شىلدە ايىنىڭ وزىندە انتيۆانادالدى قورعانىسپەن جانە GPS ترەكەرىمەن جابدىقتالعان 300 ەلەكترلى ساموكاتى بار 35 ستانتسيانى اشۋ جوسپارلانعان. سەرۆيسكە ءموبيلدى قوسىمشا ارقىلى قوسىلۋعا جانە مونيتورينگ ارقىلى ستانتسياداعى بوس تۇرعان ساموكاتتار جونىندە مالىمەت الۋعا, كارتا بويىنشا جەكە باعىتتى بەلگىلەۋگە بولادى.
الماتىلىق جاس ستارتاپەرلەردىڭ پىكىرىنشە, ەلەكترلى وزدىگىنەن جۇرەتىن قۇرال قالا بويىنشا قوزعالىستا تانىمال, جايلى ءارى ەكولوگياعا ەش زالالسىز.
الماتىدا قالا كەڭىستىگىن وزگەرتۋ, جاياۋ جۇرگىنشىلەر مەن ۆەلوسيپەدشىلەر ءۇشىن كەدەرگىسىز ورتا مەن ينفراقۇرىلىم قالىپتاستىرۋ بويىنشا جۇيەلى جۇمىستار جۇرۋدە, سوندىقتان قالا يننوۆاتسيالىق بيزنەسكە تارتىمدى بولا تۇسكەن.
«الەمدىك پراكتيكا جالعا الىنعان ەلەكترلى ساموكاتپەن ءجۇرۋدىڭ ۇزاقتىعى 5-7 مينۋتتى قۇرايتىنىن كورسەتتى. كەيدە ونى مەترو نەمەسە اۆتوبۋس بەكەتىنە بارعانشا پايدالانادى. ءبىزدىڭ «Android» جانە «IOS» قوسىمشالارىمىز ارقىلى جالعا الۋ تولەمىن بانك كارتاسى ارقىلى جۇرگىزۋگە بولادى. «وڭاي» كارتاسى ارقىلى تولەۋ جوسپارلانعان. جىل اياعىنا دەيىن تاعى 500 ساموكات الاتىن بولامىز», - دەدى كومپانيا ديرەكتورى اسىلبەك ەسەنوۆ.
ايتا كەتەرلىگى, قازىرگى كەزدە قالادا 100 كم بايلانىسى بار ۆەلوجولدار سالىنعان. ۆەلوپروكاتتىڭ «AlmatyBike» اۆتوماتتى جۇيەسى ەنگىزىلگەن. يتالياندىق ينۆەستيتسيا ەسەبىنەن ەلىمىزدەگى ءىرى «Anytime» كارشەرينگ-سەرۆيسى ىسكە قوسىلعان.
