قىزىلوردالىق ورەندەردىڭ دەمالىسىن قىزىقتى وتكىزۋ ماقساتىندا وبلىستا ءتۇرلى شارالار قولعا الىنىپ جاتىر. ماسەلەن, «رۋحاني جاڭعىرۋ» باعدارلاماسى شەڭبەرىندە مەكتەپ ءتۋريزىمىن جانداندىرۋ بويىنشا 20 مىڭ وقۋشى ايماقتاعى كيەلى تاريحي-مادەني ورىندارعا ساياحات جاسايدى.
– وبلىستاعى 9 ساۋىقتىرۋ ورتالىعى مەن دەمالىس لاگەرىندە 10 مىڭعا جۋىق بالا دەمالىسپەن قامتىلادى. ال, جالپى ءبىلىم بەرۋ مەكتەپتەرىنىڭ بازاسىنداعى كۇندىزگى جانە شاتىرلى لاگەرلەردە 96 مىڭ بالا تىنىعاتىن بولادى, - دەدى وبلىستىق ءبىلىم باسقارماسىنىڭ باسشىسى مايرا مەدەلبەكوۆا.
بيىل 2018-2019 وقۋ جىلىندا وبلىستاعى 261 مەكتەپتەن 5754 وقۋشى 11 سىنىپتى بىتىرەدى. ونىڭ 4143-ءى ماۋسىم ايىندا وتەتىن ۇلتتىق بىرىڭعاي تەستىلەۋگە قاتىسپاق. تۇلەكتەردىڭ 400-ءى «التىن بەلگىگە», 285-ءى «ۇزدىك اتتەستاتقا» ۇمىتكەر. سونداي-اق, ءبىتىرۋشى تۇلەكتەر جىل بويى جۇمىس ىستەيتىن «قامباش», «تالدىسۋ» لاگەرلەرىندە دايىندىق كۋرستارىنان وتكەن.
قىزىلوردا وبلىسى
