شاڭىراق اياسىنداعى شاتتىق ءۇن
بەيسەنبى, 2 مامىر 2013 1:59
استانا قالاسىندا وتكەن قازاقستان حالقى اسسامبلەياسىنىڭ سەسسياسىنان ورالىسىمەن ماڭعىستاۋلىق دەلەگاتسيا مۇشەلەرى شاتتىق شارالارىنا كىرىسىپ كەتتى. ىنتىماق پەن بىرلىكتەن اسقان باقىت جوق ەكەندىگىن, تاۋەلسىز قازاقستاننىڭ شاڭىراعىن بيىك ەتۋ ءۇشىن وزدەرىنىڭ نىق ۋىق بولۋى قاجەتتىگىن جاقسى تۇسىنەتىن ولار 1 مامىر مەرەكەسى قارساڭىن كوتەرىڭكى كوڭىل-كۇي سىيلايتىن سالتاناتتى شارالارعا تولتىردى.
بەيسەنبى, 2 مامىر 2013 1:59
استانا قالاسىندا وتكەن قازاقستان حالقى اسسامبلەياسىنىڭ سەسسياسىنان ورالىسىمەن ماڭعىستاۋلىق دەلەگاتسيا مۇشەلەرى شاتتىق شارالارىنا كىرىسىپ كەتتى. ىنتىماق پەن بىرلىكتەن اسقان باقىت جوق ەكەندىگىن, تاۋەلسىز قازاقستاننىڭ شاڭىراعىن بيىك ەتۋ ءۇشىن وزدەرىنىڭ نىق ۋىق بولۋى قاجەتتىگىن جاقسى تۇسىنەتىن ولار 1 مامىر مەرەكەسى قارساڭىن كوتەرىڭكى كوڭىل-كۇي سىيلايتىن سالتاناتتى شارالارعا تولتىردى.
كيەلى ماڭعىستاۋ ءوڭىرى – قاشاننان بىرنەشە ۇلتتىڭ ۇرپاعى وربىگەن التىن بەسىك. قازاققا ءتان قوناقجايلىقپەن وزگە ۇلتتارعا قۇشاعىن اشىپ, قيىندىقتاردان قول ۇستاسىپ بىرگە شىققان ولار ازات ەلدىڭ ارايلى تىرلىگىن بىرگە كەشۋدە. ماڭعىستاۋ جەرىن زەرتتەۋ ءۇشىن نەمەسە جەر اۋدارۋ ارقىلى كەلۋ سەكىلدى ارعى تاريحتىڭ كەيبىر دەرەكتەرىن ايتپاعاندا, بەرىدەگى تۇبەكتەگى كەن ورىندارىن بارلاۋ, مۇنايدى يگەرۋ, اقتاۋ قالاسىنىڭ ىرگەتاسىن قالاۋ سىندى سۇبەلى ىستەردىڭ باسىندا جەرگىلىكتى ۇلتپەن بىرگە وزگە ۇلت وكىلدەرىنىڭ قاجىر-قايراتى تۇرعاندىعىن ايتۋىمىز كەرەك.
«ءبىر شاڭىراق استىندا» دەپ ۇرانداتقان ماڭعىستاۋ وبلىستىق اسسامبلەيا حاتشىلىعى مەن ەتنومادەني بىرلەستىكتەر توراعالارى بىرلىك مەرەكەسى مەن ماڭعىستاۋ وبلىسىنىڭ – 40, اقتاۋ قالاسىنىڭ 50 جىلدىق مەرەيتويلارىن تويلاۋدى ءساۋىردىڭ سوڭىنا تامان باستاپ كەتتى. بۇل قۋانىش ساناتىنان وبلىس پەن وبلىستىق اسسامبلەيا حاتشىلىعىنىڭ ءوزارا بىرلەسە جۇمىس ىستەۋىنىڭ 10 جىلدىعى دا قالىس قالعان جوق. ون جىل بويى دوستىقتىڭ ۇياسىنداي بولىپ كەلگەن قالاداعى №6 مەكتەپتە ەتنومادەني بىرلەستىكتەرگە ارنالىپ كورمە دايىندالىپ, ءار ۇلتتىڭ كيىمى كيىلىپ, ءانى شىرقالدى. اسىرەسە, بىرنەشە ۇلت وكىلدەرىنىڭ قازاقشا «جاسا مەنىڭ قازاعىم, جاسا قازاقستانىم!» دەپ حورمەن تەربەلە ءان شىرقاعانى اسەرلى شىقتى.
ماڭعىستاۋ وبلىستىق جاستار ساياساتى ورتالىعى مەن قالاداعى 4 ورتا كاسىپتىك ءبىلىم مەكەمەلەرىندە بولىپ, جاستارمەن جۇزدەستى. «ەل بىرلىگى – ەرتەڭىمىز» تاقىرىبىنداعى كەزدەسۋدە جاستارعا قازاق تاريحى, ەلىمىزدىڭ قازىرگى دامۋ ءۇردىسى, اسسامبلەيا مەن ونىڭ قۇرىلىمى, ۇلتارالىق جانە ءدىني تاتۋلىق تۇرعىسىندا تۇسىنىك بەردى. «مەملەكەتتىك ءتىل – مەنىڭ ءتىلىم» بايقاۋىندا 15-30 جاس ارالىعىنداعى 24 ۇمىتكەردىڭ قازاق ءتىلىن ءبىلۋىن ساراپقا سالعان ۇيىمداستىرۋشىلار بۇل بايقاۋدا لەزگين, قۇمىق, ازەربايجان, ورىس, ۋكراين, بەلارۋس جاستارىنىڭ اراسىنان تابىلدى.
– ءىىد-ءنىڭ «كۇزەت» مەكەمەسى مەن قازاقستان رەسپۋبليكاسى ۇقك شەكارا قىزمەتى «باتىس» وڭىرلىك باسقارماسى وزدەرىنە شاقىرىپ قازاقستان قوعامىنداعى ۇلتارالىق كەلىسىم تاقىرىبىندا ءدارىس وقۋدى ءوتىنىش ەتتى. قازىر اسسامبلەيا حاتشىلىعى مەن ەتنومادەني بىرلەستىكتەر توراعالارى وسى دارىستەردى وقۋ ۇستىندەمىز, – دەيدى قاشاندا زىر جۇگىرە قىزمەت ەتىپ, تاتۋلىققا دانەكەر بولىپ جۇرەتىن, جوعارىدا ايتىلعان بۇكىل شارانىڭ ۇيىمداستىرۋشىسى – ماڭعىستاۋ وبلىستىق قازاقستان حالقى اسسامبلەياسى حاتشىلىعىنىڭ ءتورايىمى گۇلجان يسمۋرزينا.
ماڭعىستاۋلىقتار دوستىق مەرەكەسىن كۇنىلگەرى وسىلاي باستاپ كەتكەنىنە كوپشىلىك كۋا.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
