وبلىستىق كاسىپكەرلىك جانە تۋريزم باسقارماسىنىڭ باسشىسى قۇرالاي جاروۆانىڭ سوزىنە قاراعاندا جارمەڭكەگە حورەزم وبلىسىنان ازىق-ت ۇلىك تيەلگەن ونداعان جۇك كولىكتەرى كەلىپ, ارزان ساتىلىمعا شىعارىلعان. ءسابىزدىڭ كيلوسى 180, پياز 70, قىزاناق پەن قيار 550 تەڭگەدەن ساۋدالانعان. دامدىلىگى ءتىل ۇيىرەتىن قاۋىن, قاربىز, شابدالى, ورىك, شيە تە قولجەتىمدى باعامەن ۇسىنىلعان. بۇدان بولەك ءتۇرلى كيىم-كەشەكتەر, قىشتان, سازدان جاسالعان ىدىس-اياق, كادەسىي بۇيىمدارى كوپتەپ ساتىلعان.
«حورەزم وڭىرىندە جىلىنا ءبىر ميلليون تونناداي كوكونىس پەن جەمىس وسىرىلەدى. تەرىسكەيلىك جارمەڭكەگە 55 مىڭ توننادان استام اۋىل شارۋاشىلىق ونىمدەرى اكەلىندى», دەيدى حورەزم وبلىسى ينۆەستيتسيالار جانە سىرتقى ساۋدا باس باسقارماسىنىڭ باسشىسى انۆار داۆلەتوۆ. كەلەشەكتە ينۆەستيتسيا سالۋعا, كاسىپكەرلىك سالادا قويان-قولتىق جۇمىس ىستەۋگە نيەتتى.
قازاقستان مەن وزبەكستان اراسىنداعى ەكىجاقتى ىنتىماقتاستىق اياسىندا وزبەك كاسىپكەرلەرى بىرقاتار كەلىسىم-شارتتار جاساسقان. ماسەلەن, ش ۇلىق وندىرەتىن جەرگىلىكتى «Matex» كومپانياسى بالالار جانە مەكتەپ كيىمىن تىگەتىن ماتا, ءجىپ ساتىپ الۋعا ۋاعدالاسقان. وبلىس ورتالىعىندا حورەزم ساۋدا ءۇيىن اشۋ ويلاستىرىلىپ وتىر.
سولتۇستىك قازاقستان وبلىسى
