مۇحيت اسىپ, اقشا شاشپاي-اق…
سەنبى, 18 مامىر 2013 2:33
الماتىدا 84 جاستاعى جاننىڭ ومىرتقاسىنا وتا جاسالدى
سوڭعى ۋاقىتتا وڭتۇستىك كورەياداعى مىقتى كلينيكا ماماندارىنىڭ قازاقستانعا ءجيى جولى تۇسەتىنى بايقالادى. مۇنىڭ بىرقاتار سەبەپتەرى بار. بىرىنشىدەن, بۇل ەل قازىر ءبىزدىڭ ەلىمىزدىڭ مەديتسينا سالاسىن دامىتۋعا مەملەكەتتىك تۇرعىدا كوڭىل ءبولىپ, حالىققا ەمدەلۋ ءۇشىن كۆوتا بولەتىنىن بىلەدى. وعان قوسا ەكى ەلدىڭ كەيبىر ەمدەۋ مەكەمەلەرى ەكى جاققا دا ءتيىمدى ارىپتەستىككە قول جەتكىزىپ, تاجىريبە الماسىپ جۇرگەن جايى بار.
سەنبى, 18 مامىر 2013 2:33
الماتىدا 84 جاستاعى جاننىڭ ومىرتقاسىنا وتا جاسالدى
سوڭعى ۋاقىتتا وڭتۇستىك كورەياداعى مىقتى كلينيكا ماماندارىنىڭ قازاقستانعا ءجيى جولى تۇسەتىنى بايقالادى. مۇنىڭ بىرقاتار سەبەپتەرى بار. بىرىنشىدەن, بۇل ەل قازىر ءبىزدىڭ ەلىمىزدىڭ مەديتسينا سالاسىن دامىتۋعا مەملەكەتتىك تۇرعىدا كوڭىل ءبولىپ, حالىققا ەمدەلۋ ءۇشىن كۆوتا بولەتىنىن بىلەدى. وعان قوسا ەكى ەلدىڭ كەيبىر ەمدەۋ مەكەمەلەرى ەكى جاققا دا ءتيىمدى ارىپتەستىككە قول جەتكىزىپ, تاجىريبە الماسىپ جۇرگەن جايى بار.
مۇنداي ىسكە مۇرىندىق بولىپ وتىرعان وقيعانىڭ ءبىرى – الماتىداعى قر پرەزيدەنتى ءىس باسقارماسىنىڭ مەديتسينالىق ورتالىعىنىڭ ورتالىق كلينيكالىق اۋرۋحاناسى مەن وڭتۇستىككورەيالىق ۆەرتەبرولوگيالىق كلينيكاسى اراسىندا 2011 جىلى ءوزارا مەموراندۋمعا قوي قويىلعان ەكەن. سول جىلى مۇنداعى حيرۋرگيالىق ورتالىقتىڭ نەگىزىن قالاعان نۇرتاس قازىباەۆ پەن بۇرىنعى باس دارىگەر ۆياچەسلاۆ دۋدنيك الەمدەگى الدىڭعى قاتارلى كلينيكالارمەن جۇمىس ىستەۋگە باستاماشى بولادى.
سول كەزدە مارقۇم نۇرتاس كاكىمجان ۇلى قازاقستاندا از زاقىم كەلتىرەتىن وپەراتسيالار جاساۋ ءۇشىن ەكىجاقتى كەلىسىمشارتقا قاجەتتى قۇجاتتاردى راسىمدەۋ, بايلانىستاردى جولعا قويۋ, قۇرال-جابدىقتار ساتىپ الۋ سياقتى ماسەلەلەردىڭ ءبارىن ءوزى رەتتەيدى. ناتيجەسى كوز الدىمىزدا. سوڭعى ءۇش جىلدا قازاقستاندىق دارىگەرلەر وڭتۇستىك كورەياعا بارىپ, تاجىريبە بايىتىپ جۇرسە, وڭتۇستىككورەيالىق نەيروحيرۋرگتەر دە بىزگە كەلىپ, اعزاعا بارىنشا از زاقىم كەلتىرەتىن وپەراتسيالار جاساپ كەتىپ ءجۇر.
