سەمينار-كەڭەسكە دەپارتامەنت باسشىلىعىمەن بىرگە سىبايلاس جەمقورلىققا قارسى ءىس-قيمىل ۇلتتىق بيۋروسى ماڭعىستاۋ وبلىسى بويىنشا دەپارتامەنتى باسشىسىنىڭ ورىنباسارى ب.ماحمۋد, اگەنتتىكتىڭ اۋماقتىق دەپارتامەنتىنىڭ مەملەكەتتىك كورسەتىلەتىن قىزمەتتەر باسقارماسىنىڭ باسشىسى ج. مارشاك ۇلى, «نۇر وتان» پارتياسىنىڭ ماڭعىستاۋ وبلىستىق فيليالىنان قوعام بەلسەندىلەرى ە. ءىڭىرباي ۇلى, ب. جايلوۆ جانە ا. ەرتىلەۋوۆا قاتىستى.
اگەنتتىكتىڭ اۋماقتىق دەپارتامەنتىنىڭ باسشىسى ن.الماسقىزى اگەنتتىكتىڭ باسىم باعىتتارىنىڭ ءبىرى قوعامدا سىبايلاس جەمقورلىققا قارسى مادەنيەتتى قالىپتاستىرۋ ەكەندىگىن, پاراقورلىق سياقتى قوعامدى جايلاعان كەسەلمەن كۇرەسۋگە بۇكىل جۇرتشىلىقتى تارتۋ مىندەتى تۇرعاندىعىن اتاپ ءوتتى.
سونىمەن بىرگە, 2019-2020ج.ج. ارنالعان اگەنتتىك پەن ىشكى ىستەر مينيسترلىگى اراسىنداعى ءوزارا ءىس-قيمىلدىڭ جول كارتاسى, قۇقىق قورعاۋ ورگاندارىنداعى سىبايلاس جەمقورلىققا قارسى ءىس-قيمىل ماسەلەلەرىن كوتەرىپ, «اتىراۋ – ادالدىق الاڭى» جوبالىق كەڭسەسىنىڭ باستاماسىمەن قولعا الىنىپ پوليتسيا قىزمەتكەرلەرىن ادال بولۋعا, ادىلدىك پەن شىنشىلدىققا شاقىراتىن, قوعام ىشىندە وڭ ءيميدجىن قالىپتاستىرۋعا باعىتتالعان «ادالدىق ايناسى» جوباسىن وڭ تاجىريبە رەتىندە ۇسىندى.
سىبايلاس جەمقورلىققا قارسى ءىس-قيمىل ۇلتتىق بيۋروسى ماڭعىستاۋ وبلىسى بويىنشا دەپارتامەنتى باسشىسىنىڭ ورىنباسارى ب.ماحمۋد تۇسىندىرمە شارالارىنىڭ باستى ماقساتى قوعامدا ۇرەي تۋعىزۋ ەمەس, كەرىسىنشە سىبايلاس جەمقورلىقتىڭ پرەۆەنتسياسى, ياعني الدىن الۋ ەكەنىن ايتتى.
ادەتتەگىدەي, دەپارتامەنتتىڭ مەملەكەتتىك كورسەتىلەتىن قىزمەتتەر باسقارماسىنىڭ باسشىسى ج.مارشاك ۇلى «Digital agent» موبيلدىك قوسىمشاسىمەن تانىستىرىپ, كورسەتىلەتىن قىزمەتتەر ناتيجەسىن باعالاۋعا, قوڭىراۋ شالۋ ارقىلى اۋماقتىق دەپارتامەنتكە ءوز وتىنىشتەرى مەن وڭ پىكىرلەرىن قالدىرۋعا مۇمكىندىك بەرىلگەندىگىن ەكسپەريمەنت نەگىزىندە كورسەتتى. قىزمەتكەرلەر سول بويدا «Digital agent» موبيلدىك قوسىمشاسىن ءوز سمارتفوندارىنا جۇكتەپ, ءتيىستى نومىرگە قوڭىراۋ شالىپ, وپەراتورمەن بايلانىسىپ, ەندىگى جەردە مەملەكەتتىك ورگانداردى جاعالاماي, ۇيدە وتىرىپ تا كەز كەلگەن قىزمەتكە ارىز-شاعىمىن قالدىرا الاتىندىقتارىنا كوزدەرىن جەتكىزدى.
سپيكەرلەر قاتىسۋشىلاردىڭ سۇراقتارى مەن ۇسىنىس پىكىرلەرىن تىڭداپ, نازارعا الاتىندىقتارىن جەتكىزدى.
