ءىس-شاراعا اگەنتتىكتىڭ ماڭعىستاۋ وبلىسى بويىنشا دەپارتامەنتىنىڭ باسشىسى نۇرگۇل جاننازاروۆا, اقش-تان كەلگەن قوناقتار لي حەدلستون, گرەيدي ۆوگان, دجو ۋيلسون, دەن دۋونگ, دجوش ديۋفو جانە جوبانىڭ قازاقستاندىق ۇيلەستىرۋشىسى ەلەنا فەوكتيستوۆا, اۋماقتىق دەپارتامەنت قىزمەتكەرلەرى, «ماڭعىستاۋ – ادالدىق الاڭى» جوبالىق كەڭسەسىنىڭ مەنەدجەرلەرى, وڭىردەگى اعىلشىن ءتىلىن مەڭگەرگەن جاس مەملەكەتتىك قىزمەتشىلەر جانە جەرگىلىكتى بۇقارالىق اقپارات قۇرالدارىنىڭ تىلشىلەرى قاتىستى.
ايتا كەتۋ قاجەت, كەزدەسۋگە ەلىمىزدىڭ پرەمەر-ءمينيسترىنىڭ رەسمي دەلەگاتسياسى قۇرامىندا وڭىرىمىزگە ىسساپارمەن كەلگەن ءبىلىم جانە عىلىم ۆيتسە-ءمينيسترى فاتيما جاقىپوۆا, مادەنيەت جانە سپورت ۆيتسە-ءمينيسترى اقتوتى رايمكۋلوۆا دا ات باسىن بۇردى.
دەپارتامەنت باسشىسى ن.جاننازاروۆا ءوز سوزىندە اگەنتتىكتىڭ باستاماسىمەن قولعا الىنعان سىبايلاس جەمقورلىققا قارسى ءىس-قيمىل باعىتىنداعى «ماڭعىستاۋ – ادالدىق الاڭى», «سانالى ۇرپاق», Protecting business and investments جوبالارى جايىندا بايانداپ, تۇرعىندارمەن كەرى بايلانىس مەحانيزمدەرىن جەتىلدىرۋ تۋرالى ايتتى.
امەريكاندىق ارىپتەستەردىڭ ءىسساپار ماقساتى اقش مەملەكەتتىك دەپارتامەنتى جانىنداعى Fulbright حالىقارالىق ءبىلىم بەرۋ باعدارلاماسىنىڭ اياسىندا قازاقستاندىق جوعارى وقۋ ورىندارى ستۋدەنتتەرىنە تىلدىك ورتا قالىپتاستىرۋ. وقىتۋشىلار ءبىر جىل بويى وتاندىق ۋنيۆەرسيتەتتەردە, ياعني الماتى, شىمكەنت, وسكەمەن جانە پاۆلودار قالالارىندا جۇمىستارىن اتقارىپ, اقتاۋ قالاسىنداعى جوعارى ءبىلىم ورداسىنىڭ ءبىلىم بەرۋ ۇردىسىمەن تانىسىپ, باسا نازاردى ستۋدەنتتەردىڭ شەت تىلدەرىن مەڭگەرۋىنە اۋداردى.
كەزدەسۋ بارىسىندا شەتەلدىك مەيماندار قازاقستانداعى زاماناۋي سىبايلاس جەمقورلىققا قارسى ساياساتىنا قاتىستى ءوز كوزقاراستارىمەن ءبولىستى, اتاپ ايقاندا «جەمقورلىقتان ادا وڭىرلەر» جوباسىنا قىزىعۋشىلىقتارىن ءبىلدىردى. سپيكەرلەردىڭ ايتۋىنشا, اقش-تىڭ وقۋ ورىندارىندا اكادەميالىق ادالدىق دەڭگەيىن انىقتاۋ ماقساتىندا ستۋدەنتتەر اراسىندا الەۋمەتتىك ساۋالناما ادىسىنە كوپ كوڭىل بولىنەدى. سونىمەن بىرگە, تۇرعىندار تاراپىنان شاعىمدار تۇسكەن جاعدايدا, ءاربىر شتاتتاعى ورگاندار جەدەل تۇردە ازاماتتاردىڭ وتىنىشتەرىنە ارەكەت ەتەدى.
سىبايلاس جەمقورلىققا قارسى ءىس-قيمىلدىڭ حالىقارالىق تاجىريبەسىنە شەتەل ساراپشىلاردىڭ پىكىرلەرىن مەملەكەتتىك قىزمەتشىلەرگە كەڭىرەك تانىستىرۋ ماقساتىنداعى ءىس-شارالار اۋماقتىق دەپارتامەنت تاراپىنان ودان ءارى جالعاساتىن بولادى.