الماتىداعى بىلگىر دارىگەرلەردىڭ ءبىرى ۆلاديمير بالكوۆوي جوعارىداعى كەلىسىمشارتقا قول جەتكىزگەننەن كەيىن وزدەرىنىڭ مۇنداي وپەراتسيالارعا قاجەتتى مەديتسينالىق قۇرال-جابدىقتار ساتىپ العانىن ايتادى.
– ماسەلەن, بۇرىن وستەوحوندروزعا نەمەسە ومىرتقاسى زاقىمدانعان ناۋقاستارعا 50-60 جاستان كەيىن وپەراتسيا جاساۋعا سيرەك تاۋەكەلگە باراتىن بولساق, بۇگىنگى تاڭدا ءبىز جاسى كەلگەن پاتسيەنتتەرگە دە كۇن سايىن وپەراتسيا جاسايمىز, – دەيدى ءبىزدىڭ دارىگەرلەر.
دەمەك, قازاقستاندىق ماماندار اعزاعا زاقىمى از وپەراتسيالاردى جۇرگىزۋگە ماشىقتانىپ الدى دەسە دە بولادى. دەگەنمەن, تاياۋ كۇندەرى وڭتۇستىك كورەيا دارىگەرلەرى قازاقستانداعى ارىپتەستەرىمەن بىرىگىپ, شەبەرلىك ءدارىسى سىندى كۇردەلى وتالاردى جۇزەگە اسىردى. بۇل جولى حيرۋرگ ليم دون حۆان مىرزانىڭ جەتەكشىلىگىمەن الماتىدا التى بىردەي ناۋقاسقا, العاشقىلاردىڭ ءبىرى بولىپ 84 جاستاعى اجەيدىڭ ومىرتقا جارىعىنا وپەراتسيا جاسالدى. ايتقانداي, مۇنداي وپەراتسيانىڭ قۇنى 200 مىڭ تەڭگە بولادى ەكەن.
سونىمەن مامانداردىڭ ايتۋىنشا, سوڭعى ۋاقىتتا وستەوحوندروز اۋرۋىنا بايلانىستى دەرتتەردىڭ ءتۇرى جاسارىپ كەلەدى. قازىر, مۇنداي كەسەلدەن زارداپ شەگىپ جۇرگەندەردىڭ ورتا جاسى – 40.
دارىگەرلەر جەر بەتىندەگى تىرشىلىك كەشكەن ادامداردىڭ 90 پايىزىنىڭ ومىردە ءبىر رەت بولسا دا ومىرتقاسى سىزدامايتىنى جوق دەيدى. بۇرىن ومىرتقا جانە بۋىن اۋرۋلارىمەن جاسى كەلگەندەر سىرقاتتانادى دەگەن تۇسىنىك بولسا, وركەنيەتتى ءومىر سالتى بۇل تۇسىنىكتى تۇبەگەيلى وزگەرتكەن. قازىر كەڭسەلەردە وتىرعان 20-30 جاستاعى قىزمەتكەرلەر بۇل دەرتكە ءجيى شالدىعاتىن بولدى. وعان اۋىر جۇمىسپەن اينالىساتىن ادامداردى, قۇرىلىستا دەنساۋلىعىنا كۇش ءتۇسىرىپ العان جانداردى, باسقا دا كەنەتتەن بولاتىن سەبەپتەردى قوسساق, بۇل كۇندە بەلى شويىرىلىپ, ومىرتقا مەن بۋىن اۋرۋلارىنان زارداپ شەگىپ جۇرگەندەر از ەمەس. سول سياقتى كوپ قيمىلدامايتىن ادامدار ومىرتقا اۋرۋلارىنا ءجيى شالدىعاتىنىنا قاراماستان, دەرتى اسقىنعانشا ءجۇرىپ الادى. ناۋقاستاردىڭ بىرقاتارى وپەراتسيا جاساتۋدان قاشقاقتايدى.
