭەسىنىڭ ءىس باسىنداعى توراعاسى (پرەزيدەنت) راۋل كاسترو جاڭا 5 جىلدىق مەرزىمگە قايتا سايلاندى. 81 جاستاعى توراعانىڭ كۋبانىڭ ۇلتتىق كوسەمى فيدەل كاسترونىڭ ءىنىسى ەكەنى بەلگىلى. فيدەل سىرقاتتانعان سوڭ راۋل ونىڭ ورنىن باسقانى تاعى ءمالىم.
راۋل كاسترو مەملەكەتتىك كەڭەسكە 2008 جىلى كەلسە, ءۇشىنشى مەرزىمگە قالۋعا نيەتى جوق ەكەنىن اشىق ايتىپ وتىر. ءسويتىپ, ول ەل كونستيتۋتسياسىنا وزگەرىس ەنگىزىپ, وزىنەن كەيىنگى توراعالاردىڭ دا ەكى مەرزىمنەن ارتىق وتىرۋىنىڭ جولىن كەسپەك. ال راۋل كاسترونىڭ ءىزباسارى كىم بولماق دەگەنگە كەلسەك, كەيبىر بايقاۋشىلار 53 جاستاعى ءبىرىنشى ۆيتسە-پرەزيدەنت بولىپ سايلانعان مۇنىڭ الدىنداعى ءبىلىم ءمينيسترى ميگەل دياس-كانەل بەرمۋدەستىڭ اتىن اتايدى.
ايەل پرەزيدەنتتىڭ العاشقى يناۋگۋراتسياسى
وڭتۇستىك كورەيادا ەلدىڭ العاشقى ايەل پرەزيدەنتى پاك كىن حەنىڭ يناۋگۋراتسياسى بولىپ ءوتتى. ول بۇل جوعارى لاۋازىمدا لي مەن باكتى الماستىرعانى بەلگىلى. پاك كىن حەنىڭ قىزمەتىنە كىرىسۋىنە ارنالعان سالتاناتتى شارالارعا 70 مىڭداي ادام جينالدى.
جاڭا پرەزيدەنت ءوزىنىڭ العاشقى سوزىندە كحدر-مەن ءوزارا قارىم-قاتىناس تاقىرىبىن دا قوزعاپ ءوتتى. سولتۇستىك كورەيا جاقىندا ءوز تاريحىندا ءۇشىنشى يادرولىق سىناعىن جاساعانى ءمالىم. پاك كىن حە سىناقتار سالدارىنان ءبىرىنشى كەزەكتە سولتۇستىك كورەيانىڭ ءوزى زارداپ شەگەتىنىن اتاپ ايتتى. وڭتۇستىك كورەيانىڭ العاشقى ايەل-پرەزيدەنتى 61 جاستا. اكەسى پاك چون حي دە توڭكەرىس ناتيجەسىندە بيلىككە كەلىپ, 1963-1979 جىلدار ارالىعىندا پرەزيدەنت بولعان. وعان 1979 جىلى قاستاندىق جاسالىپ, قازا تاپقان ەدى.
كارزايدىڭ تالابى كۇشتى
اۋعانستان پرەزيدەنتى حاميد كارزاي ارنايى باعىتتاعى اقش اسكەرلەرى ەكى اپتانىڭ ىشىندە ۆارداك ءۋالاياتىنان شىعۋى ءتيىس دەگەن جارلىققا قول قويدى. اۋعانستاننىڭ اتالعان پروۆينتسياسى ەل استاناسى – كابۋل قالاسىنىڭ وڭتۇستىك-باتىسىنا قاراي ورنالاسقان.
اۋعانستان پرەزيدەنتىنىڭ جارلىعى اقش ءوزىنىڭ پروۆينتسياداعى نەگىزگى اسكەري كۇشتەرىنەن ايىرىلادى دەگەندى بىلدىرەدى. ال كارزايدىڭ مۇنداي جارلىققا قول قويۋىنا امەريكالىقتارمەن ىنتىماقتاسقان جەرگىلىكتى تۇرعىنداردىڭ زورلىق-زومبىلىقپەن جانە ادام ولتىرۋمەن اينالىسۋلارى نەگىزگى سەبەپ بولسا كەرەك. كەيبىر ساراپشىلار اقش تاراپى اۋعانستانداعى زورلىق-زومبىلىققا جاۋاپ بەرۋى ءتيىس دەپ سانايدى.
قاۋىپسىزدىككە ۇلكەن ءمان بەردى
يزرايل بيلىگى ەل اسكەرلەرىن جوعارى دايىندىق جاعدايىنا كەلتىردى. بۇل پالەستينا تۇتقىنى ارافات دجاراداتتىڭ جەرلەنۋىنە بايلانىستى ورىن الدى. ا.دجارادات ساير ەلدى مەكەنىنىڭ تۋماسى ەكەن. سوندىقتان يزرايل اسكەريلەرى جەرلەۋ كەزىندە تارتىپسىزدىكتەر ورىن الادى دەپ قاۋىپتەنىپ وتىر.
پالەستينالىقتار تۇتقىنداعى وتانداستارى ازاپتاۋلاردىڭ سالدارىنان كوز جۇمدى دەپ سانايدى. وسى سەبەپتى حەۆرون, راماللا جانە ۆيفلەەم قالالارىندا شەرۋلەر ۇيىمداستىرعان ەدى. نارازىلىق بىلدىرۋشىلەر يزرايل سولداتتارىنا تاس اتسا, ولار جاۋاپ رەتىندە كوزىنەن جاس اعىزاتىن گاز قولدانعان-تىن. 39 جاستاعى ا.دجارادات وتكەن سەنبى كۇنى, ياعني 23 اقپاندا ءيزرايلدىڭ سولتۇستىگىندەگى «مەگيددو» تۇرمەسىندە كوز جۇمعان ەدى.
تەمەكىگە قارسى زاڭ قابىلداندى
رەسەي پرەزيدەنتى ۆلاديمير پۋتين تەمەكىگە قارسى زاڭعا قول قويدى. قۇجات تەمەكى ونىمدەرىن جارنامالاۋعا, قوعامدىق ورىنداردا شىلىم شەگۋگە تىيىم سالادى. سونداي-اق, زاڭنامادا تەمەكىگە قارسى باعىتتالعان باسقا دا ءبىرقاتار شەكتەۋ شارالارى بەلگىلەنگەن.
زاڭ ۇستىمىزدەگى جىلدىڭ 1 ماۋسىمىنان باستاپ كۇشىنە ەنەدى. وسى كۇننەن باستاپ رەسەيدە قوعامدىق ورىنداردا, ماسەلەن, ۆوكزالدار مەن اۆتوبۋس ايالدامالارىندا, مەكتەپتەردە, جوعارى وقۋ ورىندارىندا, مەملەكەتتىك بيلىك ورگاندارىنىڭ عيماراتتارىندا تەمەكى شەگۋگە تىيىم سالىنادى. ال 2014 جىلدىڭ ماۋسىمىنان باستاپ مەيرامحانالار مەن قوناق ۇيلەردە دە تەمەكى شەگۋگە رۇقسات بەرىلمەيدى. ددۇ-نىڭ دەرەكتەرىنە سۇيەنسەك, رەسەي شىلىم شەگەتىندەر وتە كوپ ەلدەر ساناتىندا ەكەن.
ۇشاق 1 توننا التىنمەن ۇستالدى
ىستامبۇلدىڭ حالىقارالىق اۋەجايىندا تۇركىمەنستاننىڭ «تۋركمەنحوۆاەللارى» (تۇركىمەناۋەجولدارى) اۋە كومپانياسىنىڭ ۇشاعى ۇستالدى. ونىڭ بورتىندا اشعابادقا جەتكىزىلمەكشى 1 توننادان استام التىن قۇيمالارى بار ەكەن. جۇكتىڭ يەسى تۇرىكتىڭ «Polimeks» قۇرىلىس كومپانياسى كورىنەدى.
اتالعان كومپانيا ۇزاق جىلدار بويى تۇركىمەنستاندا قۇرىلىس جوبالارىمەن اينالىسىپ كەلگەن. قۇجات بويىنشا ۇشاق بورتىنا سانتەحنيكا تيەلگەن دەپ كورسەتىلىپتى. تۇركيا باق-تارىنىڭ ايتۋلارىنشا, تۇركىمەنستانعا قۇپيا تۇردە جەتكىزىلمەك بولعان التىننىڭ جالپى سالماعى 1,3 توننانى قۇرايدى. قۇرىلىس كومپانياسى ءباسپاسوز پاراقشاسىن تاراتىپ, بۇل ىستە وزدەرىنىڭ كىناسىز ەكەندىكتەرىن ايتىپ, اقتالۋدا ەكەن.
قىسقا قايىرىپ ايتقاندا:
قىتايدىڭ حەنان پروۆينتسياسىنداعى نانيان قالاسىنىڭ ۆانچەن اۋدانىندا پارتيا حاتشىسى بولىپ ىستەيتىن ليۋ سيانچۋن قىزمەت كولىگىمەن كينوعا كەلگەن 26 ادامدى باسىپ كەتكەن. زارداپ شەككەندەردىڭ ەكەۋى ءال ۇستىندە جاتىر ەكەن.
ۋكراينانىڭ پولتاۆا وبلىسىنىڭ وكتيابر سەلوسىندا بەلگىسىز بىرەۋلەر ۆلاديمير لەنين مەن ونىڭ زايىبى نادەجدا كرۋپسكايانىڭ ەسكەرتكىشتەرىنىڭ باسىن الىپ كەتكەن. قازىرگى كەزدە كىنالىلەر ىزدەستىرىلىپ جاتقان كورىنەدى.
وتكەن جەكسەنبى كۇنى پاكستان اۋماعىنىڭ باسىم بولىگى ەكى ساعاتتان استام ۋاقىت جارىقسىز قالدى. بۇعان ەلدەگى اسا ءىرى ەلەكتر ستانسالارىنىڭ بىرىندەگى اپات سەبەپ بولدى. اپاتقا قۇرال-جابدىقتاردىڭ ەسكىرگەنى الىپ كەلگەنگە ۇقسايدى.
گەولوگتار ءۇندى مۇحيتىنىڭ ماۆريكيا اۋدانىندا مۇحيت تۇبىندە جاسىرىنىپ جاتقان كونە كونتينەنتتىڭ ءىزىن تاپتى. كونە قۇرلىق بۋلكان اتقىلاۋى سالدارىنان سۋ تۇبىنە كەتكەن سەكىلدى. زەرتتەۋلەر تابىلعان قۇرلىق وسىدان 60-80 ميلليون جىل بۇرىن جەر بەتىندە بولعان دەگەندى كولدەنەڭ تارتىپ وتىر.
ينتەرنەت ماتەريالدارى نەگىزىندە ازىرلەندى.
