ەندى كەڭ دە جارىق, بارلىق قاجەتتى قۇرالدارمەن جابدىقتالعان زالدا بوكسشىلار عانا ەمەس, بالۋاندار مەن سپورتتىق ويىن تۇرىمەن شۇعىلداناتىن اۋەسقويلار دا وزدەرىنىڭ سۇيىكتى ىسىمەن اينالىسا الادى.
جاڭا زالدىڭ تۇساۋكەسەر ءراسىمى سالتاناتتى تۇردە وتكەننەن كەيىن, 2007-2008 جىلدارى تۋعان بالالار اراسىندا جايرەم كەنتىنىڭ بىرىنشىلىگى ۇيىمداستىرىلدى.
جالپى, جايرەم كەنتىندە سپورتتىڭ بوكس تۇرىنە دەگەن قىزىعۋشىلىق جوعارى. مۇنداعى رىمعالي مۇزدىباەۆ سىندى باپكەردىڭ قاراماعىندا 70-تەن استام بالا جاتتىعادى. جايرەمنەن شىققان بەلگىلى بىلعارى قولعاپ شەبەرلەرى دە جوق ەمەس. مىسالى, ەل قۇراماسىنىڭ مۇشەسى, حالىقارالىق دارەجەدەگى سپورت شەبەرى ۆيولەتتا كنيازەۆا جەرگىلىكتى بوكس ۇيىرمەسىنىڭ تۇلەگى.
