شاراينا
سەنبى, 2 اقپان 2013 7:21
كانديداتتاردىڭ بىرىنە قاستاندىق جاسالدى
ەرەۆانقالاسىنىڭورتالىعىنداپرەزيدەنتتىكسايلاۋعاكانديداترەتىندەتىركەلگەنساياساتكەرپارۋيرايريكيانعاقاستاندىقجاسالدى.پوليتسيانىڭالدىنالامالىمەتتەرىبويىنشا,وعانتپاگريچنەريكوشەءسىندەگىءۇيىنىڭجانىنداوقاتىلعان.
سەنبى, 2 اقپان 2013 7:21
كانديداتتاردىڭ بىرىنە قاستاندىق جاسالدى
ەرەۆانقالاسىنىڭورتالىعىنداپرەزيدەنتتىكسايلاۋعاكانديداترەتىندەتىركەلگەنساياساتكەرپارۋيرايريكيانعاقاستاندىقجاسالدى.پوليتسيانىڭالدىنالامالىمەتتەرىبويىنشا,وعانتپاگريچنەريكوشەءسىندەگىءۇيىنىڭجانىنداوقاتىلعان.
اتىلعان وق ونىڭ كەۋدەسىنە تيگەن, ول شۇعىل تۇردە اۋرۋحاناعا جەتكىزىلىپتى. جاراقاتى ومىرىنە قاۋىپتى ەمەس. «ينتەرفاكس» اگەنتتىگىنىڭ حابارلاۋىنشا, ارمەنيا پارلامەنتىنىڭ سپيكەرى وۆيك ابرااميان پ.ايريكيانعا جاسالعان قاستاندىققا بايلانىستى 18 اقپانعا تاعايىندالعان پرەزيدەنتتىك سايلاۋ اۋىستىرىلۋى مۇمكىن ەكەندىگىن مالىمدەگەن. «سايلاۋدىڭ مەرزىمىن اۋىستىرۋ مۇمكىندىگىن جوققا شىعارمايمىن. زاڭدا وسىعان قاتىستى ەرەجە بار», – دەپتى سپيكەر. ارمەنيادا سايلاۋالدى ناۋقانى 21 قاڭتاردا باستالعان ەدى.
پرەمەر-مينيسترگە قاتىستى داۋ شىقتى
يسپانيا پرەمەر-ءمينيسترى ماريانو راحوي جانە ونىڭ ۇكىمەتىنىڭ مۇشەلەرى رەسمي بەلگىلەنگەن جالاقىلارىنا قوسىمشا ەلدەگى جەكە كومپانيالاردان ۇدايى اقشا الىپ كەلگەن. بۇل جونىندە «ELPais» گازەتى بيلىكتەگى «حالىق پارتياسىنىڭ» ىشكى بۋحگالتەرلىك قۇجاتتارىنا سىلتەمە جاساي وتىرىپ ماقالا جاريالادى.
بۋحگالتەرلىك قۇجاتتا شەنەۋنىكتەرگە 1990-2008 جىلدارى كەزەڭىندە تولەمدەر تولەنگەنى كورسەتىلگەن ەكەن. ال پرەمەر-مينيستر م.راحوي 1997 جىلدان 2008 جىلعا دەيىن ءوزىنىڭ رەسمي جالاقىسىنان تىس جىلىنا 25 مىڭ ەۋرو الىپ وتىرىپتى. قوسىمشا اقشا الىپ كەلگەن جوعارى قىزمەتتەگى «حالىق پارتياسىنىڭ» مۇشەلەرى اراسىندا پارتيانىڭ باس حاتشىسى دولورەس دە كوسپەدال, ەلدىڭ بۇرىنعى قارجى ءمينيسترى, كەزىندە حالىقارالىق ۆاليۋتا قورىن باسقارعان رادريگو راتو جانە ەكس-ىشكى ىستەر ءمينيسترى حايمە ورەحا بار.
