ايماقتار • 06 ماۋسىم، 2019

ۇشەمدەر مەن قوس انا ۇيلەرىنە ورالدى

743 رەت كورسەتىلدى

وبلىس ورتالىعى تۇركىستاندا مامىر ايىندا ەكى انانىڭ ۇشەم بوسانۋى العاش رەت تىركەلىپ وتىر.

ۇشەمدەردىڭ اتا-انالارى مەن ءدارى­گەر­لەر «كوز» بەن «سوزدەن» ساقتانعان دا بولار، 1 مامىردا دۇنيەگە كەلگەن ۇشەم تۋرالى اقپاراتتى جاريا ەتپەپتى. وبلىستىق №3 پەريناتالدىق ورتالىقتا مەرزىمىنەن ەرتە بوسانعان 27 جاستاعى دينارا نارحانوۆا ءۇش ۇلدى ومىرگە اكەلدى. نارەستەلەردىڭ سالماعى 
1 820، 1800 جانە 1730 گرامنان بولعان. العاشقى كەزدە سابيلەردىڭ جاعدايى اۋىر بولعان سوڭ دارىگەرلەر جاساندى تىنىستاۋ اپپاراتىنا قوسىپ، ءبىر اي كولە­مىندە دەنساۋلىقتارىنا ەرەكشە كۇتىم جاسا­عان. قازىر جاعدايلارى جاقسارىپ، سال­ماقتارى ەكى كەلىدەن اسقان. جاساندى ۇرىق­تان­دىرۋ جولىمەن جۇكتى بولعان كەلىنشەك بالالارىنىڭ ەسىمىن يكرام، يسلام جانە يمران قويىپتى. بۇعان دەيىن ءبىر قىزى بار وتبا­سىنىڭ پەرزەنتتەرى وسىلايشا تورتەۋگە جەتىپ وتىر.

ال ەكىنشى ۇشەمنىڭ اناسى سايەرا تۋكليەۆا – 29 جاستا. بىرلىك اۋىلىندا تۇ­را­­تىن كەلىنشەك 27 مامىر كۇنى بوسانعان. كەسار تىلىگى ارقىلى ەكى قىز بەن ءبىر ۇلدى ءومىر­گە اكەلگەن جاس انانىڭ ۇيىندە تاعى ءۇش پەر­زەنتى بار. نارەستەلەرى دە ايى-كۇنىنە تولىپ، ءوز ۇيلەرىنە جىبەرىلدى. «ۇشەمدەرگە جۇك­تى ەكەنىمدى بەسىنشى اپتادا ءبىلدىم. ءۇي-ءىشى­مىزبەن قۋاندىق. باستاپقى جۇكتىلىك كەزىندە ءبىراز قينالعان كەزدەرىم بولدى. بىراق ەرەكشە كۇتىم جاساپ، دارىگەرلەردىڭ ايتقانىن ورىندادىم. پەرزەنتتەرىمدى امان-ەسەن بوساندىم. دارىگەرلەرگە العىس ايتقىم كەلەدى، بىزگە جاقسى ەم-دوم جاساپ، جاقسى قارادى. ەسىمدەرىن فاتيما، يسمايل، زۋحرا دەپ قويدىق. وسىلايشا ومىرگە ءۇش پەرزەنت اكەلىپ، باتىر انا اتاندىم. اللا تاعالاما وسىنداي پەرزەنتتەر بەرگەنى ءۇشىن ريزامىن»، دەيدى سايەرا تۋكليەۆا.

ۇيلەرىنە شىعارىلاردا قوس انا مەن نارەستەلەرگە وبلىستىق اكىمدىكتىڭ اتىنان سىي-سىياپاتتار جاسالدى. ءار نارەستەگە اربا مەن كەرەۋەت، كيىم-كەشەك، ويىنشىق تابىس ەتىلدى. وبلىستىق دەنساۋلىق ساق­تاۋ باسقارماسىنىڭ باسشىسى مۇقان ەگىز­باەۆتىڭ ايتۋىنشا، سابيلەر الداعى ۋا­قىت­تا دا ەرەكشە كۇتىمگە الىنادى. «قازىرگى تاڭدا نارەستەلەردىڭ جاعدايى جاقسى. مە­دي­تسينالىق كۇتىم جاساپ، ۇيلەرىنە جاقسى جاع­دايدا شىعارىپ جاتىرمىز. بۇدان بىلاي ءار وتباسىنا مەدبيكە بولىنەتىن بولادى. ۇشەمدەردىڭ جاعدايىن قاراپ، باقىلاۋدا ۇستاپ وتىراتىن بولامىز»، دەدى مۇقان ەگىزباەۆ.

جىل باسىنان بەرى وڭىردە ءۇش ۇشەم دۇنيەگە كەلگەن. ەكى انا تۇركىستان قالا­سىن­دا، تاعى ءبىر انا شىمكەنت قالاسىنداعى وبلىس­تىق پەريناتالدىق ورتالىقتا بوسان­عان.

 

تۇركىستان وبلىسى

سوڭعى جاڭالىقتار

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

ۇقساس جاڭالىقتار