فورۋم جاڭا بەلەسكە كوتەرىلدى
سەيسەنبى, 16 ءساۋىر 2013 2:03
الماتى وبلىسىندا باستى ماقساتى تۋعان جەرىنىڭ قالىپتاسۋى مەن جۇيەلى دامۋىنا, سول ارقىلى تۇتاستاي تاۋەلسىز قازاقستاننىڭ دامۋىنا سۇبەلى ۇلەس قوسقان وتانداستارىمىزدىڭ جەتىستىكتەرىنىڭ تاريحىن ايقىنداپ, كورسەتۋ بولىپ تابىلاتىن «ەلىمنىڭ تاعدىرى – مەنىڭ تاعدىرىم!» اتتى فورۋمنىڭ ەكىنشى كەزەڭى باستاۋ الدى. اۋداننىڭ بەلگىلى ادامدارىنىڭ قاتىسۋىمەن وتكەن مەرەكەلىك ءىس-شارا قاسكەلەڭ قالاسىندا ۇيىمداستىرىلدى.
سەيسەنبى, 16 ءساۋىر 2013 2:03
الماتى وبلىسىندا باستى ماقساتى تۋعان جەرىنىڭ قالىپتاسۋى مەن جۇيەلى دامۋىنا, سول ارقىلى تۇتاستاي تاۋەلسىز قازاقستاننىڭ دامۋىنا سۇبەلى ۇلەس قوسقان وتانداستارىمىزدىڭ جەتىستىكتەرىنىڭ تاريحىن ايقىنداپ, كورسەتۋ بولىپ تابىلاتىن «ەلىمنىڭ تاعدىرى – مەنىڭ تاعدىرىم!» اتتى فورۋمنىڭ ەكىنشى كەزەڭى باستاۋ الدى. اۋداننىڭ بەلگىلى ادامدارىنىڭ قاتىسۋىمەن وتكەن مەرەكەلىك ءىس-شارا قاسكەلەڭ قالاسىندا ۇيىمداستىرىلدى.
ەسكە سالا كەتسەك, ەكىنشى رەسپۋبليكالىق فورۋم اقمولا وبلىسىندا باستاۋ العان بولاتىن. ءبىرىنشى كەزەڭدە ەستافەتانى رەسپۋبليكانىڭ بارلىق اۋداندارى قابىلداپ الىپ, وبلىستىق فورۋمعا لايىق دەگەندەرى جولداما الدى. فورۋم سپيكەرلەرىن بۇگىنگى كۇننىڭ ناعىز ەرلەرى: كورنەكتى قوعام جانە ساياسي قايراتكەرلەر, مەملەكەتتىك ورگانداردىڭ, ونەر مەن عىلىم, ەتنومادەني بىرلەستىكتەردىڭ وكىلدەرى ەلىمىزدە ءتۇرلى سالالاردا قىزمەت ەتەتىن زيالىلار, سوعىس جانە ەڭبەك ارداگەرلەرى, جاۋىنگەر-ينتەرناتسيوناليستەر, اتاقتى سپورتشىلار, جاستار كوشباسشىلارى قۇرادى.
ەڭ لايىقتى دەپ تانىلعاندار ەلوردا كۇنى قارساڭىندا استانادا ءوتكىزىلەتىن «ەلىمنىڭ تاعدىرى – مەنىڭ تاعدىرىم!» ەكىنشى رەسپۋبليكالىق فورۋمىنا جولداما الادى.
الماتى وبلىسى ەرتە كەزدەن-اق ءوزىنىڭ ءوندىرىس, اۋىلشارۋاشىلىق جانە قۇرىلىس سالالارى بويىنشا جەتىستىكتەرىمەن تانىلىپ, ايماقتىڭ ەكونوميكاسىنىڭ دامۋىنا ءوز ۇلەستەرىن قوسىپ كەلەدى. يندۋستريالىق-يننوۆاتسيالىق دامۋعا باعىتتالعان مەملەكەتتىك باعدارلامالاردى جەدەلدەتۋدىڭ ناتيجەسى ەكونوميكا سالالارىنىڭ ناقتى دامۋىنا وڭ ىقپالىن تيگىزدى. وبلىستا ايماقتىق جالپى ءونىم 2011 جىلى 1 286,4 ملرد. تەڭگەنى, جان باسىنا شاققاندا 680,1 مىڭ. تەڭگەنى قۇرادى. سونىمەن ءبىرگە, وبلىستىڭ رەسپۋبليكاداعى ءىجو-ءسى 4,4%-دى كورسەتتى. 2012 جىلعى باعالاۋ بويىنشا ءىاو 1 385,4 ملرد. تەڭگەنى, جان باسىنا شاققاندا 726,8 مىڭ تەڭگەنى قۇراپ, 2011 جىلمەن سالىستىرعاندا 6,9%- عا ءوستى.
دەنساۋلىق ساقتاۋ, ءبىلىم بەرۋ, مادەنيەت, سپورت, شاعىن جانە ورتا بيزنەستىڭ دامۋىنا بارلىق جاعداي جاسالعان. جەرگىلىكتى باسىمدىقتاردىڭ ءبىرى حالىقتىڭ الەۋمەتتىك قورعالۋى, اسىرەسە, وتانداستارىمىزدىڭ ءومىر ساپاسىن ارتتىرۋ ەكەنى قۋانتىپ وتىر. تەك ىشكى جانە حالىقارالىق ءتۋريزمنىڭ دامۋىنا عانا ەمەس, سونداي-اق مىڭداعان قازاقستاندىقتاردىڭ ءان-جىرىنا ارقاۋ بولعان قاسيەتتى جەتىسۋ جەرى مەن تابيعي-رەكرەاتسيالىق رەسۋرستار – ىلە جانە جوڭعار الاتاۋى, الاكول جانە بالقاش كولدەرى, تاۋ وزەندەرى جايىندا ايتا كەتكەن ورىندى.
دەگەنمەن, الماتى وبلىسى مەن جالپى قازاقستاننىڭ باستى بايلىعى – ادامدارى. ولاردىڭ قاتارىنا ەلىمىزگە عانا ەمەس, سونىمەن بىرگە, الەمگە تانىمال جىر الىبى جامبىل جاباەۆ, ساياسي قايراتكەر تۇرار رىسقۇلوۆ, اقيىق اقىن مۇقاعالي ماقاتاەۆ, قازاقتىڭ بەينەلەۋ ونەرىنىڭ نەگىزىن سالۋشى ءابىلحان قاستەەۆ, كومپوزيتورلار نۇرعيسا تىلەنديەۆ پەن مۇقان تولەباەۆ, ۇشقىش-كوسموناۆت تالعات مۇساباەۆ جانە ت.ب. بار. بۇل تىزىمدەگى ەرەكشە ورىندى قاسكەلەڭ اۋدانىنداعى شامالعان اۋىلىندا دۇنيەگە كەلگەن قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازارباەۆ يەلەنەدى.
ءدال وسى جەردە ءبىرىنشى وبلىستىق فورۋمدى وتكىزۋ تۋرالى شەشىم قابىلداندى. ءىس-شارانىڭ سالتاناتتى ءراسىمى ناۋرىزباي باتىردىڭ ەسكەرتكىشىنە گۇل شوقتارىن قويۋمەن باستالدى. ودان ارى كەش قوناقتارى مەن قاتىسۋشىلارى ءۇشقوڭىر كەنتىندەگى قاراساي باتىر اتىنداعى مەكتەپتەگى «شاپاعات» مۇراجايىندا جانە قاسكەلەڭدەگى تاريحي-ولكەتانۋ مۇراجايىندا قارسى الىندى.
قاhارماندارى الماتى وبلىسىنىڭ تۇرعىندارى بولىپ تابىلاتىن «ەلىمنىڭ تاعدىرى – مەنىڭ تاعدىرىم!» دەرەكتى ءفيلمى كورسەتىلگەننەن كەيىن قاسكەلەڭ مادەنيەت ۇيىندە نەگىزگى ءبولىمدى اۋدان اكىمى سەرىك مۇقانوۆ اشىپ: «قيىن-قىستاۋ كەزەڭدە قازاقستاننىڭ تۇڭعىش پرەزيدەنتى نۇرسۇلتان نازارباەۆ ەلىمىزدىڭ باستى باسىمدىعى رەتىندە اۋەلى – ەكونوميكا, ودان كەيىن – ساياسات, دەپ بەلگىلەپ, ەلى مەن حالقىنىڭ تاعدىرىن ءوز جاۋاپكەرشىلىگىنە الدى. بۇگىندە ءبىزدىڭ رەفورمالارىمىز الەمدە «قازاقستاندىق جول» دەگەن اتپەن بەلگىلى. نۇرسۇلتان ءابىش ۇلى تاعدىر مەن تاريح سىناعىنان ابىرويمەن ءوتتى, ءوز حالقىن وركەندەۋ جولىنا جەتكىزدى», – دەدى.
