الەم جاڭالىقتارى
سارسەنبى, 23 قاڭتار 2013 7:10
جۇمىسسىزدىقتىڭ ءوسىمى الاڭداتادى
بۇۇ قۇرامىنا كىرەتىن حالىقارالىق ەڭبەك ۇيىمىنىڭ (حەۇ) بايانداماسىندا 2013 جىلى الەمدەگى جۇمىسسىزدار سانى رەكوردتىق كورسەتكىشكە جەتەتىنى جاريا ەتىلدى. حەۇ-نىڭ بولجامىنا سايكەس, ۇستىمىزدەگى جىلى دۇنيە ءجۇزى بويىنشا جۇمىسسىزدار سانى 5 ميلليونعا ارتىپ, 202 ميلليون ادامدى قۇرايتىن بولادى.
سارسەنبى, 23 قاڭتار 2013 7:10
جۇمىسسىزدىقتىڭ ءوسىمى الاڭداتادى
بۇۇ قۇرامىنا كىرەتىن حالىقارالىق ەڭبەك ۇيىمىنىڭ (حەۇ) بايانداماسىندا 2013 جىلى الەمدەگى جۇمىسسىزدار سانى رەكوردتىق كورسەتكىشكە جەتەتىنى جاريا ەتىلدى. حەۇ-نىڭ بولجامىنا سايكەس, ۇستىمىزدەگى جىلى دۇنيە ءجۇزى بويىنشا جۇمىسسىزدار سانى 5 ميلليونعا ارتىپ, 202 ميلليون ادامدى قۇرايتىن بولادى.
داعدارىس باستالعان 2007 جىلدان بەرى الەمدەگى جۇمىسسىزدار 28 ميلليون ادامعا كوبەيىپ, 2012 جىلدىڭ اياعىندا 197 ميلليون ادامدى قۇراعان. جۇمىسسىزدار سانى ءوزىنىڭ شارىقتاۋ شەگىنە ەڭ داعدارىستى دەپ ەسەپتەلەتىن 2009 جىلى جەتكەن. ياعني سول جىلى دۇنيە ءجۇزى بويىنشا 199 ميلليون ادام جۇمىسسىز بولعان. ال الداعى جىلى جۇمىسسىزدار سانى تاعى 3 ميلليونعا ارتادى دەپ بولجانىپ وتىر.
قىتايدان جەر داۋلاپ وتىر
فيليپپين باسشىلىعى قحر-دان وڭتۇستىك-قىتاي تەڭىزىندەگى تالاس تۋدىرىپ كەلە جاتقان جەر قويناۋى بايلىعى مول اۋماقتى سوتتاسىپ الۋ جونىندە شەشىم قابىلدادى. مۇنداي مالىمدەمەنى كەشە ءفيليپپيننىڭ سىرتقى ىستەر ءمينيسترى البەرت دەل روساريو جاسادى.
سول كۇنى فيليپپين سىرتقى ىستەر مينيسترلىگى قىتاي ەلشىسى ما كەتسيندى شاقىرىپ الىپ, اتالعان ماسەلە بويىنشا حالىقارالىق تورەلىك سوتقا ۇندەۋ جولداعانىن حابارلاعان. دەل روساريونىڭ سوزىنە قاراعاندا, فيليپپين باسشىلىعى بەيبىت كەلىسسوز جۇرگىزۋدىڭ ءىس جۇزىندە بارلىق ىقتيمال ساياسي جانە ديپلوماتيالىق ءادىس-تاسىلدەرىن پايدالانىپ بولعان. ول پايدا بەرمەگەندىكتەن, حالىقارالىق تورەلىك سوتقا جۇگىنگەن ءجون دەگەن شەشىم قابىلدانعان.