ۇيىقتايمىن دەپ وكىلەتتىگىنەن ايىرىلدى
رەسەيدىڭ امۋر وبلىستىق سوتىنىڭ بىلىكتىلىك القاسى سوت پروتسەسى كەزىندە ۇيىقتاپ كەتكەنى ءۇشىن سۋديا ەۆگەني ماحنونى سۋديالىق وكىلەتتىگىنەن ايىردى. ونىڭ وسى «مىزعىپ» كەتۋىن دالەلدەيتىن بەينەجازبا YouTube-گە ورنالاستىرىلعان ەدى.
«نوۆوستي» اگەنتتىگىنىڭ اقپاراتتارىنا قاراعاندا, 40 سەكونتتىك بەينەجازبانى 25 مىڭنان استام ادام قاراعان. ونى ءتىپتى, شەتەلدىك قولدانۋشىلار دا جاريالاعان ەكەن. بەينەجازبادا سۋديا مانتياسىن كيگەن ادامنىڭ سوت پروتسەسى ءجۇرىپ جاتقان كەزدە ۇيىقتاپ وتىرعانى بەينەلەنگەن. سوت وتىرىسىنا قاتىسقان سوتتالۋشى ا.نالەتوۆ پەن ونىڭ قورعاۋشىسى بەينەجازباداعى ۇيىقتاپ وتىرعان بلاگوۆەششەنسك قالالىق سوتى توراعاسىنىڭ ورىنباسارى ەۆگەني ماحنو ەكەنىن ايتادى. ۇيقىسىنان ويانعان سۋديا نالەتوۆكە بەس جىل باس بوستاندىعىنان ايىرۋ تۋرالى ۇكىم شىعارىپتى.
جوسپارلانعان ساپار بولمايتىن سياقتى
اقش پرەزيدەنتى باراك وبامانىڭ وسى جىلدىڭ جازىندا ماسكەۋگە جوسپارلاعان ساپارى بولمايتىن سياقتى. «كوممەرسانت» گازەتىنىڭ جازۋىنشا, اقش پەن رەسەي يادرولىق قارۋدى قىسقارتۋ تۋرالى كەلىسىمگە قول جەتكىزە المادى. وسىعان بايلانىستى اقش-تىڭ مەملەكەتتىك دەپارتامەنتى ساپارمەن بارۋ ءجونسىز دەپ ەسەپتەيدى.
دەگەنمەن, اقش پرەزيدەنتىنىڭ قىركۇيەكتە سانكت-پەتەربۋرگتە وتەتىن «ۇلكەن جيىرمالىقتىڭ» سامميتىنە كەلۋى كۇتىلىپ وتىر. باسىلىمدا اتالعانداي, باراك وباما ماسكەۋمەن قاتىناستى جاقسارتۋعا ىنتالى. قازىرگى قالىپتاسقان تىعىرىقتان شىعۋدىڭ جولدارى رەسەي سىرتقى ىستەر ءمينيسترى سەرگەي لاۆروۆ پەن اقش ۆيتسە-پرەزيدەنتى دجو بايدەننىڭ سەنبى كۇنى ميۋنحەندە بولاتىن كەلىسسوزدەرىندە قاراستىرىلادى. سونداي-اق, وسى ايدا رەسەي پرەزيدەنتى ۆ.پۋتين مەن ب.وبامانىڭ كەڭەسشىسى ت.دونيلوننىڭ كەزدەسۋى جوسپارلانعان. كەزدەسۋدە رەسەي تاراپىنا زىمىرانعا قارسى قورعانىس تۋرالى جاڭا شارتتىڭ العاشقى جوباسى ۇسىنىلۋى مۇمكىن.
مەحيكوداعى جارىلىستىڭ سەبەبى اتالدى
«رەيتەر» اقپارات اگەنتتىگىنىڭ حابارلاۋىنشا, مەحيكوداعى «Pemex» مۇناي كومپانياسىنا قارايتىن بيىك عيماراتتا بولعان كۇشتى جارىلىسقا گاز بويلەرىندەگى اقاۋ سەبەپ بولۋى ىقتيمال. سوڭعى مالىمەتتەر بويىنشا, جارىلىس سالدارىنان 25 ادام قازا تاۋىپ, 100-دەن استام ادام جاراقات العان.
