جالپى, اۋدان بويىنشا 12 اۋىلدىق اۋماقتى قۇرايتىن 27 اۋىلدا 12 420 ادام قالىپتى. وڭىردە حالىق سانى كوبەيمەي تۇرعان بۇل اۋداندا قازىر تۋ كورسەتكىشى دە تومەندەپ كەتكەن.
ال نەكەگە تۇرۋشىلارعا قاراعاندا اجىراسقانداردىڭ سانى ازايماي تۇر.
سوندىقتان, ءازىلحان ابەۋوۆ باسقاراتىن اۋدان اكىمدىگىنە الداعى ۋاقىتتا اۋداننىڭ دەموگرافيالىق احۋالىنا كوڭىل ءبولۋ كەرەكتىگى تاپسىرىلدى.
سونىمەن قاتار بيىلعى جىلدىڭ 4 ايىنىڭ كورسەتكىشى بويىنشا ينۆەستيتسيا تارتۋ جۇمىسى 30 پايىزعا, قۇرىلىس سالاسى 51 پايىزعا تومەندەگەن.
ەلىمىزدەگى «اۋىل – ەل بەسىگى» باعدارلاماسى ارقىلى حالقى از قالعان شاعىن اۋىلداردىڭ جاعدايىن جاساپ, ماسەلەسىن جاقسارتىپ الۋعا بولادى.
جەرگىلىكتى كاسىپكەرلەر اۋىلعا بەت بۇرسا, باستاما جولعا تۇسەدى.
- ال اۋىلداعى باستى پروبلەما – تۇرعىنداردىڭ مەملەكەتتىك باعدارلامالاردى پايدالانا الماۋىندا. مەملەكەتتىڭ جەكە كاسىپكەرلەردى قولداۋ ماقساتىندا بەرىپ جاتقان كومەگىن حالىققا جەتكىزۋ كەرەك. ول ءۇشىن بارلىق اۋىل اكىمدەرىن وسى بيزنەس باعىتىنداعى ترەنينگتەرگە جىبەرىپ, باسقا وڭىرلەرمەن تاجىريبە الماسۋلارى قاجەت, - دەدى بولات باقاۋوۆ.
ارينە, قازىر اۋىل تۇرعىندارىنىڭ قالالارعا كوشۋىن, ۋربانيزاتسيا پروتسەسىن تەجەۋ مۇمكىن ەمەس.
ال حالىق اۋىلدا تۇراقتى قالۋ ءۇشىن, جۇمىس ورىندارىن اشىپ, ينفراقۇرىلىمدى دامىتىپ, اۋىل شارۋاشىلىعى ونىمدەرىن وڭدەۋگە دە كوڭىل بولىنسە عانا ناتيجەلى بولادى.
