شىعارمادا حح عاسىردىڭ باسىنداعى ساياسي جاعدايلارعا بايلانىستى اتاجۇرتتان الىستاپ فرانتسيا جەرىنە قونىس اۋدارىپ, كەيىننەن ءومىرىنىڭ سوڭعى ساتىندە قازاقستانعا دەگەن ماحابباتپەن ەلىنە اسىققان اسان قاريانىڭ ساعىنىشى, ونىڭ بۇل ارمان-تىلەگىن ورىنداۋعا بەكىنگەن قىزى ماقپالدىڭ باتىستىق تاربيەگە بەرىلىپ كەتكەن اعاسى ماراتپەن ارپالىسا ءجۇرىپ اكەسىن تۋعان توپىراعىنا اكەلگەنى سۋرەتتەلەدى.
«ءوزىمىز ەلدە جۇرگەن سوڭ بايقامايمىز, شەتەلدەن قازاق جەرىنە اسىققان قانداس باۋىرلارىمىزبەن سويلەسكەندە ولار تاريحي وتانىنا دەگەن ەرەكشە ساعىنىشىمىزدى, ىستىق سەزىمىمىزدى سوزبەن ايتىپ جەتكىزە المايتىندارىن ايتادى» دەيدى. مۇنى مەن تاشكەنتتە انىق سەزىندىم. وزبەكستانداعى قازاق اعايىنداردىڭ ەلگە دەگەن ساعىنىشى كوزدەرىنەن بايقالىپ تۇردى. ادام جاسى ۇلعايعان سايىن تۋعان جەردىڭ قادىرى مەن قاسيەتى ارتا بەرەدى. ءبىز وسى پەسا ارقىلى سونى كورەرمەنگە ۇعىندىرۋعا تىرىستىق», – دەدى شىعارما اۆتورى بىزبەن سۇحباتىندا.
