ىزگىلىكتىڭ قاينار كوزى
سارسەنبى, 1 مامىر 2013 2:13
قازاقتا «ىرىس الدى – ىنتىماق» دەگەن اتالى ءسوز بار. وسى ۇلاعاتتى بەرىك ۇستانىپ, ناقتىلى ومىردە جۇزەگە اسىرىپ جۇرگەن جەتىسۋلىقتار قوعامدىق تۇراقتىلىقتى ساقتاپ, بىرلىكتى نىعايتقان ۇستىنە نىعايتا تۇسۋدە. سونىڭ جاندى دالەلى رەتىندە مەرەكەلىك كۇندەردە شادىمان شاتتىققا بولەنە ءار حالىق ۇلتتىق كيىمدەرىن كيىپ شىعىپ, كوڭىلدەرگە قۋانىش سىيلايتىنىن ايتۋعا بولادى.
سارسەنبى, 1 مامىر 2013 2:13
قازاقتا «ىرىس الدى – ىنتىماق» دەگەن اتالى ءسوز بار. وسى ۇلاعاتتى بەرىك ۇستانىپ, ناقتىلى ومىردە جۇزەگە اسىرىپ جۇرگەن جەتىسۋلىقتار قوعامدىق تۇراقتىلىقتى ساقتاپ, بىرلىكتى نىعايتقان ۇستىنە نىعايتا تۇسۋدە. سونىڭ جاندى دالەلى رەتىندە مەرەكەلىك كۇندەردە شادىمان شاتتىققا بولەنە ءار حالىق ۇلتتىق كيىمدەرىن كيىپ شىعىپ, كوڭىلدەرگە قۋانىش سىيلايتىنىن ايتۋعا بولادى.
«وبلىستا 103 ەتنوس وكىلدەرى تۇرادى. 71 ەتنومادەني بىرلەستىكتەر وسى ەتنوستىق توپتاردىڭ مادەنيەتىن, ءتىلىن, سالت-ءداستۇرىن دامىتۋ ماقساتىندا جۇيەلى جۇمىس اتقارۋدا. ولاردىڭ 48-ءى اۋداندار مەن قالالاردا بولسا, وبلىس ورتالىعىنداعى دوستىق ۇيىندە 23 بىرلەستىك بار. قازىر دوستىق ۇيىندە 5 بي ءانسامبلى, 2 ۆوكالدى توپ: حالىقتىق اتاعى بار «اچيمنوۋل», «تۋعان تەل», «سۋدارۋشكا», «ارزۋ», ۇلگىلى حورەوگرافيالىق «سولنىشكو», «كۋرديستان», «نازۋگۋم» انسامبلدەرى, بالالاردىڭ «كوركەم-اي» ونەر-ءتالىم وتاۋى جۇمىس ىستەيدى. «كوركەم-اي» بىلتىر الماتى قالاسىندا وتكەن بالالاردىڭ حالىقارالىق «كينوتاۆريك» بايقاۋىنا قاتىسىپ, ءار نوميناتسيا بويىنشا جەڭىمپاز اتاندى», دەيدى الماتى وبلىستىق قازاقستان حالقى اسسامبلەياسى توراعاسىنىڭ ورىنباسارى, حاتشىلىق مەڭگەرۋشىسى عابيت تۇرسىنباي.
ءومىر قاجەتتىلىگى ءۇشىن وسىدان ەكى جىل بۇرىن بىرلىكتىڭ بەرىكتىگىن ساقتاۋ ماقساتىندا قاراتال اۋدانىنىڭ ورتالىعىنداعى ۇشتوبەلىك جىلىجايدا ۇيىمداستىرىلعان «اۋىل شارۋاشىلىعىنداعى يننوۆاتسيالار» اتتى حالىقارالىق عىلىمي-تاجىريبەلىك سەمينار جۇمىسىنا قازاقستان, رەسەي جانە وڭتۇستىك كورەيا رەسپۋبليكاسىنىڭ عالىمدارى ارنايى كەلىپ قاتىسقان ەدى. ناتيجەسىندە كوكونىستى جىلىجايدا ءوسىرۋدىڭ وڭتۇستىككورەيلىك تەحنولوگياسىن وقىپ-ۇيرەنۋ ورتالىعى اشىلىپ, تۇرعىلىقتى حالىقتى جۇمىسپەن قامتاماسىز ەتىپ, بەرەكەنىڭ ءبىر بۇلاعىن اعىزۋدا.