ۇلى وتان سوعىسىنىڭ ارداگەرى, ەلباسىنىڭ مۇعالىمى بولعان سەيىتحان يساەۆ, قاراساي اۋداندىق ارداگەرلەر كەڭەسىنىڭ ءتوراعاسى سايلاۋبەك قىدىراليەۆ, «قۇرمەت» وردەنىنىڭ يەگەرى, بالقاش اۋدانىنىڭ قۇرمەتتى ازاماتى, وبلىستىق ءماسليحاتتىڭ دەپۋتاتى, بالقاش اۋداندىق «بىرلىك» اگروفيرماسىنىڭ ديرەكتورى ءابدىجاپپار قىستاۋباەۆ, الاكول اۋداندىق ءماسليحاتىنىڭ دەپۋتاتى, اۋداندىق اجەلەر كەڭەسىنىڭ ءتورايىمى, ءبىلىم بەرۋ ءىسىنىڭ قۇرمەتتى قىزمەتكەرى ۇلجالعاس دۇيسەنباەۆا, پانفيلوۆتاعى «يرادا» شارۋا قوجالىعىنىڭ ءتورايىمى سۋريام يزيموۆا جەرلەستەرى الدىندا وزدەرىنىڭ وي-پايىمدارىن ورتاعا سالدى.
ۇوس-تىڭ 95 جاستاعى ارداگەرى سەيىتحان يساەۆ ءوزىنىڭ دارىندى وقۋشىسى نۇرسۇلتان نازارباەۆ تۋرالى ەستەلىكتەرىمەن ءبولىستى. «مەكتەپ قابىرعاسىنان باستاپ نۇرسۇلتاننىڭ مىنەزىندە باستى ەرەكشەلىك – ماقساتقا تالپىنۋشىلىق اڭعارىلدى. سول بالعىن شاعىنان ول كەلەشەكتى ويلادى, ول ءۇشىن كۇرەستى, ادامدارعا قىزمەت ەتۋگە ۇمتىلدى, وزىندەگىنىڭ ءبارىن وتانىنا بەردى», – دەدى ول.
فورۋمعا قاتىسۋشى سۋريام يزيموۆا تۇڭعىش پرەزيدەنتتىڭ «حالىقتىڭ كۇشى – بىرلىكتە!» دەگەن ءسوزىن كەلتىردى. «جانە شىن مانىندە, ءبىز, قازاقستاندا ءومىر سۇرەتىن ءارتۇرلى ەتنوس وكىلدەرى ەلدىڭ باستى جەتىستىگى – ول ادام ەكەندىگىنە كوز جەتكىزدىك. ءبىزدىڭ ورتاق وتانىمىز – قازاقستان! بۇل ەل ماعان ءومىر سۇرۋگە بارلىق مۇمكىندىكتەر بەردى, مۇندا ءوسۋ, دامۋ جانە گۇلدەنۋ ءۇشىن بارلىق جاعدايلار جاسالعان. بىزدەر بۇل ەلگە ريزامىز!», – دەدى ول. «ەلىمنىڭ تاعدىرى – مەنىڭ تاعدىرىم!» اتتى وبلىستىق فورۋم اياسىندا قاسكەلەڭ قالاسىندا «اتوم» جوباسىنىڭ پەتيتسياسىنا 4 مىڭ ادام قول قويدى.
وبلىستىق فيلارمونيا ءارتىستەرىنىڭ اتسالىسۋىمەن دايىندالعان مەرەكەلىك كونتسەرت ونىڭ شارىقتاۋى بولدى. باعدارلاما پرەزيدەنت ن.نازارباەۆتىڭ اندەرىنەن قۇرالدى.
* * *
وتكەن اپتا ىشىندە اقمولا, اقتوبە, الماتى, اتىراۋ, باتىس قازاقستان, جامبىل, قاراعاندى, قوستاناي, قىزىلوردا, ماڭعىستاۋ, پاۆلودار, سولتۇستىك قازاقستان وبلىستارىندا 30 قالالىق جانە اۋداندىق دەڭگەيدەگى فورۋمدار بولىپ ءوتتى. ءىس-شاراعا ماجىلىسمەندەر مەن سەناتورلار قاتىستى.
—————————-
سۋرەتتە: ناۋرىزباي باتىر ەسكەرتكىشىنە گۇل شوقتارىن قويۋ راسىمىنەن كورىنىس.