عيماراتتىڭ جوعارعى قاباتتارىندا قامالىپ قالعان ادامدار ءالى دە بار, ولاردىڭ سانى شامامەن 30-عا جۋىق. جارىلىس ورنىندا قۇتقارۋشىلار جۇمىس ىستەۋدە, تىكۇشاقتار دا جۇمىلدىرىلعان. 54 قاباتتان تۇراتىن عيماراتتا جارىلىس 31 قاڭتار كۇنى جۇمىس ۋاقىتى اياقتالار كەزدە ورىن العان ەدى. جارىلىستان عيماراتتىڭ تومەنگى بولىگى كوپ زارداپ شەككەن. پوليتسەيلەر وقيعا ورنىنان جارىلعىش زاتتاردىڭ بەلگىلەرىن تاپپادى.
10 ميلليون دوللار قولدى بولدى
سيريادا ازامات سوعىسى باستالعالى بەرى العاش رەت بانكتى توناۋ وقيعاسى تىركەلدى. قىلمىسكەرلەر داماسكىدەگى سيريا حالىقارالىق ساۋدا-قارجى بانكىنەن ءارتۇرلى ۆاليۋتاعا شاققاندا 10 ميلليون دوللاردان اساتىن اقشانى ۇرلاپ كەتكەن.
اقپارات كوزدەرىنە قاراعاندا, بانك 17 قاڭتاردا تونالعان. ول ەندى عانا جاريا ەتىلىپ وتىر. كومپانيا وكىلدەرىنىڭ ايتۋىنشا, توناۋ ارەكەتىنە بىرنەشە ادام قاتىسقان, اراسىندا وسى قارجى مەكەمەسىنىڭ ءبىر قىزمەتكەرى بار كورىنەدى. بۇل ەلدە سوعىس باستالعالى بەرى بانكوماتتاردى توناۋ جيىلەپ كەتكەن ەكەن. ال ءىرى حالىقارالىق بانكتى توناۋ وقيعاسى العاش رەت ورىن الىپ وتىر.
قىسقا قايىرىپ ايتقاندا:
كەشە قىتايدىڭ ورتالىق بولىگىندەگى اۆتوكولىكتەر وتەتىن كوپىردىڭ قۇلاۋى سالدارىنان كەم دەگەندە 26 ادام قازا تاپقان. قايعىلى وقيعاعا كوپىر ۇستىمەن كەلە جاتقان جۇك كولىگىندەگى وتشاشۋلاردىڭ جارىلۋى سەبەپ بولىپتى.
اسىرە ۇلتشىل توپتارعا جاتاتىن نەمىس تەررورشىسى بەاتە چەپەگە 10 ادام ءولتىرۋ جانە 15 توناۋ ارەكەتىنە قاتىستىلىعىنا بايلانىستى ايىپ تاعىلدى.
داماسك حالىقارالىق اۋەجايى ماڭايىنداعى بىرقاتار ەلدى مەكەندەرگە باقىلاۋ ورناتقان سيريا ب ۇلىكشىلەرى اتىس قارۋىمەن يراننىڭ كوممەرتسيالىق اۆيالاينەرىنە وق اتقان. اۋە كولىگى ايتارلىقتاي زاقىمدانعان جوق.
گرۋزيا پارلامەنتىنىڭ دەپۋتاتى, رەسپۋبليكالىق پارتيا جەتەكشىلەرىنىڭ ءبىرى لەۆان بەردزەنيشۆيلي بەلارۋس پرەزيدەنتى الەكساندر لۋكاشەنكونىڭ گرۋزياعا كەلمەۋى قاجەتتىگىن مالىمدەدى.
ينتەرنەت ماتەريالدارى نەگىزىندە ازىرلەندى.
