ءبارىمىزدى بەيبىتشىلىككە بولەگەن
سەنبى, 27 ءساۋىر 2013 2:23
مەن كوپ بالالى انامىن. جۇبايىم جۇپارحان ەكەۋىمىز 7 بالا تاربيەلەپ ءوسىرىپ, ۇلىمىزدى ۇياعا, قىزىمىزدى قياعا قوندىرىپ, 14 نەمەرە-جيەننىڭ قىزىعىن كورىپ وتىرعان جايىمىز بار. مۇنىڭ ءبارى – قازاقستاندى مەكەن ەتكەن ەتنوستاردىڭ تاتۋلىعىنىڭ ارقاسى. باقتان قايدا باراسىڭ دەپ سۇراعاندا ىنتىماققا بارامىن دەپ جاۋاپ بەرگەن ەكەن. ىرگەسى مىقتى ەلدىڭ ءتۇتىنى ءتۇزۋ ۇشادى, ىرىسى ورتايمايدى, شاڭىراعى شايقالمايدى. قازاقستان حالقى اسسامبلەياسىنىڭ مەرەيتويلىق سەسسياسىنان وسىنى ۇقتىم. ەلدىگىمىزدىڭ, مەملەكەتتىلىگىمىزدىڭ بەرىكتىگى تەگى باسقا بولعانمەن تەڭدىگى ءبىر, قانى بولەك بولعانمەن جانى ءبىر قازاقستاندىقتاردىڭ جاراستى بىرلىگىمەن, جانكەشتى تىرلىگىمەن ولشەنەتىنىن تاعى ءبىر ايعاقتاپ بەردى.
سەنبى, 27 ءساۋىر 2013 2:23
مەن كوپ بالالى انامىن. جۇبايىم جۇپارحان ەكەۋىمىز 7 بالا تاربيەلەپ ءوسىرىپ, ۇلىمىزدى ۇياعا, قىزىمىزدى قياعا قوندىرىپ, 14 نەمەرە-جيەننىڭ قىزىعىن كورىپ وتىرعان جايىمىز بار. مۇنىڭ ءبارى – قازاقستاندى مەكەن ەتكەن ەتنوستاردىڭ تاتۋلىعىنىڭ ارقاسى. باقتان قايدا باراسىڭ دەپ سۇراعاندا ىنتىماققا بارامىن دەپ جاۋاپ بەرگەن ەكەن. ىرگەسى مىقتى ەلدىڭ ءتۇتىنى ءتۇزۋ ۇشادى, ىرىسى ورتايمايدى, شاڭىراعى شايقالمايدى. قازاقستان حالقى اسسامبلەياسىنىڭ مەرەيتويلىق سەسسياسىنان وسىنى ۇقتىم. ەلدىگىمىزدىڭ, مەملەكەتتىلىگىمىزدىڭ بەرىكتىگى تەگى باسقا بولعانمەن تەڭدىگى ءبىر, قانى بولەك بولعانمەن جانى ءبىر قازاقستاندىقتاردىڭ جاراستى بىرلىگىمەن, جانكەشتى تىرلىگىمەن ولشەنەتىنىن تاعى ءبىر ايعاقتاپ بەردى.
وزگەلەر سەكىلدى مەن دە ەلباسىمىزدىڭ ۇلتارالىق تاتۋلىق ماسەلەسىندەگى شەشىمدەرى مەن سىندارلى قادامدارىنا اركەز ءتانتىمىن. قحا-نىڭ حح سەسسياسىندا سويلەگەن سوزىندە ايتىلعان ۇسىنىستار قالىڭ جۇرتشىلىق تاراپىنان قىزۋ قولداۋ تابارى ءسوزسىز. «تاتۋلىق پەن تۇراقتىلىق ەل يەسى رەتىندە ەڭ الدىمەن قازاققا كەرەك. قازاقتىڭ ىنتىماعى مەن بىرلىگى مىقتى بولمايىنشا, مەملەكەتتىڭ تۇتاستىق كەلبەتىن ساقتاۋ مۇمكىن ەمەس», دەگەن ساليقالى ويلارىن ءوز اعايىندارىمىز ەستە ۇستاعاندارى ابزال.
«باسقا ەلدە سۇلتان بولعانشا ءوز ەلىڭدە ۇلتان بول» دەگەن ءسوزدىڭ, قوي ۇستىنە بوزتورعاي جۇمىرتقالاعان مامىراجاي تىنىشتىقتىڭ, ورتاق تۇسىنىستىكتىڭ قادىر-قاسيەتىن اتا-بابا قونىسىنا كوشىپ كەلگەننەن كەيىن ءتۇسىندىم دەسەم, اسىرا ايتپاعانىم بولار. وزگەلەر سەكىلدى ءبىز دە قازاقستاننىڭ تاۋەلسىزدىگىن اسىعا كۇتتىك. ءوز الدىنا مەملەكەت بولعاننان كەيىن قالعان عۇمىرىمىزدى تۋعان ەلدىڭ جەلمەن جارىسا جەلبىرەگەن كوك بايراعىنىڭ استىندا وتكىزۋدى ءجون كوردىك. الدىمەن شاڭىراقتىڭ كەنجەسى جارقىن كوشىپ كەلدى. ونىڭ سوڭىنان تايلى-تۇياعىمىزبەن باسقالارىمىز ىلەستىك. اتامەكەنىمىز قۇشاعىن جايا قارسى الدى. سىرتتان كەلگەن اعايىندارعا ارناپ سالعان بايتەرەك اۋىلىنان باسپانا بەرىلدى.
قازاقستاننىڭ ازاماتتىعىن العاندا قۋانىشىمىزدا شەك بولمادى. جارقىنىم ۇيلەنىپ, جەكە وتاۋ ەتىپ شىعاردىق. قازاقستاندا تۋعان العاشقى نەمەرەمە ىرىمداپ سۇلتان ەسىمىن قويدىق. ەشكىمگە سالماق سالعان جوقپىز. مال-قۇس ۇستايمىز. ىسمەرلىكپەن, قولونەرمەن اينالىسامىز. مۇنى تاپتىشتەي ايتىپ وتىرعانىم, پرەزيدەنتىمىز جەر-دۇنيەگە تارىداي شاشىلعان اعايىننىڭ باسىن قوسۋ ماقساتىمەن ارنايى باعدارلاما قابىلداماسا, وسىنداي ۇلى ارمانىمىز ورىندالار ما ەدى؟ ءشۇبالىمىن. «اشتىقتا جەگەن قۇيقانىڭ ءدامى اۋىزدان كەتپەس» دەگەن. جات جەردە كوپ ءجۇرىپ, تۋعان وتانمەن جىلاپ قاۋىشقان ءبىز ءۇشىن بەيبىت ءومىر ايرىقشا قىمبات, وتە قاستەرلى. حالقىمىزدىڭ سۇتتەي ۇيىپ, داۋلەتىنىڭ تاسىپ وتىرعانى – ۇلتتىق كەمەل ساياساتتىڭ ارقاسى.
ءبىر شاڭىراق استىندا بىرلىك-بەرەكەمىز جاراسىپ, ءبىر اۋىل-ءبىر قاۋىم بولىپ ءومىر سۇرگەنگە ەشتەڭە جەتپەيدى!
ءۋازيرا شۇعايىپ,
كوپ بالالى انا,
«التىن القا» يەگەرى.
سولتۇستىك قازاقستان وبلىسى,
قىزىلجار اۋدانى,
بايتەرەك اۋىلى.
