تۇركيا رەسپۋبليكاسىنىڭ پرەزيدەنتى رەجەپ ەردوعان ءوزىنىڭ جانە تۇرىك حالقىنىڭ اتىنان قاسىم-جومارت توقاەۆتى قازاقستان رەسپۋبليكاسىنىڭ پرەزيدەنتى سايلاۋىنداعى جەڭىسىنە وراي قۇتتىقتاۋ جەدەلحاتىن جولدادى.
ساياسي تۇراقتىلىق ساباقتاستىعىنىڭ ماڭىزدى كورسەتكىشى رەتىندە وسى سايلاۋدىڭ تابىستى اياقتالعانىنا قۋانىشتى ەكەنىن ايتقان تۇركيا پرەزيدەنتى قازاقستاننىڭ الداعى دامۋىنا سەنىم ءبىلدىردى.
«قازاقستاننىڭ تىنىشتىق پەن تۇراقتىلىق جولىنداعى قادامدارىن ودان ءارى جالعاستىرا تۇسەتىنىنە جانە حالىقارالىق بەيبىتشىلىك پەن قاۋىپسىزدىكتى قامتاماسىز ەتۋگە ۇلەس قوسا بەرەتىنىنە كۇمانىم جوق. حالىقتارىمىز اراسىنداعى تاريحي جانە ەجەلگى دوستىققا نەگىزدەلگەن ءتۇركيا-قازاقستان قارىم-قاتىناستارى تۇڭعىش پرەزيدەنت – ەلباسى نۇرسۇلتان نازارباەۆ مىرزامەن ءبىزدىڭ بىرلەسكەن كۇش-ءجىگەرىمىزدىڭ ارقاسىندا جوعارى دەڭگەيگە جەتتى. وسى ورايدا ەلدەرىمىز اراسىنداعى قارىم-قاتىناستاردى بارلىق سالادا ودان ءارى دامىتۋ ءۇشىن جۇمىس ىستەۋگە دايىن ەكەنىمدى اتاپ وتكىم كەلەدى», دەلىنگەن جەدەلحاتتا.
تۇركيا پرەزيدەنتى مەملەكەت باسشىسىنا دەنساۋلىق, باقىت تىلەدى.
