ونىڭ ايتۋىنشا, 450-گە تارتا شارا ىسكە اسىرىلادى. ونىڭ 229-ى كولىك ينفراقۇرىلىمىنا, 153-ءى الەۋمەتتىك ينفراقۇرىلىمعا جانە 66-سى تۇرعىن ءۇي-كوممۋنالدىق شارۋاشىلىققا تيەسىلى.
«جوبانى ىسكە اسىرۋعا 2019-2021 جىلدارى رەسپۋبليكالىق بيۋدجەتتەن 90 ملرد تەڭگە قاراستىرىلىپ, ونىڭ ىشىندە, 2019 جىلى 30 ملرد تەڭگە ءبولىندى. 4 662 جۇمىس ورنى قۇرىلىپ, 73 مەكتەپ پەن بالاباقشا, 14 ەمحانا, 47 مادەنيەت ءۇيى مەن سپورت نىسانى جوندەۋدەن وتكىزىلەدى, 12 دەنەشىنىقتىرۋ-ساۋىقتىرۋ كەشەنى سالىنىپ, 12 اباتتاندىرۋ جوباسى ىسكە اسىرىلاتىن بولادى», دەدى ۆيتسە-مينيستر.
سونداي-اق 516 شاقىرىم جول, 35 شاقىرىم سۋمەن جابدىقتاۋ جەلىسى, 229 شاقىرىم ەلەكترمەن جابدىقتاۋ, 136 شاقىرىم گازبەن جابدىقتاۋ, 7 جىلۋمەن جابدىقتاۋ نىسانى جانە ونىڭ 20 شاقىرىمدىق جەلىسى سالىنىپ, جوندەلەدى.
«وسى جىلى 700 مىڭعا جۋىق ادام تۇراتىن 52 اۋىلدىق ەلدى مەكەن ىرىكتەلدى. باستى نازار ءىرى اۋىلدىق ەلدى مەكەندەرگە, ياعني حالىق سانى كوپ اۋدان ورتالىقتارىنا, سول جەردەگى وتكىر ينفراقۇرىلىمدىق پروبلەمالاردى تەز ارادا شەشۋگە اۋدارىلدى. 1 اۋدان ورتالىعىن قارجىلاندىرۋدىڭ كولەمى ورتا ەسەپپەن 670 ملن تەڭگەنى قۇرايدى. جەرگىلىكتى بيۋدجەتتەن قوسا قارجىلاندىرۋعا 4,5 ملرد تەڭگە نەمەسە جالپى سومانىڭ 15,8%-ى باعىتتالدى», دەدى ە.الپىسوۆ.
جەرگىلىكتى بيۋدجەتتەر مەن باسقا دا كوزدەردەن بولاتىن قوسا قارجىلاندىرۋدىڭ ايتارلىقتاي ۇلەسى اتىراۋ (84%), قاراعاندى (32%), اقتوبە (20%), الماتى (16%) وبلىستارىندا كوزدەلگەن.
بۇدان باسقا, اۋماقتاردا جۇيە قۇرايتىن ءىرى كاسىپورىنداردىڭ بيزنەستىڭ الەۋمەتتىك جاۋاپكەرشىلىگى شەڭبەرىندەگى بيۋدجەتتەن تىس قاراجاتتارى اۋىل ينفراقۇرىلىمدارىن جاڭعىرتۋعا تارتىلماق.
2025 جىلعا قاراي وڭىرلىك ستاندارتتار جۇيەسىنە سايكەس بارلىق اۋىل تۇرعىندارىنىڭ 80%-ىن قاجەتتى يگىلىكتەر مەن قىزمەتتەرمەن قامتاماسىز ەتۋ جوسپارلانۋدا.
«رەسپۋبليكانىڭ 6,5 مىڭ اۋىلدىق ەلدى مەكەنىندە 7,7 ملن استام ادام نەمەسە ەلدىڭ بارلىق حالقىنىڭ 42%-ى تۇرادى. سوڭعى 7 جىلدىڭ ىشىندە قالالارداعى تۇرعىندار سانى شامامەن 1,5 ملن ادامعا ارتىپ, 10,7 ملن ادامعا جەتتى, ال اۋىل حالقىنىڭ ۇلەسى 3,5%-عا قىسقاردى», دەدى ۆيتسە-مينيستر.
«اۋىل – ەل بەسىگى» جوباسىن 2025 جىلعا دەيىن ىسكە اسىرۋ دامۋ الەۋەتى جوعارى جانە بۇگىندە 5,5 ملن ادام تۇراتىن 1,8 مىڭنان استام اۋىلدىق ەلدى مەكەندەردىڭ الەۋمەتتىك جانە ينجەنەرلىك ينفراقۇرىلىمىن جاڭعىرتۋعا مۇمكىندىك بەرەدى. بۇل سونداي-اق اۋىل مەن قالا اراسىنداعى, دامۋ دەڭگەيى ءارتۇرلى اۋىلدىق ەلدى مەكەندەر اراسىنداعى كوشى-قون ۇدەرىسىنە وڭ اسەر ەتەدى», دەپ اتاپ ءوتتى ول.
ءسويتىپ الداعى 7 جىل ىشىندە اۋىل حالقىن «باسقارىلاتىن ۋربانيزاتسيا» ۇدەرىستەرىمەن قامتۋ جانە ونداعى تۇرعىندار سانىن 600 مىڭ ادامعا ۇلعايتىپ, 2025 جىلى 6,1 ملن ادامعا جەتەتىن تىرەك اۋىلداردا ءومىر ءسۇرۋدىڭ نەعۇرلىم قولايلى ورتاسىن قۇرۋ كوزدەلۋدە.
