اسكەري قىزمەتشىلەر ءۇشىن اسكەري سالتتار ەرەكشە ماقتانىش تۋعىزادى. وسى كۇندەرى, اسكەري سالتتاردىڭ ءبىرى «باتىس» وڭىرلىك قولباسشىلىعىنىڭ بارلىق اسكەري بولىمدەرىندە وتكىزىلىپ, ءتۇرلى لاۋازىمداعى جاۋىنگەرلەرگە جەكە قارۋ مەن اسكەري تەحنيكالار سەنىپ تاپسىرىلدى. بۇل شارا اسكەريلەردى ءوز قارۋىن ۇقىپتى ۇستاۋعا, سۇيۋگە جانە جاۋاپتى بولۋعا باۋليدى.
قاۋىپسىزدىك ەرەجەلەرىن جەتكىزۋ بويىنشا كەشەندىك ساباققا اقتاۋ, اتىراۋ جانە اقتوبە گارنيزوندارىنىڭ بارلىق اسكەري قىزمەتشىلەرى قاتىستى. ولار ءۇشىن ارنايى 13 وقۋ ورنى ازىرلەندى. بۇل ءىس-شارانىڭ باستى ماقساتى – جەكە قۇرامعا قاۋىپسىزدىك ەرەجەلەرىن جەتكىزىپ, ءورت جاعدايلارى مەن كۇندەلىكتى تىرشىلىكتەگى جاراقاتتانۋ جاعدايلارىن بولدىرماۋ, ولار ورىن العان جاعدايدا قاجەتتى ءىس-شارالاردى بولدىرماۋ, جاۋىنگەرلىك دايارلىق, قۇرىلىس, قىزمەت كورسەتۋ جانە پاركتىك-شاراۋشىلىق جۇمىستارى كەزىندە بولۋى مۇمكىن ءتۇرلى فاكتورلاردى ەسكەرتۋ بولىپ تابىلادى.
«باتىس» وڭىرلىك قولباسشىلىعىنىڭ ماتەريالدىق-تەحنيكالىق قامتاماسىز ەتۋ ورتالىعىنىڭ شتاب باستىعى پودپولكوۆنيك رۋسلان كۋباشەۆتىڭ ايتۋىنشا, بۇگىنگى كۇنى وڭىرلىك قولباسشىلىقتىڭ بارلىق اسكەري بولىمدەرى جازعى وقۋ كەزەڭىنە تولىقتاي دايىن. بارلىق اسكەري تەحنيكالار جازعى پايدالانۋ جاعدايىنا كەلتىرىلدى, قۇجاتتاما جانە وقۋ-ماتەريالدىق بازا ءازىر, سونداي-اق اسكەري پوليگوندار قاۋىپتى جارىلعىش زاتتاردان تازارتىلىپ, كەز-كەلگەن جيىلىكتەگى وقۋ-جاتتىعۋلاردى وتكىزۋگە دايىن. اسكەري ءبولىمنىڭ قاجەت دەڭگەيىندەگى قورلارى قالپىنا كەلتىرىلگەن.
2019 جىل قارۋلى كۇشتەرىمىزدە «رۋحاني جاڭعىرۋ – جاۋىنگەرلىك رۋح تىرەگى» ۇرانىمەن وتۋدە, ال جازعى وقۋ كەزەڭى 3 ماۋسىم كۇنى باستالاتىن بولادى.
