«راللي قازاقستان 2019» جارىسى ەكىنشى كۇنىنىڭ مارشرۋتى سەنەك ەلدى مەكەنىنەن شىعىسقا قاراي ءشول ارقىلى اينالما ۋچاسكەنى قامتىدى. ارنايى ۋچاسكە قۇمدى القاپ ارقىلى ءوتتى, راللي قاتىسۋشىلارى وسى كەزەڭنىڭ بارلىق قيىندىقتارىنا توتەپ بەرە الدى.
ەكيپاجدار تاڭەرتەڭ كەندىرلى ايماعىنداعى باستاپقى پوزيتسياعا اتتاندى, وندا ەكىنشى جارىس كۇنىنىڭ مارەسى دە ورنالاستى. جارىستىڭ ءفاۆوريتى ناسسەر سالەح ءال-اتتيا (Nasser Al Attiyah Team) بىردەن كوش باستاپ, مارەگە دەيىن الدىڭعى ورىندى ساقتاپ قالدى. ال, ەكىنشى ورىن ءۇشىن نيدەرلاندىدان كەلگەن بەرنحارد تەن برينكە (Overdrive Racing) جانە پولشادان كەلگەن ياكۋب پشيگونسكي (Orlen X-raid Team) اراسىندا قىزۋ كۇرەس ورىن الدى.
كەشەگى كەزەڭدە «داكار» ءرالليىنىڭ قازىرگى جەڭىمپازى ناسسەر ءال-اتتيا باستاپقى كۇننىڭ قورىتىندىسى بويىنشا ۇزدىك ناتيجە كورسەتتى. بىراق قورىتىندى ەسەپتە ءبىرىنشى ورىن ساۋد ارابياسىنان كەلگەن يازيد ءال-رادجيگە (Overdrive Racing) بۇيىردى, سەبەبى ناسسەر بەيتاراپتاندىرۋ ايماعىنىڭ بىرىندە جىلدامدىقتى ارتتىرعانى ءۇشىن ەكى مينۋتتىق پەناليزاتسيا الدى, وسىلايشا ول ەكىنشى ورىنعا كوتەرىلدى. ال, ءبىرىنشى كۇننىڭ ۇزدىگى ءال-رادجي بۇگىن تەك بەسىنشى ناتيجەنى عانا كورسەتتى.
ناتيجەسىندە جارىستىڭ ەكىنشى كۇنىندە ەڭ قاشىق ارنايى ۋچاسكەنى ءوزىنىڭ Toyota Hilux اۆتوكولىگىمەن ەڭ جىلدام بولىپ كاتارلىق ناسسەر سالەح ءال-اتتيا (Nasser Al Attiya Team) شتۋرمانى فراتسۋز ماتيو بومەلدىڭ كومەگىمەن باعىندىردى. ەكيپاج قاشىقتىقتى 3 ساعات 42 مينۋت جانە 14 سەكۋندتا ءوتتى.
- ەكىنشى ارنايى ۋچاسكەدەن تەز بولسا دا, بارىنشا ۇقىپتى ءجۇرىپ وتتىك. الدا ءبىزدى تاعى ءتورت كۇن جارىس كۇتىپ تۇر. ءبىز جەڭىس ءۇشىن سوڭىنا دەيىن كۇرەسۋدى كوزدەپ وتىرمىز. قۇمدا ءالى كەلەڭسىز جاعدايعا ۇشىراي قويمادىق, ءاۆتوموبيلدىڭ موتورى بارلىق قيىندىققا توتەپ بەرۋدە. ءبىزدىڭ بۇگىنگى ناتيجەگە كوڭىلىمىز تولادى, دەدى Nasser Al Attiyah Team كومانداسىنىڭ شتۋرمانى ماتە بومەل.
گوللانديالىق شاباندوز بەرنحارد تەن برينكە تاجىريبەلى شتۋرمان بەلگيالىق توم كولسۋلمەن ديستانتسيانى ءساتتى ءوتتى. ونىڭ ەكيپاجى ناسسەردەن نەبارى 2 مينۋتقا ارتتا قالدى, ەندى ەكىنشى كەزەڭنەن كەيىن ول جالپى ەسەپتە ءتورتىنشى ورىنعا كوتەرىلدى.
- بۇگىن ءبىز وتە كۇردەلى مارشرۋتتان وتتىك, بىزگە قۇمدى جانە تاستى ۋچاسكەلەردى ەڭسەرۋگە تۋرا كەلدى. ءبىزدىڭ ەكيپاجىمىز ءۇشىن ەكىنشى كۇنى ءبارى ويداعىداي بولدى. دەگەنمەن, بىزگە جارىس كەزىندە جارىلعان دوڭگەلەكتى اۋىستىرۋعا تۋرا كەلدى, بىراق جوعالعان ۋاقىتقا قاراماستان, ءبىز ەكىنشى بولىپ مارەگە جەتتى. ناعىز شايقاس ەندى باستالادى, دەدى بەرنارد تەن برينكە.
ءۇشىنشى مارە سىزىعىن راللي-رەيد بويىنشا الەم كۋبوگىنىڭ قازىرگى چەمپيونى ياكۋب پشيگونسكي كەستى. ەكىنشى ورىن ءۇشىن كۇرەستە ول تەن برينكەگە تەك 21 سەكۋندقا جول بەردى. وسىعان قاراماستان, پولياك پيلوتى جالپى ەسەپتە ەكىنشى ورىنعا كوتەرىلىپ, ناسسەر ءال-اتتيادان 4 مينۋت جانە 32 سەكۋندقا ارتتا تۇر.
- قازاقستاندىق كەزەڭنىڭ اتموسفەراسى اسەرلى. جارىس دەڭگەيى تاس جولدا دا, ودان تىس جەردە دە وتە اناعۇرلىم وسكەن. بۇگىنگى كۇن - وسىنىڭ جارقىن مىسالى. تاماشا اۋا رايى بولدى, ىستىق ەمەس. ءبىز بەرنحارد تەن برينكامەن قىزۋ باسەكەلەستىك. ماڭعىستاۋ پەيزاجدارىن تاماشالاپ, بۇگىنگى سايىستان ءلاززات الدىق. ءبىز قازىر ناسەردەن الىس ەمەسپىز, دەدى جارىستان كەيىن ياكۋب پشيگونسكي.
فرانتسۋز اۆتوشاباندوزى ستەفان پەتەرانسەل (X-raid MINI JCW Team) ءوزىنىڭ جۇبايى ءارى شتۋرمانى اندرەا پەتەرانسەلمەن ءوزىنىڭ Mini John Cooper Works Rally كولىگىندە رەتىندە ءتورتىنشى بولىپ مارەگە جەتتى جانە ناسسەردەن 4 مينۋت جانە 16 سەكۋندقا ارتتا قالدى. ەكىنشى كەزەڭنەن كەيىن ول قورىتىندى كەستەدە بەسىنشى ورىندا كەلەدى.
- بۇگىن ءبىزدىڭ كەشەگىگە قاراعاندا جاعدايىمىز وڭتايلاندى. قيىن جانە جىلدام ۋچاسكەلەردى باسىپ وتتىك. مەنىڭ شتۋرمانىم ناۆيگاتسيانى ويداعىداي ورىندادى. ءبىز العا جىلجۋدامىز, بۇل, ارينە, قۋانتادى, دەدى ستەفان پەتەرانسەل.
قازاقستاندىق دۋەت اندرەي چەرەدنيكوۆ پەن يگنات فالكوۆ سەگىزىنشى ناتيجەنى كورسەتتى. ءبىزدىڭ كوماندا قاشىقتىقتى 4 ساعات 36 مينۋت جانە 12 سەكۋندتا باعىندىرىپ, جالپى ەسەپتە 9-شى ورىندى ساقتاپ قالدى.
T2 جول تالعامايتىن كولىكتەر ساناتىندا «Aktau Motorsport» كومانداسىنىڭ كاپيتانى, «جىبەك جولى 2017» راللي-مارافونىنىڭ جەڭىمپازى كيريلل چەرنەنكوۆ جارىستىڭ ەكىنشى كۇنىندە 5 ساعات 29 مينۋت جانە 7 سەكۋند ناتيجەسىمەن جەڭىسكە جەتتى. وسى ساناتتاعى ءبىرىنشى كۇننىڭ جەڭىمپازى كاتارلىق اۆتوشاباندوز موححامەد ال-مير (Mohhamed Nasser Almeer) قازاقستاندىق كوماندادان مارە سىزىعىن 16 مينۋتقا كەشىگىپ كەستى.
ت3 ساناتىندا برازيليادان كەلگەن اۆتوجارىسشى رەينالدو ۆارەلاعا (MONSTER Energy سan-Am) تەڭ كەلەر ەشكىم بولمادى, ول 4 ساعات 59 مينۋت جانە 33 سەكۋند ناتيجەسىمەن مارەگە جەتتى.
ال, جۇك كولىكتەرى سەرياسىندا رەسەيلىك «كاماز-ماستەر» كومانداسىنىڭ شاباندوزى دميتري سوتنيكوۆ تاعى دا جەڭىس تۇعىرىنان كورىندى, ونىڭ ەكيپاجى ەكىنشى كۇننىڭ قاشىقتىعىن 4 ساعات 17 مينۋت جانە 52 سەكۋندتا ەڭسەردى.
29 مامىردا رالليشىلەردى ءۇشىنشى جارىس كۇنى كۇتەدى, ولار 327 شاقىرىم ارنايى ۋچاسكەنى ءجۇرىپ وتەدى. باعىت كەندىرلىنىڭ شىعىسىنا قاراي بەت الادى. قۇم جوتالارى مەن تاستى جولدار ارقىلى جارىس قاتىسۋشىلارى دوڭەستى ايماق ءۇستىرتتىڭ بويىنداعى جىلدام تراسسانى باسىپ وتەدى.
ماڭعىستاۋ وبلىسى
