ايماقتار • 03 ماۋسىم، 2019

تۇركىستاندا تۋريستەرگە ارنالعان اۆتوبۋستار اكەلىنەدى

769 رەت كورسەتىلدى

تۇركىستان وبلىسىنىڭ اكىمى ومىرزاق شوكەەۆ پەن قىتايلىق BYD كومپانياسىنىڭ وكىلدەرى اراسىندا تۇركىستان قالاسىندا شوعىرلانعان تاريحي-مادەني ورتالىقتارعا تۋريستەردى تاسىمالداۋ ءۇشىن ەكولوگيالىق تازا كولىك ەندىرۋ ماسەلەسى بويىنشا كەزدەسۋ ءوتتى.

كومپانيا وڭىرگە ۇزىندىعى –12 مەتر، ال سىيىمدىلىعى – 82 جولاۋشى بولاتىن ەكى دەڭگەيلى تۋريستىك ەلەكترلىك اۆتوبۋس جەتكىزەتىن بولدى. بۇل اۆتوبۋستار BYD باتارەيالارى كومەگىمەن جۇمىس ىستەيدى جانە قۋاتى 200 شاقىرىمعا جەتەدى ەكەن. اۆتوبۋستار بيىلعى جىلدىڭ سوڭىنا دەيىن تولىق جەتكىزىلمەك. كەزدەسۋ بارىسىندا وبلىس اكىمى جىل سايىن قاتارى ارتىپ كەلە جاتقان تۋريستەر مەن زياراتشىلارعا جاسالاتىن قولايلى جاعدايدىڭ دا جاقسارۋى قاجەتتىلىگىن ايتتى. وتكەن جىلى تۇركىستان وبلىسىنا 1،5 ملن تۋريست كەلسە، بيىل بۇل كورسەتكىش 1،7 ملن ادامعا جەتەدى دەپ كۇتىلۋدە.

سونداي-اق قوس تاراپ اراسىندا تۇركىستان وبلىسى اۋماعىندا ەلەكترلىك باتارەيالار، كۇن پانەلدەرى جانە ەلەكترلىك اۆتوكولىكتەر مەن اۆتوبۋستار قۇراستىرۋ بويىنشا ءوندىرىس اشۋ جونىندە كەلىسسوزدەر جۇرگىزىلدى. BYD ساراپشىلارى بۇل جوباعا قىزىعۋشىلىق تانىتىپ، نارىق الەۋەتىن زەرتتەيتىن بولدى. ءوز كەزەگىندە، وبلىس باسشىسى قىتايلىق تاراپقا وندىرىسكە قولايلى جاعدايلار جاسالعان ارنايى ەكونوميكالىق ايماق پەن يندۋستريالدى ايماقتاردىڭ بار ەكەندىگىن ايتىپ، ينۆەستورلارعا جان-جاقتى قولداۋ كورسەتىلەتىندىگىن جەتكىزدى.

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

ۇقساس جاڭالىقتار