جارىلىس قاۋپى بولعاندىقتان ءورت شىققان جەرگە 3-دابىل بويىنشا ءورت سوندىرۋشىلەر اتتانىپ, ارنايى تەحنيكا مەن جەكە قۇرام وقيعا بولعان اۋماققا 11:20-دا كەلىپ جەتكەن.
ءورتتىڭ وشاعى «مۋراز» جشس اگجب اۋماعىندا ورنالاسقان گاز تسيستەرناسى بولعان. مۇندا ارقايسىسىنىڭ سىيىمدىلىعى 200 ت.م. ەكى بوس گاز تسيستەرناسى بولىپتى جانە سولاردىڭ بىرەۋىندەگى گاز قالدىعى جانعان. ال, ەكىنشىسى سالقىنداتىلىپ, ورتتەن وقشاۋلانعان.
بۇعان قوسا اگجب اۋماعىنداعى سىيىمدىلىعى 7 ت.م. 2 اۆتوتسيستەرنا مەن 50 ت.م. 2 اۆتوتسيستەرنا جارىلعان.
ءورتتىڭ بەتىن قايتارۋعا جالپى 21 ارنايى تەحنيكا مەن جەكە قۇرامنىڭ 90 قىزمەتكەرى جۇمىلدىرىلعان. شىمكەنت قالالىق توتەنشە جاعدايلار دەپارتامەنتىنىڭ ءباسپاسوز قىزمەتىنىڭ حابارلاۋىنشا الاپات ءورت 12:21-دە تولىقتاي سوندىرىلگەن. وقيعا ورنىندا ءورت سوندىرۋشىلەر مەن بارلىق قۇزىرلى ورگاندار قىزمەتكەرلەرى جۇمىس ىستەۋدە.
جويقىن جارىلىس كەزىندە ءبىر ادام زارداپ شەككەن. ول - نىساننىڭ قىزمەتكەرى, 1999 جىلى تۋعان انار ەرلان ەركىنبەك ۇلى. جەدەل جاردەم قىزمەتى 20 جاستاعى دەنەسىن قاتتى كۇيىك شالعان جىگىتتى ت.ورىنباەۆ اتىنداعى گيپەرباريالىق وكسيگيناتسيا ورتالىعىنا جەتكىزگەن.
«1999 جىلى تۋعان ناۋقاس وتە اۋىر جاعدايدا جەتكىزىلدى. دەنەسىنىڭ 98 پايىزىن كۇيىك شالعان. قازىر جانساقتاۋ بولىمىندە جاتىر. جاعدايى وتە اۋىر», دەيدى ورتالىقتىڭ باس دارىگەرى م.ەرماحانبەتوۆا.
شىمكەنت
