رۋحانيات • 03 ماۋسىم، 2019

گاۋھار انا

1916 رەت كورسەتىلدى
تۇركىستان قالاسىنان ءوڭتۇس­تىككە قاراي 4 شاقىرىم جەردە ورنالاسقان  گاۋھار انا كەسەنەسىنە كەلۋشىلەر سانى ارتا تۇسۋدە، كورشى ەلدەردەن ءجيى كەلىپ قۇران باعىشتايتىندار كوپ. عۇلاما قوجا احمەت ياساۋي­دىڭ قىزى گاۋھار انا تۋرالى جا­زىلعان اڭىز-اڭگىمەلەردە ەمشىلىك قاسيەتى ەرەكشە جان بولعانى ايتىلادى. ءالى كۇنگە دەيىن كەسەنەسىنىڭ ماڭىندا ەمدىك قاسيەتتەرى بار ارتەزيان سۋى شىعاتىن قۇدىقتار كوپتەپ كەزدەسەدى. كەلۋشىلەردىڭ كوبى دەرتىنە شيپا ىزدەپ، تالاي جاندى ەمدەپ، اۋرۋىنان ايىقتىرعان قاسيەتتى انانىڭ شاراپاتى تيسە دەپ تىلەيدى. ەمشىلەردىڭ ءپىرى سانالاتىن انانىڭ كەسەنەسى بۇگىندە جاڭا كەيىپكە ەنىپ، كورىكتەنە تۇسكەن.

تاريحي ارحيتەكتۋرالىق قۇن­دى ەسكەرتكىشتەردىڭ ءبىرى سانالاتىن گاۋھار انا بەيىتى 1989 جىلدان «ازىرەت سۇلتان» مەملەكەتتىك تاريحي-مادەني قورىق مۇراجايى قاراماعىنا ەنگىزىلىپ، قورعاۋعا الىنعان. ال 2015 جىلى انانىڭ كىشىگىرىم بەيىتىنە «ازىرەت سۇلتان» قورىق-مۋزەيى قايتا كەسەنە تۇرعىزدى. كەسەنە اۋماعى گۇلزارلارمەن اباتتاندىرىلىپ، اعاش كوشەتتەرى وتىرعىزىلعان بولاتىن. تۋريستەر مەن قوناقتارعا جايلى جاعداي جاساۋ بۇگىن دە كۇن تارتىبىندەگى باستى ماسەلەنىڭ ءبىرى. بۇل ورايدا، گاۋھار انانىڭ قابىر جاپقىشى جاڭارتىلىپ، كىلەم مەن قوناقتارعا ارنالعان توسەنىشتەر اۋىستىرىلعان. سونى­مەن قاتار، كەسەنە مەن قۇدىق سۋى­نا اپاراتىن اياق جول بويىنا ارنايى قۇمىرالار ورناتىلىپ، گۇلدەر قوندىرىلعان، اۋلا تاس­تاردان تازارتىلعان.  «بىلتىرعى جىلى كەسەنەگە كەلۋشىلەرگە ارنالعان اۆتوتۇراق سالىنىپ، اينالاسى تەمىر شارباقپەن قورشالدى. قاۋىپسىزدىكتى ساقتاۋ ماقساتىندا بەينەكامەرالار ورناتىلدى. بيىل اتالعان كەسەنە اۋماعىندا اباتتاندىرۋ جۇمىستارىن جۇرگىزۋ قارقىندى تۇردە جالعاسۋدا»، دەيدى گاۋھار انا كەسەنەسىنىڭ قورىقشىسى ورازعالي ساپارباەۆ. 

الىس-جاقىننان اعىلاتىن تۋريستەردىڭ لەگى كوپ بولعاندىق­تان زاماناۋي تالاپقا ساي قىز­مەت كورسەتۋ ورىندارى قاراس­تىرىلىپ، كەسەنە تۋرالى ءۇش تىلدە جازىلعان اقپاراتتىق تاقتايشا ورناتىلىپتى. سونداي-اق كەسەنە ماڭىنا مادەنيەت جانە سپورت مينيسترلىگىنىڭ قولداۋىمەن ساپار ورتالىعىن سالىپ، تۋريستەر ءۇشىن رۋحاني مەكەنگە اينالدىرۋ كوزدەلۋدە.


تۇركىستان وبلىسى
سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار