ايەلدىڭ باستى باقىتى
بەيسەنبى, 18 ءساۋىر 2013 2:20
مەن بەس بالانى ومىرگە كەلتىرىپ, تاربيەلەپ-وسىرۋىمە بايلانىستى زەينەت جاسىنا بۇدان ەكى جىل بۇرىن – 53 جاسىمدا شىققان بولاتىنمىن. ءار نارسەگە دە قاناعات كەرەك. ماعان تاعايىندالعان زەينەتاقى مولشەرىن قاناعات تۇتا الامىن. ايتايىن دەگەنىم, وسىنداي جاستا زەينەتاقىعا ەرتە شىعۋ قۇقىعى جاڭا زاڭ تارماقتارىندا بۇرىنعىشا ساقتالىپ قالا بەرەتىنى – بولاشاقتا كوبەيىپ, ءوسىپ-ونۋىمىزگە جاعىمدى اسەر ەتەدى دەپ ويلايمىن.
بەيسەنبى, 18 ءساۋىر 2013 2:20
مەن بەس بالانى ومىرگە كەلتىرىپ, تاربيەلەپ-وسىرۋىمە بايلانىستى زەينەت جاسىنا بۇدان ەكى جىل بۇرىن – 53 جاسىمدا شىققان بولاتىنمىن. ءار نارسەگە دە قاناعات كەرەك. ماعان تاعايىندالعان زەينەتاقى مولشەرىن قاناعات تۇتا الامىن. ايتايىن دەگەنىم, وسىنداي جاستا زەينەتاقىعا ەرتە شىعۋ قۇقىعى جاڭا زاڭ تارماقتارىندا بۇرىنعىشا ساقتالىپ قالا بەرەتىنى – بولاشاقتا كوبەيىپ, ءوسىپ-ونۋىمىزگە جاعىمدى اسەر ەتەدى دەپ ويلايمىن.
ءبىز – اۋماعى ۇلكەن, حالقىنىڭ سانى از مەملەكەتپىز. سوندىقتان كوبەيمەسەك كوسەگەمىزدىڭ كوگەرمەيتىنى دە انىق. ەلباسى نۇرسۇلتان نازارباەۆتىڭ مەملەكەتىمىزدەگى دەموگرافيالىق ساياساتتى تەرەڭدەتۋگە قاتىستى ايتقان «قازاقستانداعى حالىق سانىنىڭ ءوسىمىن ءار وتباسىنداعى ءتورتىنشى ءسابي قۇراي الادى. سوندىقتان ءبىز ءتورت بالالى انالاردى قولداۋعا باعىت ۇستانۋىمىز كەرەك», دەگەن ءسوزى ءالى كۇنگە دەيىن قۇلاعىمدا جاڭعىرىپ تۇرعانداي. سوندىقتان بولاشاقتا ءتورت بالالى وتباسىلاردى مەملەكەت تاراپىنان قولداۋ تەتىكتەرى ويلاستىرىلادى دەگەن سەنىمدەمىن.
پارلامەنت ءماجىلىسى ماقۇلداعان جاڭا زاڭدا ايەلدەردىڭ زەينەت جاسى وسىرىلگەن. مۇنىڭ ءوزى قوعامدا كەي جاعدايدا ءارتۇرلى پىكىر تۋعىزعانىمەن, بۇل وزگەرىس كوزدى اشىپ-جۇمعانداي ءبىر ساتتە بولا قالمايتىنىن سىڭلىلەرىمىز بەن قىز-كەلىندەرىمىز ەسكەرگەنى ءجون. ياعني, بۇل ءۇردىس الداعى 2014 جىلدان باستاپ ەسەپتەگەندە, تابانى كۇرەكتەي 10 جىل ۋاقىتقا لايىقتالعان. دەمەك, زەينەتكە شىعۋ جاسىن ساتىلاپ ءوسىرۋ ايتا قالارلىقتاي الەۋمەتتىك قيىندىق تۋعىزا قويماسى كامىل.
مەملەكەتتەگى زەينەتاقى جۇيەسىن ودان ءارى جاقسارتۋ جونىندەگى قادامدار, ەڭ الدىمەن, زەينەتاقى مولشەرىن ءوسىرۋ مەن ۇلعايتۋ ماقساتىنان باستاۋ الىپ وتىرعانىن كوپشىلىگىمىز تەرەڭ سەزىنە بەرمەيتىن سياقتىمىز. وسى ارالىقتا ايەل ادامدار جيناقتاۋشى زەينەتاقى جۇيەسىنە قاتىسۋ ءوتىلىن ۇزارتا الادى ەكەن. سونىمەن ءبىر مەزگىلدە, زەينەتاقى جيناقتارىنىڭ كولەمى دە وسەتىنى بەلگىلى بولىپ وتىر.
كوپ بالالى انا رەتىندە ايتارىم, بەس جانە ودان دا كوپ بالا تاۋىپ, زەينەت جاسىنا ەرتەرەك شىعۋ – ايەلدىڭ باستى باقىتى. مەنىڭ ويىمشا, ايەل زاتىنىڭ باستى ادامي مۇراتى – ۇرپاق ءوسىرۋ, ونىڭ قىزىعىن كورۋ. ەندەشە, 53 جاستا زەينەت دەمالىسىنا شىعىپ, نەمەرە ءسۇيىپ, اجە اتانىپ, ولاردىڭ ماڭدايلارىنان يىسكەپ وتىرعانعا نە جەتسىن! مەن ءومىردىڭ باستى باقىتى وسى دەپ ويلايمىن.
اسىلعانىم لەنوۆا,
كوپ بالالى انا.
باتىس قازاقستان وبلىسى,
كازتالوۆ اۋدانى.
