كوبىنەسە جاس ادامداردا 20 جانە 50 جاس ارالىعىندا پايدا بولىپ ولاردىڭ الەۋمەتتىك جانە كاسىبي بەلسەندىلىگىن تومەندەتەتىن اۋرۋ مۇگەدەكتىككە دە الىپ كەلەدى. شارشاڭقىلىق, ۇمىتشاقتىق, باستىڭ اينالۋى, ساۋساق ۇشتارىنىڭ جانسىزدانۋى, بۇلشىق ەتتەردىڭ اۋرۋى, تالتىرەكتەپ ءجۇرۋ سەكىلدى ءالسىز بىلىنەتىن بەلگىلەر – كۇردەلى نەۆرولوگيالىق اۋرۋدىڭ سيمپتومدارى بولۋى مۇمكىن.
«بۇگىنگى تاڭدا زاماناۋي مەديتسينا شس شالدىققان پاتسيەنتتەرگە اۋرۋدىڭ ءورشۋىن
توقتاتىپ, سيمپتومدارىن جەڭىلدەتەتىن ەمدى ۇسىنا الادى, ال بالامالى ەمدەۋ
ادىستەرى, ءدارى-دارمەكتەرمەن جاسالاتىن
فارماكوتەراپيا ولاردىڭ ءومىر ءسۇرۋ ساپاسىن جاقسارتۋعا مۇمكىندىك بەرەدى. شاشىراڭقى
سكلەروزدى تولىق ەمدەۋ مۇمكىن ەمەس, دەگەنمەن ۋاقىتىلى جاسالعان دياگنوستيكا,
دۇرىس تاعايىندالعان ەم جانە اۋرۋدى كەشەندى باسقارۋ ءادىسى پاتسيەنتتەرگە
تولىققاندى ءومىر سۇرۋگە كومەكتەسەدى», - دەيدى نۇرسۇلتان قالاسى دەنساۋلىق ساقتاۋ
باسقارماسىنىڭ باس نەۆرولوگى, جوعارعى ساناتتى دارىگەر, مەديتسينا عىلىمدارىنىڭ
دوكتورى باعىجان سىزدىقوۆا. ال وسى
دەرتپەن كۇرەستە سەنىمدى سەرىكتەس رەتىندە كورىنىپ جۇرگەن سانوفي كومپانياسى ون جىلدان استام ۋاقىت بويى شاشىراڭقى سكلەروزدى
(شس) ەمدەۋ ءۇشىن جاڭا تەراپيالىق شەشىمدەر تابۋدا. بۇگىنگى تاڭدا كومپانيا شس
شالدىققان پاتسيەنتتەرگە ارنالعان ەكى يننوۆاتسيالىق ءدارى-دارمەك تىركەگەن, وعان
قوسا, قازىر بىرنەشە تەراپيالىق شەشىم ءوندىرىلۋ ۇستىندە», دەدى سانوفي قازاقستان باسقارما توراعاسى رانگا
ۆەلاراتنە.
ايتا كەتكەن ءجون بۇل اۋرۋعا ەرلەرگە قاراعاندا ايەل ادامدار جيىرەك شالدىعادى ەكەن.
