سۋرەتشى شىعارماشىلىعىنىڭ باستى باعىتى – پەيزاج بەن ناتيۋرمورت. ونىڭ شىعارماشىلىعىنداعى اسپان كەڭىستىگى, تاۋلار مەن سۋ رومانتيكالىق سەزىمگە تولى. تابيعات پەن ساۋلەتكە دەگەن قۇشتارلىقتى سۋرەتشى ءوزىنىڭ ءاربىر جۇمىسىندا تۇستىك پاليترا ارقىلى عانا ەمەس, اۋامەن دە بەرەدى. دانا ءجۇسىپوۆا مايلى بوياۋعا قانداي شەبەر بولسا, اكۆارەلدە دە اسقان سەزىمتال.
كارتينالارى قازاقستاننىڭ سۇلۋ تابيعاتىنان, كوبىنەسە ءبىزدىڭ كوز تويماس كورىكتى تاۋلارىمىزدان العان اسەرىنىڭ كۇشىمەن جازىلعان. «لوندون», «ميلان», «الما-اراسان شاتقالى», «سامال جەل», «جۇلدىزدى اسپان», «ۆەنەتسيا», «تەمزا جاعالاۋىندا», «ۇلكەن الماتى كولى», «ۇلكەن الماتى شىڭى», «لوندونداعى اۋليە پاۆەل سوبورى», «تاۋ تاڭى», «كوكجايلاۋ» اتتى تۋىندىلارى مەن «ايىلقياقتار» توپتاماسى سۋرەتشى ءۇشىن ونىڭ شىعارماشىلىق جەتىستىكتەرىنىڭ كورىنىسى بولماق. ونىڭ جۇمىستارى جەكە كوللەكتسيالاردا ساقتاۋلى. كورمەگە قويىلعان تۋىندىلارى دانا ءجۇسىپوۆانىڭ زور شىعارماشىلىق الەۋەتىنىڭ كىشكەنتاي بولشەگىن عانا اشادى.