قازىرگى قالىپتاسقان وسى جاعدايعا قاراپ وتىرىپ, سوڭعى كەزدە مەديتسينانىڭ بۇل سالاسىندا دا وزىق ىزدەنىستەر پايدا بولعانىن, سونىڭ ىشىندە وڭتۇستىك كورەيا دارىگەرلەرى ومىرتقا جانە بۋىن اۋرۋلارىنىڭ كوپتەگەن تۇرلەرىن حيرۋرگيالىق وپەراتسيالارسىز-اق ء(ينۆازيۆتى ەمەس), ءتۇرلى ادىستەرمەن ەمدەۋگە قول جەتكىزگەن. سونىمەن, وڭتۇستىك كورەياداعى ۆەرتەبرولوگيالىق كلينيكامەن ءوزارا ىنتىماقتاستىقتى ۇلعايتۋ ءۇشىن قولعا الىنعان شارالاردىڭ اياسىندا الماتىدا قاتارىنان ءۇش كۇن, 14-17 مامىر ارالىعىندا ومىرتقا اۋرۋلارىنا كۇردەلى وپەراتسيالار جاسالدى.
ونىڭ ىشىندە بەل, مويىن ومىرتقالارىنا تەڭدەسى جوق ميكروحيرۋرگيالىق جانە ەندوسكوپيالىق قۇرال-جابدىقتاردىڭ كومەگىمەن وتا جاسالىپ, زاماناۋي پلاستيكالىق ماتەريالداردى قولدانا وتىرىپ, زاقىمدانعان نەمەسە ابدەن جارامسىز كۇيگە جەتكەن ومىرتقا شەمىرشەكتەرى اۋىستىرىلدى. ەڭ باستىسى قان شىعارىلماي جانە اۋىرتپاي جاسالىناتىن مۇنداي وپەراتسيالاردان كەيىن ادام تەز وڭالادى. ۇزاق توسەك تارتىپ جاتپايدى. اۋرۋدىڭ زاردابىنان جوعالعان ومىرتقا قىزمەتىن قالپىنا كەلتىرۋ ءۇشىن ينتەنسيۆتى تۇردە ەم-دوم شارالارى جۇرگىزىلەدى.
الماتىلىق دارىگەرلەر ەڭ وزىق تەحنولوگيالارمەن وتا جاساۋدى وڭتۇستىك كورەيادان كەلگەن ارىپتەستەرىنىڭ ارقاسىندا مەڭگەرىپ العانىن ايتسا, الماتىدا كەزەكتى رەت وتا جاساعان حيرۋرگ ليم دون حۆان قازىر قازاقستاندىق ماماندار ومىرتقا جارىعىن ەمدەۋگە ابدەن ماشىقتانىپ الدى, زاماناۋي تەحنولوگيالاردى تيىسىنشە مەڭگەردى دەيدى.
– وڭتۇستىك كورەيا مەن يزرايل بۇرىننان قولدانىپ كەلە جاتقان امەريكالىق ادىسپەن ءبىز دە جۇمىس ىستەي باستادىق. قازىر قازاقستانداعى جاسالىنىپ جاتقان مۇنداي وتادان كەيىن دەرتتىڭ قايتالانۋى مەن اسقىنۋى كادىمگى وپەراتسيالارعا قاراعاندا وتە سيرەك كەزدەسەدى, – دەيدى ۆلاديمير بالكوۆوي.
ماسەلەن, از زاقىم كەلتىرەتىن ادىسپەن ەلىمىزدە تەك وتكەن جىلى 60 ناۋقاسقا وتا جاسالىنعان. ءبىزدىڭ دارىگەرلەرىمىزدىڭ قازىر مۇنداي مەتوديكانى كەڭىنەن ەنگىزۋگە مۇمكىندىك بەرەتىن جوعارى تەحنولوگيالىق مەديتسينالىق قۇرال-جابدىقتارى بار.
نە دەسەك تە, كەزىندە ايىقپاستاي بولىپ كورىنگەن اۋرۋلار, وزىمىزدە جاسالماستاي بولعان كۇردەلى وپەراتسيالار ءبىزدىڭ اق حالاتتى ابزال جاندارىمىزعا باعىندى. جانىن دەرت مازالاعان ادامدار مۇحيت اسىپ, اقشا شاشپاي-اق ءوز ەلىمىزدە ەمدەلىپ, وسىلايشا ەل قاتارىنا قوسىلىپ جاتقانى قانداي قۋانىشتى.
ايناش ەسالي,
«ەگەمەن قازاقستان».
الماتى.