قازاقستان حالقى اسسامبلەياسىنىڭ «الەۋمەتتىك جاۋاپكەرشىلىك فورۋمىنا» وسى وڭىردەن يندۋستريالىق-يننوۆاتسيالىق جانە الەۋمەتتىك باعىتتاعى 6 جوبا قاتىستى. ءسويتىپ, قازاقستان حالقى اسسامبلەياسى ءتارتىپ, تۇراقتىلىق, ءدىني-ىزگىلىك داستۇرلەردىڭ نەگىزگى ساقتاۋشىسى – ورتا تاپتىڭ مۇددەلەرىن ەسكەرىپ, ونىڭ ودان ءارى قالىپتاسىپ, دامي تۇسۋىنە ىقپال ەتەتىن شارالارعا بەلسەنە اتسالىسۋدا. بۇعان قوسا, حالقىمىزدىڭ ۇلتتىق-مادەني ساباقتاستىعىن ساقتاي وتىرىپ, شاعىن كاسىپكەرلىكتى ىنتالاندىرۋ, بيزنەس وكىلدەرىنىڭ الەۋمەتتىك جاۋاپكەرشىلىگىن ارتتىرۋ, «حالىقتىق ءىرو» مەملەكەتتىك باعدارلاماسىن ءتۇسىندىرۋ جانە باسقا دا بىرقاتار جۇمىستار اتقارىلىپ جاتقانى تاعى بار.
قازاقستاننىڭ ەل بىرلىگى دوكتريناسىنىڭ نەگىزگى قاعيداتتارى ەلباسىمىزدىڭ «قازاقستان-2050» ستراتەگياسىنىڭ تاراۋلارىمەن تىعىز استاسىپ جاتىر. تاربيە, ءبىلىم بەرۋ, مادەنيەت جانە اقپارات سالاسى ارقىلى, ازاماتتىق قوعام ينستيتۋتتارىن جۇمىلدىرۋ ارقىلى كەشەندى شارالار جەتىسۋ جەرىندە دە جۇيەلى تۇردە جۇزەگە اسۋدا. ەل بىرلىگى دوكتريناسىندا ايتىلعان, حالىقتىڭ بىرلىگىن نەگىزدەيتىن ءبىرىنشى قاعيدات «ءبىر حالىق – ءبىر ەل – ءبىر تاعدىر» ۇعىمى ورتاق مۇددەمىزگە جۇمىلدىرۋدا. بارلىق ەلدى مەكەندەردە جەرگىلىكتى اكىم, پوليتسيا ينسپەكتورى, ەتنومادەني بىرلەستىك توراعاسى نەمەسە جەرگىلىكتى بەلسەندى ازاماتتاردان تۇراتىن قوعامدىق كەڭەستەر قۇرىلىپ, تۇرعىلىقتى حالىقپەن ۇزدىكسىز جۇمىس جۇرگىزۋدە. سونىڭ ءبىر دالەلى رەتىندە وبلىس حالقىنىڭ پوليەتنوستىق قۇرامى قالىپتاسۋىن, تۇراقتالۋى مەن دامۋىن زەرتتەۋ ماقساتىندا ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىندە ايماقتىق «يننوۆاتسيا» بايقاۋى اياسىندا «ءبىر ەل – ءبىر تاعدىر: الماتى وبلىسى ەتنوستارىنىڭ دامۋ جانە قۇرىلۋ تاريحى» جوباسىن ايتۋعا بولادى.
دوكتريناداعى ەكىنشى قاعيدات – ەتنوستىق, بولماسا, باسقا دا شىققان تەگىنە, ءدىني ۇستانىمىنا جانە الەۋمەتتىك جاعدايىنا قاراماي, بارلىق ازاماتتارعا تەڭ مۇمكىندىك بەرۋ بولسا, ءۇشىنشى قاعيدات بىرىكتىرۋشى جانە بەكىتۋشى باستاۋ رەتىندە ۇلت رۋحىن نىعايتۋ جانە دامىتۋعا ۇلكەن ءمان بەرىلىپ كەلەدى. بۇل, ەڭ الدىمەن, قازاق ءتىلىنىڭ مەملەكەتتىك ءتىل رەتىندە قولدانىس اياسىن كەڭەيتۋگە قاتىستى ەكەنى انىق. سوندىقتان بەيبىتشىلىك پەن تۇراقتىلىقتىڭ وزدىگىنەن بولا قالمايتىنى بارىمىزگە ايقىن. ول – قوعام مەن مەملەكەتتىڭ كۇندەلىكتى جانە جۇيەلى جۇمىسىنىڭ ناتيجەسى. ونىڭ ىشىندە ەتنومادەني بىرلەستىكتەردىڭ دە ۇلەسى مول.
نۇربول الدىباەۆ,
«ەگەمەن قازاقستان».
الماتى وبلىسى.
