بىرەگەي شيپاجاي
سەيسەنبى, 21 مامىر 2013 1:09
ەلىمىزدىڭ 2011-2013 جىلدارعا ارنالعان «سالاماتتى قازاقستان» باعدارلاماسىنىڭ باستى ماقساتى – مەديتسينالىق مەكەمەلەردى سوڭعى ۇلگىدەگى تەحنولوگيامەن جابدىقتاۋ جانە دە سول تەحنولوگيانى جەتىك مەڭگەرگەن مامانداردى دايارلاۋ. بۇل, تۇپتەپ كەلگەندە, حالىقتىڭ حال-احۋالىن بارىنشا جاقسارتۋعا باعىتتالعان باعدارلاما ەكەندىگىندە ءشۇبا جوق.
سەيسەنبى, 21 مامىر 2013 1:09
ەلىمىزدىڭ 2011-2013 جىلدارعا ارنالعان «سالاماتتى قازاقستان» باعدارلاماسىنىڭ باستى ماقساتى – مەديتسينالىق مەكەمەلەردى سوڭعى ۇلگىدەگى تەحنولوگيامەن جابدىقتاۋ جانە دە سول تەحنولوگيانى جەتىك مەڭگەرگەن مامانداردى دايارلاۋ. بۇل, تۇپتەپ كەلگەندە, حالىقتىڭ حال-احۋالىن بارىنشا جاقسارتۋعا باعىتتالعان باعدارلاما ەكەندىگىندە ءشۇبا جوق.
رەسپۋبليكادا اسىرەسە قان اينالىمى جۇيەسى اۋرۋلارىنىڭ ىشىندە جۇرەك قان تامىرلارى دەرتتەرىنىڭ كەڭ تاراعانى ءارى ءولىم-ءجىتىمنىڭ كوبەيۋى قوعامدى الاڭداتىپ وتىرعانى بەلگىلى. سوڭعى جىلدارى جاڭا تەحنولوگيانى ەنگىزۋ, بىلىكتى ماماندار دايارلاۋ ناتيجەسىندە بۇل اۋرۋلارمەن كۇرەستىڭ دە قارقىن الا باستاعانى سەزىلەدى. جۇرەك-قان تامىرلارى اۋرۋلارىنىڭ ىشىندە قوعامىمىزدا ەڭ كوپ كەزدەسەتىن اۋرۋلار – ستەنوكارديا, اتەروسكلەروز, يشەميا, ميكروكارد ينفاركتىسى سياقتى تۇرلەرى دەندەپ تۇر. قازاقستان وسى اۋرۋلار بويىنشا ءولىم-ءجىتىم جاعىنان تمد ەلدەرىنىڭ ىشىندە ءبىرىنشى ورىندا ەكەن. ارينە, وكىنىشتى…
ەلىمىزدە مەديتسينانىڭ وسى زامانعى دياگنوستيكالاۋ جانە ەمدەۋ قوندىرعىلارى پايدالانىلىپ, جاڭا تەحنولوگيالاردى يگەرۋدىڭ ناتيجەسىندە سوڭعى بەسجىلدىقتا ونكولوگيالىق اۋرۋلاردىڭ ءبىرشاما تۇراقتالعانىن اتاپ وتۋگە بولادى.
وسى ورايدا, قازاقستان رەسپۋبليكاسى پرەزيدەنتى ءىس باسقارماسىنىڭ مەديتسينالىق ورتالىعىندا كوڭىل سۇيسىنتەر ىستەر اتقارىلىپ, كوپشىلىك تاراپىنان العىسقا كەنەلۋدە.
مەديتسينالىق ورتالىق ءجۇيەسىنىڭ قالىپتاسۋى 1929 جىلى باستالعان. ونىڭ نەگىزگى مىندەتتەرى – تىركەلگەن قۇرامنىڭ دەنساۋلىعىن نىعايتۋ جانە ساقتاۋ, ساناتوريلىك-ەپيدەميولوگيالىق قاۋىپسىزدىگىن قامتاماسىز ەتۋ شارالارىن ۇيىمداستىرۋ. ورتالىق قۇرامىنا كىرەتىن اۋرۋحانالار مەديتسينانىڭ بارلىق سالاسى بويىنشا ەمدەۋ-ساۋىقتىرۋدىڭ سان الۋان قىزمەتىن كورسەتەدى. مەديتسينالىق ورتالىقتىڭ ءجۇيەسىنە الماتى قالاسىنداعى قر ءپىب مو ورتالىق كلينيكالىق اۋرۋحاناسى مەن «الماتى» ساناتوريى ەنەدى.
قازاقستان رەسپۋبليكاسى پرەزيدەنتى ءىس باسقارماسى مەديتسينالىق ورتالىعىنىڭ «الماتى» ءساناتوريى» اق-تىڭ ىرگەسى 1967 جىلى قالاندى. ال 2010 جىلى كوپ باعدارلى ەمدەۋ مەكەمەسىنەن قوناقۇي, ەمدەۋ, ت.ب. قىزمەتتەرىنىڭ قازىرگى زامانعى تالاپتارىنا ساي كەلەتىن شيپاجاي رەتىندە قايتا ۇيىمداستىرىلدى. شيپاجاي الماتى قالاسىنان 3 شاقىرىم قاشىقتىقتا. ىلە الاتاۋىنىڭ بوكتەرىندە, تەڭىز دەڭگەيىنەن 1052 شاقىرىم بيىكتىكتە ورنالاسقان. كۋرورت تىنىس الۋ, اس قورىتۋ, قان اينالىمى, جۇيكە جۇيەسى, نەسەپ-جىنىستىق جانە سۇيەك-بۇلشىق ەت جۇيەلەرىنىڭ اۋرۋلارىن ەمدەۋ مەن وڭالتۋ بويىنشا قىزمەت كورسەتەدى.
«الماتى» ساۋىقتىرۋ سپا شيپاجايى قازىرگى زامانعى مەديتسينالىق قۇرالدارمەن جابدىقتالعان. شيپاجاي اۋماعىندا تەننيس كورتتارى, روليك تەبۋگە ارنالعان جانە امبەباپ سپورت الاڭدارى دەمالۋشىلاردىڭ كوڭىلىنەن شىعىپ, تازا اۋامەن تىنىستاۋىنا تولىق مۇمكىندىك بار.
قازىرگى ۋاقىتتا قازاقستان رەسپۋبليكاسى پرەزيدەنتى ءىس باسقارماسى مەديتسينالىق ورتالىعىنىڭ «الماتى» ءساناتوريىن «قۇرمەت» وردەنىنىڭ يەگەرى, مەملەكەتتىك سىيلىقتىڭ لاۋرەاتى, قازاقستاننىڭ ەڭبەك ءسىڭىرگەن قايراتكەرى, مەديتسينا عىلىمدارىنىڭ دوكتورى, پروفەسسور بەكماحان سىبانباي ۇلى قۇرالباەۆ باسقارادى.
عالىم قۇراش,
ارداگەر جۋرناليست.
