ءىس-شاراعا سىرتقى ىستەر مينيسترلىگى ينۆەستيتسيالار كوميتەتىنىڭ توراعاسى باقىت باتىرشاەۆ باستاعان دەلەگاتسيا قاتىستى. ونىڭ قۇرامىنا شىمكەنت قالاسىنىڭ اكىمدىگى, «Kazakh Invest» ۇلتتىق كومپانياسى, «استانا» حالىقارالىق قارجى ورتالىعى (احقو), «جولاۋشىلار تاسىمالى» اق مەن قازاقستان فەرمەرلەر وداعىنىڭ وكىلدەرى كىرگەن بولاتىن.
شۆەيتساريا تاراپىنان بانك جانە قارجىلىق قىزمەت, كونسالتينگ, فارماتسەۆتيكا, ماشينا جاساۋ, حيميا ونەركاسىبى, قۇرىلىس, اكت, كولىك جانە لوگيستيكا سالاسىنداعى 40-تان استام كومپانيا وكىلدەرى قاتىستى.
كەزدەسۋگە قاتىسۋشىلار قازاقستاننىڭ ءارتۇرلى سالالارداعى ينۆەستيتسيالىق مۇمكىندىكتەرى تۋرالى, شەتەلدىك ينۆەستيتسيالاردى تارتۋدا قازاقستان ۇكىمەتىنىڭ جاڭا ءىس-شارالارى تۋرالى حاباردار ەتىلدى. قازاقستاندىق تاۋ-كەن, حيميا, مۇناي-حيميا, ازىق-ت ۇلىك جانە باسقا سالالار, سونداي-اق ونىڭ دامىپ كەلە جاتقان ترانزيتتىك الەۋەتى شۆەيتساريا كومپانيالارىنىڭ قىزىعۋشىلىعىن تۋدىردى. قارجى جانە بانك قۇرىلىمدارى احقو-نىڭ قىزمەتىنە ەرەكشە قىزىعۋشىلىق ءبىلدىردى.
قازىرگى تاڭدا قازاقستاندا Glencore, Philipp Morris, ABB, Rieter, Schindler, Bühler, Leica, Nestlé, Roche, Novartis, Syngenta, Ammann Group سياقتى 40-قا جۋىق شۆەيتساريالىق كومپانيا جۇمىس ىستەيدى.
2005 جىلدان 2018 جىلعا دەيىنگى شۆەيتساريادان قازاقستانعا تارتىلعان ينۆەستيتسيالاردىڭ جالپى كولەمى 23,2 ملرد اقش دوللارىن قۇرادى. 2018 جىلى تارتىلعان تىكەلەي ينۆەستيتسيا كولەمى 2,5 ملرد اقش دوللارىن قۇراپ, 2018 جىلى ەكىجاقتى ساۋدا كولەمى 3 ملرد دوللارعا جەتتى.
شۆەيتساريا قازاقستاننىڭ ەو, رەسەي, يتاليا, قىتاي, نيدەرلاند جانە فرانتسيادان كەيىنگى التىنشى ءىرى ساۋدا ارىپتەسى بولىپ تابىلادى.
دوڭگەلەك ۇستەل بارىسىندا قازاقستاندا جۇمىس ىستەيتىن شۆەيتساريالىق كومپانيالار ءىس-شاراعا قاتىسۋشىلارعا وزدەرىنىڭ وڭ تاجىريبەسىن كورسەتتى.
قازاقستاندىق دەلەگاتسيا جۇمىس ساپارى بارىسىندا ينۆەستيتسيالىق ىنتىماقتاستىقتى تالقىلاۋ ماقساتىمەن Swissport International Ltd., Burkhard Compression جانە Stadler Rail CIS (شتادلەر تمد) كومپانيالارى وكىلدەرىمەن كەزدەسۋلەر وتكىزدى.
