شاراپاتى تيەر شارا
بەيسەنبى, 18 ءساۋىر 2013 2:19
بانك سالاسىنىڭ بايىرعى مامانى رەتىندە بۇل كۇندە زەينەتاقى جۇيەسىن جاڭعىرتۋعا باعىتتالعان شارالار نازارىمنان تىس قالىپ وتىرعان جوق. وسى ورايدا ارقيلى پىكىرلەر بىلدىرىلۋىنە بايلانىستى اتالعان ماسەلەنىڭ جۇرت كوڭىلىن قاتتى تولعانتۋى سەبەپتەرىن تۇسىنەمىن. زەينەت جاسىنا جەتكەنىندە كۇندەلىكتى تۇرمىسقا مۇقتاجىن وتەي الاتىنداي جاعدايى بولۋى ءبارىنىڭ دە باستى تىلەۋى ەكەنى انىق. مەنىڭشە, ۇكىمەتتىڭ وسى ماقساتتى كوزدەگەن قادامى ورىندى دەپ ويلايمىن. نەگە دەسەڭىز, ءومىر ءسۇرۋ دەڭگەيى جىلدان-جىلعا جاقسارۋ ۇستىندە, كىمدە-كىم سول قاتاردان قالعىسى كەلمەيدى, بۇل ءۇشىن الدىمەن جىلدار بويى جيناقتالعان زەينەتاقى كولەمى جەتكىلىكتى بولۋى قاجەت. سوندىقتان وسىعان سەپتىگىن تيگىزەتىن شارالار كۇن تارتىبىنە مەزگىلىندە قويىلىپ وتىر دەۋگە بولادى.
بەيسەنبى, 18 ءساۋىر 2013 2:19
بانك سالاسىنىڭ بايىرعى مامانى رەتىندە بۇل كۇندە زەينەتاقى جۇيەسىن جاڭعىرتۋعا باعىتتالعان شارالار نازارىمنان تىس قالىپ وتىرعان جوق. وسى ورايدا ارقيلى پىكىرلەر بىلدىرىلۋىنە بايلانىستى اتالعان ماسەلەنىڭ جۇرت كوڭىلىن قاتتى تولعانتۋى سەبەپتەرىن تۇسىنەمىن. زەينەت جاسىنا جەتكەنىندە كۇندەلىكتى تۇرمىسقا مۇقتاجىن وتەي الاتىنداي جاعدايى بولۋى ءبارىنىڭ دە باستى تىلەۋى ەكەنى انىق. مەنىڭشە, ۇكىمەتتىڭ وسى ماقساتتى كوزدەگەن قادامى ورىندى دەپ ويلايمىن. نەگە دەسەڭىز, ءومىر ءسۇرۋ دەڭگەيى جىلدان-جىلعا جاقسارۋ ۇستىندە, كىمدە-كىم سول قاتاردان قالعىسى كەلمەيدى, بۇل ءۇشىن الدىمەن جىلدار بويى جيناقتالعان زەينەتاقى كولەمى جەتكىلىكتى بولۋى قاجەت. سوندىقتان وسىعان سەپتىگىن تيگىزەتىن شارالار كۇن تارتىبىنە مەزگىلىندە قويىلىپ وتىر دەۋگە بولادى.
ال شىندىعىنا كەلگەندە, قالاي بولعاندا دا الدان شىقپاي تۇرماس بۇل ماسەلەنىڭ ەلدىڭ ءال-قۋاتى كەمەلدەنىپ, نىعايۋى كەزىندە شەشىلۋى دە ءجون كورىلەدى. ۇدەمەلى يندۋستريالىق- يننوۆاتسيالىق دامۋ باعدارلاماسى بويىنشا ءىرى جوبالار ىسكە اسىرىلۋ, جاڭا جۇمىس ورىندارى اشىلۋ, شاعىن جانە ورتا كاسىپكەرلىك بەلسەندىلىگى كۇشەيۋ, جاس ادامداردىڭ ارمان-ماقساتتارىنا جارقىن كەلەشەك جاسالۋ ۇستىندە. ەلدىڭ ودان سايىن ءوسۋ-وركەندەۋ جولى ايقىن جاعدايدا ەڭبەككە ىنتالى قاي ادامنىڭ دا زەينەتاقى جيناقتاۋ كولەمىن ارتتىرۋىنا مۇمكىندىگى بارى ءسوزسىز. بۇعان قوسا, مەملەكەت قولداۋى كورسەتىلەر بولسا, زەينەتاقى جۇيەسىن جاڭعىرتۋ كوپ كوڭىلىنەن شىعارىنا ءۇمىت زور.
مۇنداي شارانىڭ قاي ەلدە دە ۇلكەن قيىندىقپەن جۇزەگە اسىرىلۋىن بىلەمىز. «وتكەل وتسەڭ بۇرىن ءوت, ارتتا قالساڭ جول تايعاق» دەيدى ەمەس پە, حالىق. نەنىڭ دە ۋاقىتىندا اتقارىلعانى دۇرىس قوي.
قاناپيا ابىلەۆ, بانك قىزمەتىنىڭ ۇزدىگى, زەينەتكەر.
قاراعاندى.
