تۇركىستان وبلىسىنىڭ اكىمى ومىرزاق شوكەەۆتىڭ قاتىسۋىمەن وتكەن اپپارات ماجىلىسىندە وبلىستىق قۇرىلىس باسقارماسى باسشىسىنىڭ ورىنباسارى ە.احمەتوۆ ءوز بايانداماسىندا وسىنداي مالىمەتتەردى كەلتىردى. قازىرگى تاڭدا كوپتەگەن نىسانداردا قۇرىلىس جۇمىستارى ەكى اۋىسىممەن جۇرگىزىلۋدە. ال تۇركىستان قالاسىن دامىتۋ بويىنشا بايانداعان قالا اكىمى الىپبەك وسەرباەۆ وبلىس اكىمىنىڭ تاپسىرماسىنا سايكەس, ءتيىستى شارالار قولعا الىنىپ, جۇيەلى تۇردە جۇمىستاردىڭ اتقارىلىپ جاتقانىن مالىمدەدى.
- جالپى, مەملەكەت مۇقتاجى ءۇشىن الىناتىن نىسان سانى 1035-تەن بۇگىنگى تاڭدا 1148-گە ۇلعايدى. ونىڭ ىشىندە 716 تۇرعىن ءۇي, 206 كاسىپكەرلىك جانە 226 اۋىلشارۋاشىلىق ماقساتىنداعى جەرلەر. ودان باعالاۋ جۇمىستارى جۇرگىزىلگەنى 611-دەن 702-گە ارتتى. سونىڭ ىشىندە وتكەن اپتادا 303 نىسان بوساتىلسا, قازىرگى تاڭدا 348-گە جەتتى. جالپى قالا بويىنشا 39 كوشەگە جانە سكۆەرلەرمەن اللەيالارعا 74 مىڭ شارشى مەتر كوپجىلدىق جانە ءبىر جىلدىق گۇلدەر, 118,5 مىڭ شارشى مەتر گازون, 59 مىڭ دانا دەكوروتيۆتى قىلقان جاپىراقتى اعاش, 19,1 مىڭ دانا بۇتالى اعاش جانە كوپتەگەن ۆەرتيكالدى كوگالداندىرۋ ەلەمەنتتەرى جوسپارلانعان. جاڭادان 12,3 شاقىرىم كانال - ارىقشا سالىندى, 11,2 شاقىرىم كانال - ارىقشالار قالپىنا كەلتىرىلدى. سونىمەن قاتار, وسى كانال - ارىقشالار بويىنان 12,3 شاقىرىم ۆەلوجول جانە 7,5 شاقىرىم اياقجول سالىناتىن بولادى», – دەدى قالا اكىمى ءا. وسەرباەۆ.
باياندامادان سوڭ وبلىس اكىمى كۇزگە دەيىن قۇرىلىس جۇمىستارىن قارقىنداتىپ, قالاداعى سۇرىلەتىن نىسانداردىڭ يەلەرىمەن تۇسىندىرمە شارالارىن جىلدامداتۋدى, ۆەلوجول جانە اياقجول سالۋ جۇمىستارىن تەزىرەك باستاۋدى تاپسىردى. تۇرعىن ءۇي كەزەگىن ءبولۋدى دۇرىس قاداعالاۋدى جۇكتەدى.
تۇركىستان وبلىسى
