227 جۋرناليست تىركەلدى

جاقىندا شەتەلدىك باق وكىلدەرىن اككرەديتتەۋ پروتسەسى اياق­تالدى. ەلەكتورالدى كەزەڭ­دە قازاقستان سىرتقى ىستەر مي­نيستر­لىگى ورتالىق سايلاۋ كو­ميسسياسىمەن (وسك) بىرلە­سىپ شەت مەملەكەتتەردەن, حالىق­ارالىق ۇيىمداردان, سونداي-اق شەتەلدىك باق وكىلدەرىن اككرەديتتەۋ ماسەلەلەرى بويىنشا ءتيىستى جۇمىستار اتقارىلدى.

جالپى, ءسىم الەمنىڭ 40-تان استام ەلىنەن 227 شەتەلدىك كور­رەس­پوندەنتتى اككرەديتتەدى. سو­نى­مەن قاتار مينيسترلىك جانىن­دا تۇراقتى نەگىزدە شەتەلدىك باق-تىڭ 121 شەتەلدىك كور­رەس­پون­­­دەنتى تىركەلگەن. بۇل الەم­دىك قوعام­داستىقتىڭ ءبىز­دىڭ ەلى­مىزگە دەگەن جوعارى قىزى­عۋ­شىلى­عىنىڭ جانە مەملەكەتتىڭ ساياسي جانە الەۋ­مەتتىك ومىرىندەگى بولىپ جات­قان وزگەرىستەردىڭ ايقىن كورىنىسى.

شەتەلدىك جۋرناليستەر سىرت­قى ساياسي ۆەدومستۆو بەرگەن تۇ­راقتى نەمەسە ۋاقىتشا اككرەديت­تەۋ تۋ­رالى كۋالىك بولعان جاع­داي­دا ساي­لاۋدى بايقاۋدى جۇزەگە اسى­­رۋعا قۇقىلى ەكەنىن اتاپ ءوت­كەن ءجون.

سونىمەن قاتار «سايلاۋ تۋرالى» كونستيتۋتسيالىق زاڭدا شەت مەملەكەتتەر مەن حالىق­ارالىق ۇيىمداردىڭ بايقاۋ­شىلارىنا, سونداي-اق شەتەلدىك باق وكىلدەرىنە اككرەديتتەۋ تۋرالى كۋالىكتى ۇسىنعان جاعدايدا اۋدارماشىمەن ىلەسە ءجۇرىپ سايلاۋعا قاتىسۋعا مۇمكىندىك بەرەتىن نورما بەكىتىلگەن.