بۇل – ادامدى شيراتا تۇسەتىن قادام
بەيسەنبى, 18 ءساۋىر 2013 2:18
ايەلدەردىڭ زەينەت جاسىن ۇلعايتۋ, بىرىنشىدەن, ەڭبەك ەتىپ جۇرگەن ادامدى شيراتا تۇسەتىن قادام دەپ سانايمىن. ولاي دەيتىنىم, كەشە عانا ەڭبەك ەتىپ, ءوزىن شاما-شارقىنشا كۇتىپ جۇرگەن جاندار زەينەتكەرلىككە شىعىسىمەن كۇرت شاۋ تارتىپ كەتەتىندىگىن كۇندەلىكتى ومىردە كورىپ ءجۇرمىز. ەكىنشىدەن, تۇراقتى ەڭبەكاقى تولەنەدى. بۇل – كۇندەلىكتى ومىردە ناقتىلى ارەكەتتى جوسپارلاۋعا مەملەكەتتىك كەپىل.
بەيسەنبى, 18 ءساۋىر 2013 2:18
ايەلدەردىڭ زەينەت جاسىن ۇلعايتۋ, بىرىنشىدەن, ەڭبەك ەتىپ جۇرگەن ادامدى شيراتا تۇسەتىن قادام دەپ سانايمىن. ولاي دەيتىنىم, كەشە عانا ەڭبەك ەتىپ, ءوزىن شاما-شارقىنشا كۇتىپ جۇرگەن جاندار زەينەتكەرلىككە شىعىسىمەن كۇرت شاۋ تارتىپ كەتەتىندىگىن كۇندەلىكتى ومىردە كورىپ ءجۇرمىز. ەكىنشىدەن, تۇراقتى ەڭبەكاقى تولەنەدى. بۇل – كۇندەلىكتى ومىردە ناقتىلى ارەكەتتى جوسپارلاۋعا مەملەكەتتىك كەپىل.
قۇدايعا شۇكىر, ۇلكەن قىزىم تۇرمىسقا شىعىپ, ەكى نەمەرە سۇيگىزىپ وتىر. تاعدىردىڭ جازۋى شىعار, ەكىنشى قىزىم بالا كۇنىنەن مۇگەدەك بولىپ قالدى. ءۇشىنشى قىزىم جوعارى وقۋ ورنىندا, كەنجەمىز مەكتەپتە وقيدى. جۇبايىم جيھاز جاساپ, ادال ەڭبەگىمەن بالا-شاعا ناپاقاسىن تابۋدا. سوندىقتان ايلىق جالاقىعا قاراپ وتىرعان جانداردىڭ ءبىرى بولعاندىقتان, زەينەتاقى جۇيەسىن جاڭعىرتۋدى قولدايمىن.
تالدىقورعان قالاسىندا ورنالاسقان وبلىستىق بالالاردى وڭالتۋ ورتالىعىندا كىر كيىمدەردى جۋشى بولىپ تاباتىن جالاقىم بالالارىمنىڭ ءبىر قاجەتتىلىگىن وتەگەندە قۋانىپ قالامىن. سول قۋانىشتى ۇزارتا تۇسۋگە جاسالعان قادامدى قالاي قولدامايمىن. قولدايمىن. ايلىق تابىسىمنىڭ زاڭنامامەن بەلگىلەنگەن پايىزى زەينەتاقى قورىنا اۋدارىلىپ, بولاشاققا دەگەن سەنىمىمدى تۋعىزعان سايىن قۇدايعا تاۋبەشىلىك ايتىپ, نەعۇرلىم ۇزاعىراق جۇمىس ىستەسەك سولعۇرلىم ءوسىمى مول بولاتىنىن دا بىلەمىز. قاراپايىم ەڭبەك ادامى رەتىندە زەينەتاقى جۇيەسىن جاڭعىرتۋدى قولدايتىنىمنىڭ ءبىر سەبەبى وسى.
ساۋلە ساتىبالدينوۆا,
الماتى وبلىستىق بالالاردى وڭالتۋ ورتالىعىنىڭ جۇمىسشىسى.
