«تاڭەرتەڭنەن باستاپ ەلوردامىزدا اۋىزشا ەسەپتەۋ باعدارلاماسى بويىنشا ەۋرازيالىق زياتكەرلىك وليمپياداسى وتكىزىلدى. 9 ەلدەن جينالعان 939 بالا التى مينۋتتا ارقايسىسى ون قيىن ماتەماتيكالىق ماتريتسانى ويشا ەسەپتەپ, الەمدىك رەكورد ورناتتى. ودان كەيىن, قازاق ەلى الاڭىندا سەگىز مىڭنان اسا كوللەدج بەن مەكتەپ وقۋشىلارى مۋزىكالىق وركەسترلەر مەن انسامبلدەردىڭ اۋقىمدى شەرۋىنە قاتىستى», دەدى ەلوردا اكىمى باقىت سۇلتانوۆ.
ونىڭ ايتۋىنشا, رەسپۋبليكالىق «جۇلدىزاي» فەستيۆالى مىڭداعان بالانىڭ كوڭىلىن كوتەرىپ, اتا-انالاردىڭ جۇرەگىن ەلجىرەتتى.
«Nur-Sultan Ethno Fest» ءىرى ەتنومادەني مەرەكەسىن تاماشالاۋعا كەلگەن تۇرعىندار مەن قالا قوناقتارىنىڭ سانى ودان دا كوپ. ولار ءۇشىن اتتا وتىرىپ ساداق اتۋدان 15 ەلدەن كەلگەن ساداقشىلاردىڭ قاتىسۋىمەن l «التىن جەبە» الەم چەمپيوناتى وتەدى. اتالعان ءتورت شارادا ەڭ الدىمەن, مۇمكىندىگى شەكتەۋلى بالالاردى بەلسەندى قاتىستىرۋعا تىرىستىق. ولار باسقالارمەن تەڭدەي ونەرلەرىن كورسەتىپ, بارشامىزدى ءتانتى ەتتى. ينكليۋزيا ءبىزدىڭ باستى باعىتىمىز بولۋى ءتيىس. ويتكەنى اشىق اسپان, وتانىمىز, ەلوردامىز بارىمىزگە ورتاق. سوندىقتان جاسالىپ وتىرعان جاعداي دا بارلىعىمىزعا بىردەي بولۋى قاجەت», دەدى قالا اكىمى.
تۇركىستان وبلىسى ۇيىمداستىرعان جارمەڭكەگە 15 مىڭنان استام ادام كەلدى. بازارداعىدان 15% ارزان ءارى پايدالى كوكونىس, جەمىس-جيدەكتەر جازدىڭ العاشقى كۇنىندە تۇرعىندارىمىزعا جاقسى سىيلىق بولدى. قالاداعى بارلىق ساياباقتار مەن قوعامدىق ورىنداردا بالالاردىڭ قاتىسۋىمەن ءتۇرلى فەستيۆالدەر مەن شىعارماشىلىق كونتسەرتتەر وتۋدە. بۇلدىرشىندەر ءۇشىن ءوتىپ جاتقان ءىس-شارالار مەن قوعامدىق كولىكتە ءجۇرۋ تەگىن.
«ودان باسقا, مەنى ەرەكشە تاڭ قىلدىرعان Comic Con فەستيۆالى بولدى. ونىڭ جاستار اراسىنداعى تانىمالدىعىن وسى ۋاقىتقا دەيىن بىلمەپپىن. اكىمدىك پەن ەكسپو ۇلتتىق كومپانياسى قولداعان شارانى كورۋگە ءبىر جارىم كۇندە 25 مىڭ ادام (مەكتەپكە بارمايتىن بۇلدىرشىندەردى ساناماعاندا) كەلدى. ال, ءبىز 3 كۇندە بارلىعى 25-28 مىڭ ازامات كەلەدى دەپ جوسپارلاعان ەدىك. ءدال وسىنداي قىزىعۋشىلىق بولسا, نۇر-سۇلتاندا وسىنداي فەستيۆالدى ءداستۇرلى تۇردە وتكىزۋ قاجەت دەپ ويلايمىن», دەدى ب.سۇلتانوۆ.