يزرايلدە كنەسسەتكە سايلاۋ باستالدى
كەشە يزرايلدە ەل پارلامەنتىنە سايلاۋ باستالدى. سايلاۋ ۋچاسكەلەرى بۇكىل يزرايل اۋماعى بويىنشا تاڭەرتەڭگى ساعات 5-تە اشىلعان. سايلاۋ قورىتىندىلارى بويىنشا, بەنيامين نەتانياحۋ پرەمەر-مينيستر ورىنتاعىن ساقتاپ قالادى دەپ كۇتىلۋدە.
سوڭعى الەۋمەتتىك سۇراۋ سالۋلاردىڭ ناتيجەلەرىنە سايكەس, نەتانياحۋدىڭ «ليكۋد» بلوگى – جانە «ءبىزدىڭ ءۇيىمىز يزرايل» پارتياسى جاڭا كنەسسەتتە 32-ورىن الا الادى ەكەن. بۇل قازىرگى كەزدەگىدەن 10 ورىنعا از, الايدا وڭشىل بلوكتىڭ جاقىن باقتالاستارى – «اۆودا» سولشىلتسەنتريستىك پارتياسى بار بولعانى 17 ورىن الادى دەگەن بولجام بار. ءۇشىنشى ورىن «ەۆرەي ءۇيى» وڭشىل ءدىني پارتياسىنا بۇيىراتىن سىڭايلى.
قىسقا قايىرىپ ايتقاندا:
*سيريادا جانكەشتى-لاڭكەس جاساعان جارىلىس سالدارىنان 30-دان استام ادام قازا تاپسا, بىرنەشە ونداعان ادام جارالانعان. جارىلىس حاما پروۆينتسياسىنداعى سالمياح قالاسىندا جاسالعان.
* بريتانيا حانزاداسى گارريدىڭ اۋعانستانداعى اسكەري قىزمەتىن اياقتاپ, وتانىنا ورالاتىنى بەلگىلى بولىپ وتىر. بىراق ونىڭ قاي جەردە قىزمەت ەتكەنى جانە ءدال قاي ۋاقىتتا ەلىنە باعىت الاتىنى تۋرالى ناقتى مالىمەت جوق.
* رەسەي ليبەرال-دەموكراتيالىق پارتياسىنىڭ سەركەسى ۆلاديمير جيرينوۆسكي ورىس تىلىندە بالاماسى بار شەت تىلدەرىندەگى ءسوزدەردى پايدالانۋعا زاڭ بويىنشا تىيىم سالۋدى ۇسىندى. «ورىس ءتىلىن كۇل-قوقىستان جانە شەتەل سوزدەرىنەن ارىلتۋ قاجەت», دەيدى ول.
*يسپانيا اسكەري-اۋە كۇشتەرى 2013 جىلى اسكەري ۇشاقتاردىڭ ءۇش ءتۇرىن قاتاردان شىعارۋدى باستاماق. بىراق اۆياپاركتى جاڭعىرتۋ كەيىنگە قالدىرىلىپ وتىر. گەنەرال فرانتسيسكو حاۆەر گارسيا ءارنايزدىڭ ايتۋىنشا, تەحنيكالار قورعانىس بيۋدجەتىندە قارجى تاپشىلىعى سالدارىنان ەسەپتەن شىعارىلماق.
چاۆەس وتانىنا قاشان ورالادى؟
ۆەنەسۋەلا پرەزيدەنتى ۋگو چاۆەستىڭ ءىنىسى ارحەنيس چاۆەس مەملەكەت باسشىسىنىڭ وتانىنا ورالۋ جوسپارى تۋرالى مالىمدەمە جاسادى. ا.چاۆەس بۇگىندە ۆەنەسۋەلانىڭ ۇلتتىق ەلەكترەنەرگەتيكالىق كورپوراتسياسىن باسقارادى. ول 20 قاڭتاردا گاۆانادا اعاسىمەن كەزدەسىپ, اڭگىمەلەسكەن كورىنەدى.
كىشى چاۆەستىڭ ايتۋىنشا, اعاسى ۆەنەسۋەلاعا جاقىن كۇندەرى ورالۋى مۇمكىن. ونىڭ مالىمدەۋىنشە, ورالۋدىڭ ناقتى كۇنى پرەزيدەنتتىڭ دەنساۋلىق جاعدايىنا تىكەلەي بايلانىستى بولادى. سوڭعى كەزدەرى ۋگو چاۆەستىڭ دەنساۋلىعى جاقسارا باستاعان سىڭايلى. بۇل جونىندە ۆەنەسۋەلانىڭ ۆيتسە-پرەزيدەنتى نيكولاس مادۋرو حابارلادى.
جاپونيا بارلاۋ سپۋتنيكتەرىن ۇشىرماق
جاپونيا ۇكىمەتى تاياۋداعى بەس جىل ىشىندە وربيتاعا وپتيكالىق جانە رادارلىق باقىلاۋ جاسايتىن التى جەر سەرىگىن شىعارماق بولىپ وتىر. سپۋتنيكتەر كۇنىنە ەكى مارتە جەردىڭ كەز كەلگەن نۇكتەسىنەن سۋرەتتەر مەن باسقا دا اقپاراتتاردى الا الادى ەكەن. ال العاشقى اپپاراتتى وربيتاعا وسى قاڭتار ايىنىڭ سوڭىندا شىعارۋ جوسپارلانىپتى.
قازىرگى كەزدە جاپونيانىڭ قۇزىرىندا ءتورت بارلاۋ جەر سەرىگى بار كورىنەدى. ولار نەگىزىنەن كورەيا حالىق-دەموكراتيالىق رەسپۋبليكاسى اۋماعىن باقىلاۋ ءۇشىن پايدالانىلادى. جاپون ۇكىمەتىندەگىلەر عارىشتان باقىلاۋ عانا جەتكىلىكسىز دەپ ەسەپتەيدى. سوندىقتان جاپونيا كەمشىلىكتىڭ ورنىن اقش-تىڭ ەسەبىنەن تولتىرىپ وتىر. ونىڭ ۇستىنە امەريكالىق سپۋتنيكتەردىڭ سۋرەتتەرى اناعۇرلىم ساپالى ەكەن. ەندى جاپوندار شەتەلدەرگە تاۋەلدىلىكتەن قۇتىلاتىن سىڭايلى.
ەسىرتكى كونترابانداسىنا جازا اۋىر
يندونەزيادا 56 جاستاعى بريتاندىق ليندسەي سەنديفورد ەسىرتكى كونترابانداسى ءۇشىن ءولىم جازاسىنا كەسىلدى. اتالعان ايەل وتكەن جىلدىڭ ماۋسىم ايىندا كادىمگى كەدەندىك تەكسەرۋ كەزىندە تۇتقىندالعان بولاتىن. پوليتسيا ونىڭ شابادانىنىڭ جاسىرىن قاباتىنان 4,8 كيلوگرامم كوكاين تاركىلەگەن ەدى.
سەنديفورد بالي ارالدارىنا ەسىرتكى جەتكىزۋگە ماجبۇرلەنگەنىن مالىمدەگەن-ءتىن. پروكۋراتۋرا سوتتان ونى 15 جىل تۇرمەگە قاماۋعا ۇكىم شىعارۋدى سۇراعان ەدى. الايدا سۋديالار بريتانيالىقتىڭ قىلمىسىن جۇمسارتاتىن ەشقانداي سەبەپ جوق ەكەنىن كولدەنەڭ تارتىپ, ونى ءولىم جازاسىنا كەستى. سۋديالاردىڭ پىكىرلەرىنشە, سەنديفورد ءباليدىڭ تۋريستىك ورتالىق رەتىندەگى يميدجىنە نۇقسان كەلتىرىپ, ۇكىمەتتىڭ ەسىرتكىمەن كۇرەس جونىندەگى باعدارلاماسىن السىرەتكەن.
ينتەرنەت ماتەريالدارى نەگىزىندە ازىرلەندى.
